Germaniyada iqtisodiyot va biznes boshqaruvi sohasi boʻyicha magistratura bosqichini oʻqish uchun ERP Study Scholarships (DAAD) grant dasturi

Ushbu ERP Study Scholarships (DAAD) grant dasturi bakalavrni tamomlagan xorijiy talabalarga Germaniyada magistratura yoki bakalavrdan keyingi qoʻshimcha kurslarda oʻqish imkoniyatini beradi. Grant dasturiga bakalavr darajasini iqtisodiyot va biznes yoʻnalishlarda tamomlagan talabalar hujjat topshirishlari mumkin.

Grant orqali Germaniyaning iqtisodiyot va biznes yoʻnalishi mavjud davlat universitetlarining birida magistrlik darajasida oʻqish mumkin.

Dastur davomida grant sohiblari tanlagan dasturiga qarab 18 oydan 24 oygacha oylik stipendiya, oʻquv xarajatlari uchun mablagʻ va sugʻurta pullari bilan taʼminlanadi. Safar xarajatlari ham tashkilot tomonidan qoplab beriladi. Grantni moliyalashtirish 3 yoki 4 semestr davom etishi mumkin (nomzodning akademik koʻrsatkichlariga qaraladi).

Dastur boʻyicha batafsil maʼlumotlarni bu yerda oʻqish mumkin.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

Dasturda ishtirok uchun nomzodlar quyidagi talablarga javob berishi lozim:

• Nomzod iqtisodiyot yoki biznes sohasida bakalavr darajasiga ega boʻlishi va diplomini olganiga 6 yildan oshmagan boʻlishi kerak;
• Germaniyada oʻqish uchun 3 ta universitetga hujjat topshirishi va qabul xati DAADga dastur boshlanguncha taqdim etilishi kerak;
• 15 oy va undan ortiqroq muddatdan beri Germaniyada yashab kelayotgan nomzodlar dasturga qabul qilinmaydi;
• Tanlagan kursiga qarab til bilish talablariga (Ingliz va/yoki nemis tili bo'yicha) javob berishi lozim.

Talablar haqida batafsil ushbu havoladan bilib olishingiz mumkin.

Dasturga qabul qilinganlar quyidagi imtiyozlarga ega boʻladi:

• Oylik €992 stipendiya beriladi;
• Germaniyaga borish va qaytish uchun sayohat xarajatlari qoplanadi;
• Oʻqish xarajatlari uchun yiliga €460 mablagʻ bilan taʼminlanadi;
• Sogʻliqni saqlash, baxtsiz hodisalar va shaxsiy javobgarlikni sugʻurtalash boʻyicha toʻlovlar toʻliq moliyalashtiriladi;
• Dastur boshlanishidan 2 oy avval Germaniyadagi nemis tili kursiga qatnashishi mumkin. Bunda kurs toʻlovlari DAAD tomonidan qoplanadi

Dastur imtiyozlari haqida batafsil ushbu havola orqali bilib olishingiz mumkin.

Dasturga ariza topshirish uchun nomzodlar quyidagi amallarni bajarishlari lozim:

1. Ushbu havola orqali DAAD portalidan roʻyxatdan oʻtish;

2. DAAD portalida onlayn hujjat topshirish:

Hujjat topshirish boʻyicha umumiy yoʻriqnoma bilan ushbu havola orqali tanishish mumkin.

Kerakli hujjatlar:

• CV (3 sahifadan oshmagan boʻlishi lozim);
• Motivatsiya xati, nega ushbu dasturga ariza topshirayotgani haqida batafsil maʼlumot berilgan xat (2 sahifadan oshmagani maʼqul);
• Tanlamoqchi boʻlgan kurs haqida maʼlumotnoma shakli;
• Bakalavr diplomi va ilovasi;
• Universitet baholari tarjimasi bilan;
• Til sertifikati;
• Maktab yoki kollej/litseyni tamomlaganligini tasdiqlovchi hujjat va uning baholari tarjimasi bilan;
• Sohasiga tegishli boʻlgan sertifikatlar (ishlagan joyidan maʼlumotnoma va boshqalar).

Hujjatlarga qo'yilgan maxsus talablar bilan bu yerda batafsil tanishish mumkin. 

Dasturga hujjat topshirish haqida GrantGО tomonidan tayyorlangan quyidagi video orqali batafsil tanishish mumkin:

Ariza topshirishda texnik muammolar boʻlsa, ushbu manzilga xabar yuborish mumkin.

Qoʻshimcha savollar bilan Germaniyaning Toshkentdagi elchixonasiga murojaat qilishingiz mumkin.

Manzil: Sharof Rashidov koʻchasi 15.

Tel: +998 78 1208478

+99899 1000389

Muhim eslatma: ariza barcha hujjatlar toʻliq topshirilgandagina koʻrib chiqiladi.