Germaniyada magistratura dasturida bepul oʻqish va Sartorius kompaniyasida amaliyot oʻtash imkoniyati; oyiga €800 stipendiya taqdim etiladi
  • 01/07/2022 Qabul boshlanishi
  • Toʻliq Moliyalash turi
  • Germaniya Davlat
  • 31.07.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr)
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Germaniyaning farmatsevtika va laboratoriya jihozlarini dunyo miqyosida taʼminlovchi yirik kompaniyasi Sartorius AG Germaniya universitetlarida fan(science), IT, va muhandislikka oid yoʻnalishlardan birida magistraturada oʻqimoqchi boʻlgan talabalarga stipendiya dasturini eʼlon qildi.

Dastur talabaning oʻqish toʻlovini qoplaydi, shuningdek boshqa xarajatlar uchun oyiga €800 miqdoridagi stipendiya taqdim etadi.

Stipendiya dasturi doirasida, talabalar nafaqat magistratura darajasida bepul oʻqish, balki Sartoriusʼda amaliyot oʻtash va shaxsiy va professional rivojlanish uchun individual ravishda murabbiylar bilan ishlash imkoniyatiga ega boʻladi.

Dastur talabaga stipendiya berilgan yilning qishki semestrida (1-oktyabr yoki muqobil ravishda 1-noyabr) boshlanadi. Stipendiya va grant ajratilishi talaba magistratura dasturini tamomlagunga qadar davom etadi.

Rasmiy sayt orqali stipendiya dasturi haqida batafsil maʼlumot olish mumkin.

Maqbullik shartlari

Stipendiya dasturi talablari:

  • IT, maʼlumotlar fanlari(data science), kimyo, bio va biotibbiyot muhandisligi, kimyo muhandisligi yoki elektrotexnika boʻyicha bakalavr darajasiga ega;
  • Universitet baholari yuqori boʻlgan;
  • Germaniya universitetida yuqoridagi yoʻnalishlardan birida magistratura dasturiga roʻyxatdan oʻtgan yoki oʻqishni reja qilgan;
  • Farmatsevtika va laboratoriya uskunalarini xalqaro miqyosda taʼminlovchi yirik kompaniya Sartoriusʼda professional tajribaga ega boʻlish istagidagi;
  • Ingliz tilini yuqori darajada biladigan, harakatchan va barqarorlik(sustainability)ni qoʻllab-quvvatlovchi nomzodlar hujjat topshirishi mumkin; chet elda ishlash yoki oʻqish tajribasi nomzodga ustunlik beradi.

Rasmiy sayt orqali stipendiya dasturi talablari haqida batafsil maʼlumot olish mumkin.

Foydali tomonlari

Stipendiya quyidagi imtiyozlarni taqdim etadi:

  • Magistraturada oʻqish toʻlovidan ozod etiladi;
  • Oyiga €800 miqdoridagi stipendiya;
  • Sartoriusʼda stajirovka yoki magistrlik dissertatsiyasi;
  • Professional va shaxsiy rivojlanish boʻyicha individual maslahat uchun shaxsiy murabbiy;
  • Boshqa stipendiatlar va ekspertlar bilan aloqa oʻrnatish;
  • Professional faoliyatni boshlash uchun yaxshi istiqbollar.

Rasmiy sayt orqali stipendiya dasturi imtiyozlari haqida batafsil maʼlumot olish mumkin.

Hujjat topshirish

  1. Rasmiy sayt orqali onlayn ariza topshiriladi(oxirgi muddat 2022-yil 31-iyul);
  2. Saralashdan soʻng nomzodlar telefon orqali suhbatga taklif qilinadi;
  3. Suhbatdan muvaffaqiyatli oʻtgan nomzodlar Germaniya, Gottingendagi bir kunlik baholash markaziga taklif qilinadi. Shu kuni nomzodlar turli xil vazifalar beriladi va kun oxirida nomzodlarga batafsil izoh beriladi va yakuniy qaror eʼlon qilinadi.

Qoʻshimcha maʻlumotlar

Rasmiy eʼlon soʻnggidagi tez-tez soʻraladigan savollar boʻlimi — FAQs.

Murojaat uchun aloqa maʼlumotlari.

Germaniya
Germaniyada magistratura dasturida bepul oʻqish va Sartorius kompaniyasida amaliyot oʻtash imkoniyati; oyiga €800 stipendiya taqdim etiladi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar