Germaniyaning Berlin va Potsdam shahridagi universitetlarda oʻqimoqchi boʻlganlar uchun SBW Berlin Scholarship dasturi
  • 15/05/2022 Qabul boshlanishi
  • Toʻliq Moliyalash turi
  • Germaniya Davlat
  • 30.06.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Magistr talabasi
  • Dastur tili
    Ingliz tili, Nemis tili
  • Yosh chegarasi
    18 yoshdan 30 yoshgacha

Sohalar

Doʻstlar bilan ulashing

Umumiy maʻlumotlar

SBW Berlin Scholarship dasturi Germaniyaning Berlin yoki Potsdam shahridagi universitetlardan birida oʻqishni xohlovchi talabalarni moddiy jihatdan qoʻllab quvvatlash uchun tashkil etilgan.

Dasturda Berlin yoki Potsdamdagi universitetlardan birida bakalavr yoki magistratura bosqichida oʻqiyotgan 18-30 yoshli talabalar ishtirok etishi mumkin. Dasturning asosiy talablaridan biri oʻqish yakunlangandan soʻng nomzod oʻz vataniga qaytishi va kamida 18 oy ishlash istagiga ega boʻlishi kerak.

Dasturda ishtirok etish uchun ingliz tilini yaxshi bilishi zarur, nemis tilini bilish talab etilmaydi. Dasturga qabul qilingan har bir ishtirokchi haftalik yigʻilishlarda qatnashishi, oʻz loyihasining davom etayotganini isbotlashi, har bir semestrdan keyin loyiha tavsifi va rivojlanish rejasi haqida maʼlumot taqdim etishi, qolaversa, aʼlo darajadagi akademik koʻrsatkichlarni saqlab qolishi kerak.

Dasturga qabul qilingan ishtirokchilar kontrakt toʻlovi qoplanadi va ular turar joy va yashash uchun oylik stipendiya bilan taʼminlanadi.

Maqbullik shartlari

Dasturda ishtirok etish uchun nomzodlar quyidagi talablarga javob berishi kerak:

  • Nomzod Berlin va Potsdam shaharlaridagi universitetlardan biriga bakalavr yoki magistratura bosqichiga qabul qilingan yoki koʻpi bilan 3-semestrida oʻqiyotgan boʻlishi kerak;
  • Dasturda 18 yoshdan 30 yoshgacha kam daromadli oila farzandlari ishtirok eta oladi;
  • Akademik koʻrsatkichlari yuqori boʻlishi lozim. Umumiy 100 % dan 80% natijaga (nemis baholash tizimida 2.0) ega boʻlishi kerak;
  • Ingliz tilida erkin muloqot qila olishi kerak. Nemis tilini bilish majburiy emas. Universitet til talablarini bajarishi lozim. Dasturga qabul uchun oxirgi bosqichda til sertifikati (ingliz yoki nemis) soʻralishi mumkin;
  • Dastur yakunlangandan soʻng oʻz vataniga qaytishi va kamida 18 oy ishlash istagi boʻlishi shart;
  • Nomzoddan oʻz sohasi boʻyicha ish tajribasi talab etilishi mumkin.

Izoh: Asosiy talablar dasturga ariza topshirish jarayonida (15-maydan soʻng) yanada aniqlashtiriladi.

Dastur talablari bilan batafsil ushbu havola orqali tanishish mumkin.

Foydali tomonlari

Dasturga qabul qilingan ishtirokchilar quyidagi imtiyozlarga ega boʻladi:

  • Oʻqish kontrakt toʻlovlari toʻliq qoplanadi;
  • Ishtirokchilar turar joy va yashash uchun oylik stipendiya bilan taʼminlanadi.

Dastur imkoniyatlari bilan batafsil ushbu havola orqali tanishish mumkin.

Hujjat topshirish

Dastur ishtirok etish uchun onlayn ariza shakli toʻldiriladi. Ariza toʻldirish jarayonida motivatsion xat va baholar taqdim etilishi kerak. Shundan soʻng saralangan ishtirokchilar intervyu bosqichiga taklif etiladi. 

Izoh: arizalar qabuli 15-maydan boshlanadi va qabul jarayoni haqida maʼlumotlar aniqlashtiriladi.

Qoʻshimcha maʻlumotlar

Dasturga yilda 2 marta ariza topshirish mumkin:

  • 15-maydan 30-iyungacha;
  • 15-noyabrdan 31-dekabrgacha.

SBW Berlin stipendiyasi ishtirokchilari oʻqishlarining boshidanoq oʻzlarining ijtimoiy notijorat loyihalarini amalga oshirishni boshlaydi. Ushbu loyihalar stipendiya oluvchining vatanidagi boshqa notijorat tashkilotlarning sharoitlarini yaxshilash uchun moʻljallangan boʻlishi kerak. Oʻqishni muvaffaqiyatli tugatgandan soʻng, ishtirokchilar oʻz loyihalari ustida ishlashni davom ettirishi va Berlindagi oʻqishi davomida olingan koʻnikma va bilimlarni amalga oshirish uchun oʻz mamlakatlariga qaytishlari kerak.

Dastur haqida ushbu havolalar orqali qoʻshimcha maʼlumotlar olinishi mumkin:

Dastur bilan bogʻliq murojaatlar ushbu havola orqali qabul qilinadi.

Germaniya
Germaniyaning Berlin va Potsdam shahridagi universitetlarda oʻqimoqchi boʻlganlar uchun SBW Berlin Scholarship dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar