Germaniyaning Mannheim universiteti tomonidan magistratura va bakalavr bosqichida tahsil olish uchun Deutschland Scholarship stipendiyasi

Germaniyaning Mannheim universiteti Deutschland Scholarship stipendiyasini eʼlon qiladi. Dasturda universitetda bakalavr yoki magistratura bosqichida oʻqish istagida boʻlganlar ariza topshirishlari mumkin. Yosh chegarasi belgilanmagan.

Stipendiantlarga har oy 300 yevro miqdorda stipendiya beriladi va universitet tomonidan boshqa masalalarda ham qoʻllab quvvatlanadi. Har yili taxminan 120 ta nomzodlar saralab olinadi.

Ushbu stipendiyani faqatgina Mannheim universitetiga qabul qilinganlargina qoʻlga kiritadi.

Deutschland Scholarshipni qoʻlga kiritish uchun nomzodlar quyidagi talablarga javob berishlari kerak:

• Maktab yoki universitetdagi baholar aʼlo darajada boʻlishi lozim;
• Nomzodlarning oʻqishdan tashqari qatnashgan sport, ijtimoiy ishlarda faolligi va boshqa mashgʻulotlar ham stipendiyani qoʻlga kiritishda yordam beradi;
• Bakalavr va magistratura talabalari ham ariza topshirishlari mumkin. Faqatgina ular oldindan Mannheim universitetiga qabul qilinishlari va belgilangan muddatdan boshlab universitetda oʻqishni boshlashlari zarur;
• Stipendiyaga ariza topshirish uchun hech qanday yosh chegarasi belgilanmagan;
• Germaniya fuqarosi boʻlish shart emas.

Stipendiya talablari haqida ushbu havola orqali batafsil maʼlumot olish mumkin.

Stipendiyani qoʻlga kiritganlarga quyidagi imkoniyatlar beriladi:

• Har oy 300 yevro miqdorda stipendiya;
• Mannheim universiteti stipendiya maʼmuriyati va stipendiant bilan bevosita aloqada boʻladi. Bu bilan ular talabani ish bilan taʼminlash, maxsus uchrashuvlarda va iqtidorlarini rivojlantirishga yoʻnaltirilgan mashgʻulotlarda qatnashishi uchun imkon yaratib beradi;
• Har kuzgi semestr boshida stipendiantlar uchun marosim uyushtiriladi;
• Stipendiya odatda bir yil uchun moʻljallangan, ammo nomzod akademik koʻrsatkichi yaxshi boʻlsa va stipendiya beruvchi tashkilot bilan kelisha olsa, bu muddat uzaytirilishi mumkin;
• Stipendiya faqatgina 300 yevro miqdorda moddiy va ma'lum bir masalalarda koʻmak beradi. Baʼzi holatlarda Germaniya fuqarosi boʻlmaganlar uchun kontrakt puli ham toʻlab berilishi mumkin.

Deutschland Scholarship imkoniyatlari haqida batafsil ushbu havola orqali tanishish mumkin.

Stipendiyaga ariza topshirish muddati:

-Magistratura uchun: 2022-yil 15-martdan 31-maygacha;

-Bakalavr uchun: 2022-yil 1-iyundan 18-iyulgacha;

Eslatma! Yuqorida stipendiya uchun ariza topshirish muddati keltirildi. Nomzodlar stipendiyaga ariza topshirishdan avval Mannheim universitetiga qabul qilingan boʻlishlari lozim. Qabul vaqtlari va talablari bilan batafsil bu yerda tanishish mumkin.

Ariza topshirish uchun quyidagilar talab qilinadi:

• Motivatsion xat;
• CV;
• Universitetga kirish baholari;
• Baholar transkripti (Transkript boʻyicha talablar bilan batafsil ushbu havola orqali maʼlumot olish mumkin);
• Diplom (Agar avval biror joyda tahsil olgan boʻlsa);
• Sertifikatlar va medallar (Agar mavjud boʻlsa, ikki yildan avval olinganlari hisoblanmaydi);
• Ish faoliyati va tajribasi haqida maʼlumotnoma (muddati 5 yildan oʻtmagan va kamida 2 yillik boʻlishi lozim);
• Ijtimoiy faoliyati haqida maʼlumotnoma;
• Volontyorlik qilgani yoki harbiy xizmatga borganligini tasdiqlovchi hujjat;

Eslatma! Yuqorida soʻralgan hujjatlarning barchasi ham majburiy emas. Hujjatlar roʻyxati va ariza topshirish jarayoni bilan ushbu havola orqali batafsil tanishish mumkin.

Stipendiyaga ushbu havola orqali ariza topshirish mumkin.

Belgilangan muddatdan keyin topshirilgan hujjatlar qabul qilinmaydi. Hech qanday istisno holatlar mavjud emas.

Natijalar sentyabr oyida e-mail orqali eʼlon qilinadi. Stipendiya oktyabr oyidan boshlab beriladi.

Eslatma! Stipendiyaga arizalar faqatgina kuzgi semestr uchun qabul qilinadi.

Stipendiya haqida ushbu havola orqali yanada koʻproq maʼlumot olish mumkin.

Deutschland Scholarship haqida berilgan savollarga javoblar bilan ushbu havola orqali tanishish mumkin.

Telefon: +49 621 181–2222 (Dushanba – Juma, 9:00 – 16:00)
E-Mail: studium@verwaltung.uni-mannheim.de