Germaniyaning Myunxen shahrida xarajatlari toʻliq qoplanadigan sammit — Leading Scholarship 2025

Innovatsion gʻoyaga ega yoshlar uchun Germaniyaning Myunxen shahrida xarajatlari qoplanadigan sammit — Leading Scholarship 2025 taqdim etiladi.

Sammitga dunyoning deyarli barcha mamlakatlaridan kelgan ajoyib yosh yetakchilar kirishini taʼminlash dasturning missiyasi uchun muhim ahamiyatga ega. Grant yoshlarga oʻzlarining yetakchiligi va oʻz vatanlarida oʻzgarishlar yaratish qobiliyatiga koʻra qatnashish imkoniyatini beradi.

Dastur global forumlarda va qaror qabul qilish joylarida koʻpincha kam vakil boʻladigan mamlakatlarning taniqli yosh yetakchilarini aniqlash va qoʻllab-quvvatlash uchun maxsus ishlab chiqilgan.

Dastur 2025-yilning 3-6 noyabr kunlari Germaniyaning Myunxen shahrida boʻlib oʻtishi rejalashtirilgan.

Dastur haqida batafsil ushbu havola orqali maʼlumot olish mumkin.

• 18-30 yosh oraligʻidagi yetakchilik qobiliyatiga ega yoshlar qatnashishi mumkin;
• Nomzod jamiyatda ijobiy oʻzgarishlar qilishga ishtiyoqmand boʻlishi kerak;
• Mahalliy va/yoki global muammolarni hal qilishga qaratilgan innovatsion gʻoyalarni taklif qilish lozim;
• Kuchli taʼsirga ega va innovatsion gʻoyalarni yaratish boʻyicha tajribaga ega boʻlish zarur.

Eslatma: Koʻpchilik ishtirokchilar 18 yoshdan 30 yoshgacha boʻlganlarni tashkil qiladi. “One Young World” jamoasi tegishli tashabbus va ishtirok etish istagi namoyon boʻlgunga qadar 30 yoshdan oshganlarning ham arizalarini koʻrib chiqadi. Ammo sammit vaqtida 18 yoshdan kichik boʻlganlarning arizalarini qabul qilinmaydi.

Ilgari sammitda kamroq qatnashgan mamlakatlardan kelgan talabgorlarga va sammitda birinchi marta qatnashayotganlarga ustuvorlik beriladi.

• Toʻliq sammitga kirish huquqi beriladi;
• Mehmonxonada yashash xarajatlari moliyalashtiriladi (2025-yil 2-6-noyabr oraligʻida);
• Ovqatlanish xarajatlari qoplanadi (nonushta, tushlik va kechki ovqat);
• Myunxenga borish va qaytish uchun aviachipta bilan taʼminlanadi. Bunda Myunxenga borish va undan qaytish parvozi bir xil xalqaro aeroportda amalga oshirilishi kerak.

Muhim: Viza xarajatlari, shuningdek, viza uchun ariza bilan bogʻliq boshqa xarajatlar (jumladan, viza topshirish markaziga borish va qaytish) ishtirokchining zimmasida boʻladi.

Dasturda qatnashishni istaganlar ushbu havola orqali maʼlumot olishlari mumkin.

Hujjat topshirish quyidagi bosqichlardan iborat:

• Shaxsiy maʼlumotlar;
• Ariza savollari:
  • Hozirda faoliyat olib borayotgan tashkiloti;
  • Lavozimi;
  • Qisqacha avtobiografiyasi (250 ta soʻz);
  • Ustida ishlayotgan muammolari (200 ta soʻz);
  • Ushbu muammolarni hal qilish uchun qanday ishlayotgani (200 ta soʻz);
  • Yuqorida tavsiflangan harakatlardan ijobiy taʼsir koʻrgan odamlarning sonini va bu odamlarga qanday taʼsir qilgani tushuntiriladi (200 ta soʻz);
  • Ishni oʻziga xos qiladigan narsa haqida (200 ta soʻz);
  • Dasturda qatnashishdan maqsad va unda qatnashish tajribasi ishning rivojiga qanday taʼsir qilishi;
  • Olingan mukofotlar va kerakli deb hisoblangan havolalar.
• Aloqa maʼlumotlari.

• Hujjat topshirish uchun oxirgi muddat: 7-iyul, 2025-yil;
• Arizachilar koʻpligi sababli natijalar haqida soʻralgan individual elektron pochta xabarlariga javob berilmaydi va nomzodlar nima uchun tanlanmagani haqida fikr bildirilmaydi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Twitter;
• Instagram;
• YouTube;
• Linkedin.