Global Youth Festival 2026 — Parijda oʻtadigan nufuzli xalqaro yoshlar sammiti

Global Youth Festival 2026 (GYF 2026) — 2026-yilning 15-18-oktyabr kunlari Fransiyaning Parij shahrida boʻlib oʻtadigan xalqaro yoshlar yetakchiligi sammitidir. Headway Institute of Strategic Alliance (HISA) tomonidan tashkil etiladigan ushbu nufuzli tadbir dunyoning 120 dan ortiq mamlakatidan 500 dan ziyod yosh yetakchilar, oʻzgarishlar yaratuvchilari va innovatorlarni birlashtiradi.

Sammit doirasida iqlim oʻzgarishi, tinchlik va diplomatiya, ta'lim, raqamli texnologiyalar hamda inson huquqlari kabi 8 ta global mavzu boʻyicha amaliy mashgʻulotlar, munozaralar va taqdimotlar oʻtkaziladi. Yoshlarning xalqaro qarorlar qabul qilish jarayonlaridagi ishtirokini kuchaytirish va global hamkorlik tarmoqlarini yaratish maqsad qilingan.

• Dunyodagi barcha davlatlar, jumladan Oʻzbekiston fuqarolari ham ariza topshirishlari mumkin;

• Nomzodlarning yoshi tadbir oʻtkaziladigan vaqtda 18 dan 40 yoshgacha boʻlishi lozim;

• Barcha tadbirlar ingliz tilida olib borilishi sababli, ingliz tilini ogʻzaki va yozma muloqot qila oladigan darajada bilish talab etiladi;

• Sohaviy yoki akademik cheklovlar yoʻq (talabalar, bitiruvchilar, nodavlat tashkilot xodimlari, tadbirkorlar va faollar qatnashishi mumkin);

• 2026-yil 15-18-oktyabr kunlari festivalning 4 kunlik dasturlarida toʻliq qatnashish majburiyatini olish lozim.

• HISA jami 350 ta stipendiya (grant) ajratadi va u uchta toifaga boʻlinadi;

• Fully Funded Global Scholar (100 ta oʻrin): Borish-kelish aviachiptalari, viza toʻlovi qoplab berilishi, Parijda 3 kecha bepul turarjoy, forum doirasidagi oziq-ovqat, tadbirlarga toʻliq kirish huquqi, rasmiy sertifikat va mentorlik taqdim etiladi;

• Partially Funded Scholar (100 ta oʻrin): Parijda 4 kecha bepul turarjoy, forum doirasidagi oziq-ovqat, tadbirlarga toʻliq kirish huquqi, rasmiy sertifikat va mentorlik taqdim etiladi (yoʻl xarajatlari qoplanmaydi);

• Festival Pass Scholar (150 ta oʻrin): Sammit tadbirlariga bepul kirish, rasmiy sertifikat, merch-paket va mentorlik taqdim etiladi (yoʻl va turarjoy xarajatlari qoplanmaydi).

Dasturda ishtirok etish uchun hujjat topshirish quyidagi bosqichlardan iborat:

1. Headway Institute rasmiy portalida onlayn ariza shaklini toʻldiring;

2. Ariza doirasida motivatsion xat yozing va oʻzingiz ishtirok etgan ijtimoiy loyiha yoki tashabbus haqida qisqacha ma'lumot bering;

3. Toʻldirilgan bitta ariza barcha uchta toifadagi stipendiyalar uchun avtomatik ravishda koʻrib chiqiladi;

4. Hujjat topshirish jarayonida qaytarib berilmaydigan ariza toʻlovini amalga oshirish lozim.

Eslatma: Arizalarni koʻrib chiqish uchun $16.5 miqdorida qaytarib berilmaydigan toʻlov amalga oshirilishi talab etiladi. Stipendiya yuta olmagan nomzodlar uchun oʻz hisobidan qatnashish imkonini beruvchi pullik paketlar ham mavjud.

• Festival oʻtkaziladigan muddat: 2026-yil 15–18-oktyabr.

Dasturga oid barcha yangiliklarni HISA tashkilotining rasmiy Instagram, Facebook hamda LinkedIn tarmoqlaridagi sahifalari orqali kuzatib borishingiz mumkin.