Gollandiyadagi Utretch Universitetida magistratura bosqichini o‘qish uchun Utrecht Excellence grant dasturi

Gollandiya davlatidagi Utretch Universiteti xalqaro talabalarga ingliz tilida o‘qitiladigan Boshqaruv, Huquq, Iqtisodiyot yo‘nalishlarining magistratura bosqichida o‘qish uchun grant dasturini e’lon qiladi. 

Nomzodlar ilmiy salohiyati, akademik natijalari asosida saralanib olinadi.  Dastur talabalarni adolatli va barqaror jamiyatni qurishga, huquq, boshqaruv, iqtisodiyot sohasida yuqori malakali mutaxassis bo‘lishga tayyorlaydi. 

Dasturga qabul qilinganlar stipendiya bilan ta’minlanadi hamda kontrakt to‘lovidan ozod qilinadi. 

Ushbu havola orqali dastur haqida batafsil tanishib chiqish mumkin.

• O'qigan joyida top 10% talabalar safiga kira olgan bo'lishi lozim;
• Yevropa Ittifoqi fuqarosi bo'lmasligi va o‘rta ta’limni Gollandiyada olmagan bo‘lishi kerak;
• Magistratura kursining 2025-yil 1-sentyabrdan boshlanadigan hamda ingliz tilida o‘qitiladigan boshqaruv, huquq, iqtisodiyot yo‘nalishlaridan biriga qabul qilingan bo‘lishi;
• Gollandiya vizasini olish talablariga javob berishi lozim.

Nomzodlar  quyidagi mezonlar asosida saralab olinadi:

• Hozirgacha olingan ta’limda baho, test baholari, tavsiyanomalar, nashrdan chiqqan ishlari  kabi  erishgan akademik natijalari;
• Nomzodning tanlagan sohasidagi maqsad va rejalari;
• Ijtimoiy faolligi (o‘qishdan tashqari mashg‘ulotlarda);
• Magistrlik dasturiga topshirilgan motivatsiya xatining  sifati va dasturga bog‘liqligi;
• Arizaning sifati (to‘liqligi, aniqligi, izchilligi).

• Kontrakt puli to‘liq qoplanadi;
• Yashash xarajatlarini qoplashi uchun yillik stipendiya beriladi

Muhim: imtiyoz faqatgina birinchi o'quv yili uchun beriladi. Imtiyozni saqlab qolish uchun nomzod keyingi yil ham a'lo darajada o'qishi lozim.

• Grant dasturiga ariza topshirish uchun dastavval magistratura kursiga ariza topshirish lozim. Magistratura kursiga ariza topshirmagan nomzodlarning hujjatlari koʻrib chiqilmaydi.
• Magistratura dasturiga ariza topshirgandan soʻng Osiris orqali grant dasturiga ariza topshiriladi
• Arizada soʻralgan savollarga javob berish va kerakli hujjatlarni toʻldirish soʻraladi.

Ariza topshirgach, Utretch Scholarship uchun faqat bitta soʻrov qabul qilinadi (noyabr oyida). Grant dedlayni magistrlik dasturidagi talablarga bogʻliq. Har bir dasturning alohida muddati mavjud. Grantga ariza berishning umumiy muddati Toshkent vaqti bilan 2-fevral, 2025-yil soat 03:59 da nihoyasiga yetadi.

Umumiy hujjatlar:

1. Pasport/ID karta nusxasi.
2. Diplom va baholar tarjimasi nusxalari.
3. CV.
4. Motivatsiya xati.

Ariza topshirish jarayonlari bilan batafsil bu yerda tanishish mumkin.

Eslatma: ariza topshirishda badal puli mavjud. Agar nomzod ariza toʻlovidan ozod boʻlish huquqiga ega boʻlsa, OSIRIS Onlayn ilovasida ushbu toʻlovni toʻlash majburiyatidan ozod qilish uchun ariza berishi mumkin. Bu toʻlovdan ozod qilish soʻrovini koʻrib chiqishga ikki ish kunigacha vaqt ketishi mumkin, shuning uchun arizani tayyorlashda buni hisobga olish lozim.

Qoʻshimcha maʼlumot uchun:

• scholarships.rebo@uu.nl
• WhatsApp: +31 6 41 634 378 external link (online: 9.00 — 17.00);
  Email: info@uu.nl (universitetniki)
• Tez-tez soʻraladigan savollarga javoblar.