Google for Startups bilan hamkorlik dasturida startaplarni eng kuchli ekspert va murabbiylar bilan bepul rivojlantirish imkoniyati — Silkway Accelerator dasturi
-
15/04/2025 Qabul boshlanishi
-
Bepul Moliyalash turi
-
Qozogʻiston Davlat
-
24/05/2025 22:59 Oxirgi muddat
Umumiy maʻlumotlar
Astana Hub Google for Startups bilan hamkorlikda oʻtkazilayotgan Silkway Accelerator dasturiga arizalar qabuli davom etmoqda.
Dasturda Markaziy Osiyo mamlakatlari, shuningdek, Ozarbayjon, Gruziya va Moʻgʻulistonning startap kompaniyalari ishtirok etishi mumkin.
Silkway Accelerator dasturi 2025-yil 6-iyul kuni boshlanadi. Tanlov natijalariga koʻra, 15 ta eng yaxshi loyiha Оstоna shahrida oflayn rejimda oʻtkaziladigan va 3 oy davom etadigan akseleratsiyada ishtirok etishi mumkin boʻladi.
Dastur davomida ishtirokchilar oʻz startaplarini rivojlantirish va kengaytirish, yuqori malakali ekspertlar bilan networking qilish va ularning seminarlariga qatnashish imkoniyatiga ega boʻladilar.
Asosiysi, ushbu dasturda qatnashish mutlaqo bepul va nomzodlar Оstоna shahrida turarjoy bilan taʼminlanadi.
Loyiha egalari oʻz loyihalari uchun yirik miqdorda mablagʻ olishlari ham mumkin.
Dastur haqida batafsil ushbu havola orqali tanishish mumkin.
Maqbullik shartlari
Dasturda ishtirok etish uchun nomzodlardan quyidagilar talab etiladi:
- Dasturda Markaziy Osiyo davlatlari hamda Ozarbayjon, Gruziya va Mongoliya mamlakatlari fuqarolari qatnashishlari mumkin;
- Nomzod dastur davomida Qozogʻistonning Ostona shahrida boʻlib oʻtadigan tadbirlarda ishtirok etishga qodir boʻlishi lozim;
- Taqdim etilgan materialni oʻzlashtirish uchun ingliz tilini yaxshi bilish talab etiladi;
- Startaplar mahsulot bozoriga mos kelishi kerak: startups at the PMF (achieving product-market fit) and Scale (at the scale-up and export stage);
- Dasturda roʻyxatdan oʻtish uchun barcha ishtirokchilar elektron raqamli imzoga (ERI) ega boʻlishi kerak;
- Oʻzbekiston fuqarolaridan Qozogʻiston hududida 30 kungacha muddatda yashashlari uchun viza talab etilmaydi. Oʻzbekiston Respublikasidan boʻlgan ishtirokchilar IIN (individual identifikatsiya raqami) va ERI (elektron raqamli imzo) olgandan keyin 1 yoki 2 yil muddatga vaqtinchalik yashab turish uchun ariza berishlari mumkin. Vaqtinchalik yashash uchun ruxsat olish uchun Silkway Accelerator dasturida ishtirok etish boʻyicha imzolangan shartnoma asos boʻladi;
- Individual identifikatsiya raqami va elektron raqamli imzoni olish haqida batafsil maʼlumot bilan ushbu havola orqali tanishish mumkin.
Eslatma: Dastur ingliz tili bilan birgalikda rus tilida ham оlib bоrilishi mumkin. Shuning uchun rus tilini ham bilish maqsadga muvоfiq.
Dastur maqbullik shartlari haqida batafsil ushbu havola orqali tanishish mumkin.
Foydali tomonlari
Dasturga qabul qilingan nomzodlar quyidagi imtiyozlarga ega boʻladi:
- Dasturda 3 oy davomida ishtirok etish mutlaqo bepul;
- Nomzodlar Google for Startups va Astana Hub ekspertlarining seminarlariga kirish imkoniyatiga ega boʻladilar;
- Ishtirokchilar Ostona shahrida 3 oy davomida turar-joy bilan taʼminlanadi;
- Loyiha egalari $300,000 gacha boʻlgan mablagʻni olish imkoniyatiga ega boʻladi;
- Ishtirokchilar Google for Startups va Оstоna mutaxassislaridan individual maslahat olishlari mumkin;
- Google for Startups hamjamiyati bilan tarmoqqa kirishlari mumkin;
- Ishtirokchilar oʻz loyihalariga investitsiya uchun avtomatik ravishda Astana Hubʼdan Seed Money dasturiga kiritiladi;
- Har bir jamoada koʻpi bilan 2 kishiga turar-joy ajratiladi.
Dastur manfaatli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Muhim sanalar:
- 15-apreldan 24-maygacha — dasturga arizalar qabul qilinadi;
- 27-may — dastlabki saralash amalga oshiriladi;
- 3-iyun — saralangan ishtirokchilar bilan intervyu bosqichi boʻlib oʻtadi;
- 10-iyun — top 60 kompaniya komissiya tomonidan baholanadi;
- 17-iyun — dastur gʻoliblari eʼlon qilinadi;
- 1-iyul — tanishuv haftasi (orientation week) boshlanadi;
- 6-iyul — dastur rasman boshlanadi.
Qoʻshimcha savol va murojaatlar uchun:
Eng koʻp berilgan savollar roʻyxati bilan ushbu havola orqali tanishish mumkin.