GovAI Research Fellow 2026 — Sun'iy intellekt boshqaruvi bo‘yicha tadqiqot dasturi

GovAI Research Fellow dasturi sun'iy intellekt (AI) boshqaruvi va siyosati sohasida mustaqil tadqiqotlar olib borishni maqsad qilgan tajribali tadqiqotchilar uchun moʻljallangan 2 yillik shartnoma asosidagi dasturdir. Dastur ishtirokchilariga hukumat va sanoat sohasidagi muhim qarorlarga ta'sir koʻrsatuvchi tahlillar tayyorlash va yillik $170,000 gacha maosh olish imkoniyati beriladi.

Tadqiqotchilar GovAI jamoasida mustaqil faoliyat yuritib, quyidagi asosiy yoʻnalishlar boʻyicha ish olib boradilar:

• Xatarlarni boshqarish va tahdidlarni modellashtirish: AI kompaniyalarining mas'uliyatli qarorlar qabul qilishi hamda sun'iy intellekt xavflarini kamaytirish usullarini oʻrganish;

• AI iqtisodiyoti va geopolitikasi: Sun'iy intellektning mehnat bozori, iqtisodiy oʻsish va davlatlararo raqobatga ta'sirini tahlil qilish;

• Siyosiy va texnik boshqaruv: AI sohasidagi me'yoriy hujjatlar, xalqaro tartibga solish va texnik baholash mezonlarini ishlab chiqish.

Tadqiqotchilar, shuningdek, yosh izlanuvchilarga mentorlik qiladi hamda hukumat va ilmiy doiralar bilan hamkorlik oʻrnatadi.

• Sun'iy intellekt boshqaruvi yoki turdosh sohalarda bir necha yillik ilmiy yoki amaliy tajribaga ega boʻlish;

• Kompyuter fanlari, siyosatshunoslik, davlat boshqaruvi, iqtisodiyot, falsafa yoki huquq sohalari vakillari ariza topshirishi mumkin;

• Yuqori sifatli va ta'sirchan ilmiy-tahliliy ishlarni (policy memos, akademik maqolalar) nashr etish salohiyatiga ega boʻlish;

• AI boshqaruvi sohasida puxta va asoslangan tadqiqot taklifini (research proposal) taqdim etish;

• Dastur barcha mamlakatlar fuqarolari, jumladan Oʻzbekiston vakillari uchun ochiq;

• Ingliz tilida professional darajada tadqiqot olib borish va muloqot qilish koʻnikmasi talab etiladi.

• Londondagi tadqiqot (Buyuk Britaniya) uchun yillik £84,000–£103,500 yoki Vashington (AQSH) uchun $134,500–$170,000 maosh;

• Buyuk Britaniya uchun rasmiy viza homiyligi taqdim etiladi;

• Sogʻliqni saqlash, stomatologiya va koʻz tibbiy sugʻurtasi qoplanadi;

• Yillik £5,000 (~$6,500) miqdorida professional rivojlanish byudjeti ajratiladi;

• Yillik £5,000 salomatlik (wellbeing) va £5,000 bolalar parvarishi uchun byudjet beriladi;

• Masofaviy ishlovchi xodimlar uchun yillik £4,500 koverking (coworking) xarajatlari qoplanadi;

• 10% miqdorida ish beruvchi pensiya badali va 33 kunlik haq toʻlanadigan mehnat ta'tili beriladi.

Dasturda saralash va hujjat topshirish quyidagi bosqichlardan iborat:

1. GovAI rasmiy sayti orqali onlayn arizani toʻldirish;

2. Abstrakt fikrlash boʻyicha onlayn test topshirish;

3. 1–2 ta haq toʻlanadigan masofaviy amaliy topshiriqni va dastlabki 2 yillik tadqiqot rejasini taqdim etish;

4. 2 bosqichli suhbatdan oʻtish hamda tavsiyanomalarni tekshirish jarayoni.

Eslatma: Tajribasi kamroq boʻlgan izlanuvchilar uchun 1 yillik Research Scholar pozitsiyasi ham mavjud boʻlib, u uchun alohida ariza topshirish talab etilmaydi — ariza shakli umumiy hisoblanadi.

Muhim sanalar:

• Arizalarni topshirish oxirgi muddati: 2026-yil 16-avgust, soat 23:59 (AoE formatida).

Tashkilotchilar bilan bogʻlanish:

• Savollar va qoʻshimcha ma'lumot uchun elektron pochta: recruitment@governance.ai