Grafik dizayn, tasviriy sanʼat sohasiga qiziquvchilar uchun “Yer Sayyorasi Ekologik chorrahada” deb nomlangan xalqaro plakatlar tanlovi; umumiy mukofot jamgʻarmasi — €4 500

Yiannis va Eleni Garedakisning Tipografiya muzeyi tomonidan tashkil etilgan “Yer Sayyorasi Ekologik chorrahada” deb nomlangan 7-xalqaro plakatlar tanloviga ijodiy ishlar qabul qilinmoqda.

Iqlim inqirozi eng yuqori choʻqqisiga chiqqan vaqtda, jamiyatda imkon qadar atrof-muhit haqida xabardorlikni oshirish katta ahamiyatga ega. Albatta, “xabarchi” sifatida plakatlar sayyorani qutqarish boʻyicha ushbu global saʼy-harakatlarga oʻz hissasini qoʻshadi.

Tanlovda asosan grafik dizayn, tasviriy sanʼat sohasiga qiziquvchilar, mutaxassislar va talabalar ishtirok etishi mumkin.

Saralangan eng yaxshi 30 ta ijodiy ishlar keyingi tanlovgacha bir yil davomida Gretsiyaning Xaniya shahridagi Tipografiya muzeyi amfiteatrida boʻlib oʻtadigan koʻrgazmada taqdim etiladi. Shuningdek, saralangan birinchi uch nafar mualliflarga pul mukofotlari taqdim etiladi.

Tanlov haqida batafsil rasmiy sayt orqali maʼlumot olish mumkin.

Tanlov talablari:

• Tanlovda grafik dizayn, tasviriy sanʼat sohasidagi mutaxassislar, talabalar va boshqa qiziquvchilar ishtirok etishi mumkin;
• Har bir ishtirokchi faqat bitta ijodiy ish bilan qatnasha oladi;
• Yosh chegarasi belgilanmagan.

Tanlov talablari haqida batafsil rasmiy sayt orqali tanishib chiqish mumkin.

Hakamlar hayʼati tomonidan tanlab olingan eng yaxshi 30 ta plakat mualliflarga maxsus sertifikat taqdim etiladi.

Tanlangan birinchi uch nafar mualliflar quyidagi miqdordagi pul mukofoti bilan taqdirlanadi:

• 1-oʻrin — €2000;
• 2-oʻrin — €1500;
• 3-oʻrin — €1000.

Shuningdek, ushbu plakatlar keyingi tanlovgacha bir yil davomida Tipografiya muzeyi amfiteatrida boʻlib oʻtadigan koʻrgazmada taqdim etiladi.

Mukofot va unvonlarni topshirish marosimi 2023-yil 13-may kuni Tipografiya muzeyi amfiteatrida boʻlib oʻtadi (Xaniya, Gretsiya).

Tanlovda ishtirok etish uchun qiziquvchilar 2023-yil 10-martgacha oʻz ishini typography.poster@gmail.com elektron pochta manziliga yuborishi lozim.

Xatda ijodiy ish bilan birgalikda quyidagi maʼlumotlar ilova qilinishi kerak:

• Ishtirokchining toʻliq ism-familiyasi;
• Elektron pochta manzili;
• Qaysi davlat, shahardan ishtirok etayotganiligi;
• Manzil va telefon raqami;
• Ijodiy ishning ingliz tilidagi qisqacha tavsifi (100 soʻzgacha).

Plakat formati boʻyicha shartlar:

• Oʻlchamlari 50 × 70 sm; PDF, CMYK, 200 ppi foto formatida boʻlishi va 25 MBdan oshmasligi kerak. Veb-foydalanish uchun jpg formatida past oʻlchamdagi 1 MBgacha boʻlgan plakat faylini biriktirish lozim.
• Plakatda muzeyning grek yoki ingliz tilidagi logotipi qayd etilgan boʻlishi shart. Logotipni ushbu havola orqali olish mumkin.
• Barcha fayllar ishtirokchining ismi bilan nomlanishi lozim.

Muhim: har bir nomzod faqat bitta ish bilan ishtirok eta oladi.

Tanlovda ishtirok etish jarayoni, shartlari haqida batafsil rasmiy havola orqali tanishib chiqish mumkin.

Tanlov elektron pochta manzili: typography.poster@gmail.com