Grafik dizaynerlar uchun umumiy mukofot jamgʻarmasi $2460 ni tashkil etuvchi “WE WANT JAZZ” xalqaro posterlar tanlovi

“WE WANT JAZZ” xalqaro posterlar tanlovining maqsadi butun dunyo grafik dizaynerlar hamjamiyatini jalb qilish orqali Polsha va jahon jazzini ommalashtirishdan iboratdir. 

Tanlov tashkilotchisi — EUROJAZZ jazz musiqasini targʻib qilish jamgʻarmasi.

Tanlovda barcha davlat fuqarolari qatnashishi mumkin. Ishtirokchilardan jazz musiqiy janrini ommalashtirishga bagʻishlangan posterlar (plakatlar) yasash talab etiladi. 

Tanlov gʻoliblari pul mukofoti bilan birgalikda Polshada boʻlib oʻtadigan posterlar koʻrgazmasiga taklif qilinadi.

Tanlovga ariza topshirishning soʻnggi muddati — 2023-yil, 25-sentabr. 

• Mazkur tanlovda barcha davlat fuqarolari qatnashishi mumkin;
• Professional va havaskor grafik dizaynerlar ishtirok eta oladi;
• Ishtirokchilar Jazz musiqiy janriga oid poster (plakat) yaratishi kerak;
• Har bir qatnashchi 3 tagacha poster (plakat) bilan qatnashishi mumkin;
• Posterlar mualliflik huquqlariga rioya qilgan holda topshirilishi kerak.

Posterlarga qoʻyiladigan texnik talablar quyidagicha:

• oʻlchamlari: 70x100 sm (vertikal) fayl;
• formati: TIF, LZW siqish
• ranglari: CMYK rezolutsiya: 200 dpi
• fayl nomi: country_familiya_first-name_poster-title.tif.

Muvofiqlik talablari (eligibility requirements) haqida batafsil maʼlumotni ushbu havola orqali olish mumkin.

Tanlov gʻoliblari quyidagicha taqdirlanadi:

• 1-oʻrin – $1230 (5000 PLN);
• 2-oʻrin – $738 (3000 PLN);
• 3-oʻrin – $492 (2000 PLN)

Tanlovning foydali jihatlari haqida batafsil maʼlumotni ushbu havola orqali olish mumkin.

• Tanlovda qatnashish uchun wewantjazz@radiojazz.fm elektron manziliga “ALL THAT JAZZ” mavzusiga bag'ishlangan posterlarni yuborish kerak. 

• Tanlov natijalari 2023-yil 17-oktabr kuni RadioJAZZ.FM va JAZZPRESS veb-sayti hamda ijtimoiy tarmoqlarda eʼlon qilinadi.
• Tashkilotchilar taqdim etilgan posterlarni (plakatlar) tanlab olishadi. Ular orasidan 25 ta asar tanlab olinadi. Tanlangan 25 ta yakuniy plakatlar orasidan uchta gʻolib plakat tanlanadi, ularning mualliflari yakuniy mukofotga ega boʻladilar. 
• “WE WANT JAZZ” xalqaro posterlar tanlovi bilan bogʻliq qoʻshimcha savol va takliflarni wewwantjazz@radiojazz.fm elektron manziliga yuborish mumkin.