Grafik dizaynerlar uchun Wild Beauty Art festival 2023 tanlovi. Gʻolib $1000 bilan taqdirlanadi!

Wild Beauty Art festival 2023 tanlovining bir qismi boʻlgan “Ekologik davlat” musobaqasi grafik dizaynerlar uchun moʻljallangan tanlovdir. Tanlovning maqsadi posterlar orqali davlatlarning ekologik holatini yaxshilash, yashil hududlarni koʻpaytirishga undashdan iborat. 

Ushbu tanlovda barcha davlat fuqarolari ishtirok eta oladi. Tanlov ishtirokchilari “Ekologik davlat” mavzusida poster yaratishi kerak. 

Tanlov gʻoliblari pul va qimmatbaho sovgʻalar bilan taqdirlanadi. Shuningdek, gʻoliblar Chernogoriyada boʻlib oʻtadigan koʻrgazmaga taklif qilinadi.

Tanlovda qatnashish uchun posterlarni yuborishning soʻnggi muddati — 2023-yil 16-iyul, soat 02:59.  

Mazkur tanlov haqida batafsil maʼlumotni ushbu havola orqali olish mumkin.

• Mazkur tanlovda barcha davlat fuqarolari ishtirok eta oladi;
• Plakat sanʼatiga (poster art) qiziquvchi barcha grafik dizaynerlar qatnashishi mumkin;
• Uchtagacha plakat (poster) bilan ishtirok etish mumkin.

Plakatlarga (poster) qoʻyiladigan talablar quyidagicha:

• “Ekologik davlat” mavzusida boʻlishi lozim;
• Intellektual mulk huquqi qoidalariga rioya etilgan boʻlishi kerak;
• Fayl hajmi 12 MBdan oshmasligi kerak;
• JPG — sifat 10;
• RGB — 8 bit/kanal;
• 3900 piksel uzunlikda boʻlishi kerak.

Eslatma: Posterlarni chiqartirilgan nusxasini (printed copies) yuborish talab etilmaydi.

Muvofiqlik talablari (Eligibility requirements) haqida batafsil maʼlumotni ushbu havola orqali olish mumkin.

• Tanlovda qatnashish bepul;
• 1-oʻrin sohibi 1000 AQSH dollari bilan;
• 2-oʻrin sohibi 600 AQSH dollari bilan;
• 3-oʻrin sohibi 300 AQSH dollari bilan taqdirlanadi.

Tanlovning foydali jihatlari haqida batafsil maʼlumotni ushbu havola orqali oʻqish mumkin. 

• Tanlovda qatnashish uchun onlayn ariza shaklini toʻldirish kerak. Ushbu havola orqali onlayn ariza shaklini toʻldirish mumkin;
• Onlayn ariza shaklida shaxsiy maʼlumotlarni kiritish va posterlarni yuklash kerak. (Ariza shaklini ingliz tilida toʻldirish kerak).

Tanlovga ariza topshirish haqida batafsil ushbu havola orqali oʻqish mumkin.

• Wild Beauty Art festival 2023 tanlovi uchun taqdim etilgan posterlar besh kishidan iborat hakamlar hayʼati tomonidan baholanadi.
• Gʻoliblar 2023-yil avgust oyida Chernogoriyadagi koʻrgazmaning ochilish marosimida eʼlon qilinadi.