Gyote Instituti tomonidan yosh shoir va yozuvchilar uchun ilk bora “Gyote poetry lab” ijodiy laboratoriyasi
-
15/02/2022 Qabul boshlanishi
-
Bepul Moliyalash turi
-
Oʻzbekiston Davlat
-
26.02.2022 Oxirgi muddat
Umumiy maʻlumotlar
Gyote Instituti yosh shoir va yozuvchilarning birinchi laboratoriyasi “Gyote poetry lab” ga qabul eʼlon qiladi. Ushbu laboratoriyada ijodiy oʻsish uchun yangi imkoniyatlar izlayotgan, oʻz gʻoyalarini omma bilan baham koʻrishni, asarlaringizni toʻplamlarda nashr etishni, festivallarda ishtirok etishni va yosh ijodiy jamoaning bir boʻlagi boʻlishni xohlaydigan barcha ijodkorlar ishtirok etishi mumkin.
Ijodiy laboratoriya mashgʻulotlari Danielyan Ashot tomonidan olib boriladi. Danielyan Ashot — shoir, musiqachi, xalqaro tajribaga ega art-menejer. MDH, Yevropa va AQSH saytlarida namoyish etilgan “Taburetka ustidagi odam”, “Art-Plov Markaziy Osiyo”, “Origami qanotlari”, “Elektrooko” loyihalari muallifi. “Madaniyat harakatda”, “Ijodiy prodyuserlar BC” dasturlari ishtirokchisi, “CA Book forum and Literature Festival” adabiy tanlovi finalchisi hisoblanadi.
Ushbu laboratoriya mart oyining boshida boshlanadi va bir oy davomida haftada ikki marta (kechqurun) Gyote-institutida rus tilida oʻtkaziladi, laboratoriya natijalariga koʻra mualliflar oʻz asarlarini Gyote Poetry Slam saralash bosqichida jamoatchilikka taqdim etadilar.
Maqbullik shartlari
- Ushbu laboratoriyada ijodiy oʻsish uchun yangi imkoniyatlar izlayotgan, oʻz gʻoyalarini omma bilan baham koʻrishni, asarlaringizni toʻplamlarda nashr etishni, festivallarda ishtirok etishni va yosh ijodiy jamoaning bir boʻlagi boʻlishni xohlaydigan barcha ijodkorlar ishtirok etishi mumkin.
Foydali tomonlari
Kursga qabul qilinganlar quyidagi imkoniyatlarga ega boʻladi:
- Bir oy davom etuvchi ushbu laboratoriyada bepul ishtirok etadi va tajribali va professional kuratordan taʼlim oladi;
- Ijodiy laboratoriya dasturida qatnashchilar jamoada ishlash, asarlarni tahlil va talqin qilish sirlaridan boxabar qiluvchi adabiy seminarlar, mahorat darslari va maʼruzalarda ishtirok etadi;
- Bitiruv sertifikati, yakuniy toʻplamda nashr etish, festival dasturida va yil davomida boshqa tadbirlar ishtirok etish imkoniyati beriladi;
- Aktyorlik mahorati, sahna nutqi va notiqlik mahorati asoslarini oʻrganish imkoniga ega boʻladi;
- Laboratoriya yakunida har bir ishtirokchi yangi noyob koʻnikmalarga ega boʻladi.
Qoʻshimcha maʻlumotlar
Dastur haqida batafsil ushbu havola orqali maʼlumot olish mumkin.
Barcha savollar boʻyicha quyidagi telegram raqam orqali murojaat qilish mumkin: +998946694209