Havaskor fotograflar xalqaro tanlov — Canon Water Challenge. G'oliblar Turkiyaga 2 kunlik sayohatga yuboriladi!

Canon Water Challenge — Canon kompaniyasi tomonidan tashkil etilgan havaskor fotograflar uchun foto tanlov.

Tanlovda 18 yoshdan katta boʻlgan barcha havaskor fotograflar “Make a Splash” mavzusini aks ettiruvchi kreativ ishlari bilan ishtirok etishi mumkin.

Bir ishtirokchi faqat 1ta ish bilan qatnashishi mumkin. Tanlovga fotosuratlar 2022-yil 13-dekabrga qadar qabul qilinadi.

Gʻolib ishtirokchiga qiymati €1099ga teng boʻlgan Canon EOS R10 + RF-S 18-45 mm 4,5/6,3 IS STM toʻplami taqdim etiladi va 2023-yil fevral/mart oylarida Turkiya, Istanbulga 2 kunlik sayohatga borish imkoniyatiga ega boʻladi. Shuningdek, gʻoliblar sayohat davomida professional fotograf Lorenz Xolderning eksklyuziv master-klassida qatnashadi

Tanlov haqida maʼlumot bilan batafsil rasmiy sayt orqali tanishib chiqish mumkin.

Ishtirok etish talablari:

• Ishtirokchi 18 yoshdan katta boʻlishi lozim;
• Tanlovda faqat havaskor fotograflar ishtirok etishi mumkin;
• Ushbu mamlakat guruhlaridan birining fuqarosi boʻlishi kerak:
  • 1-guruh: Ruminiya, Bolgariya, Isroil;
  • 2-guruh: Xorvatiya, Gretsiya, Sloveniya, Serbiya, Shimoliy Makedoniya, Albaniya, Bosniya va Gertsegovina;
  • 3-guruh: Oʻzbekiston, Ozarbayjon, Gruziya, Moldova, Armaniston, Kipr, Malta.

Fotosuratlarga qoʻyiladigan talablar:

• 150DPI, uzun tomonida 2000 piksel boʻlishi lozim;
• Avval tanlovlarga taqdim etilmagan boʻlishi lozim;
• Haddan ziyod tahrirlanmagan va manipulyatsiya qilinmagan boʻlishi kerak;

Fotosurat quyidagi mezonlar asosida baholanadi:

• Tanlovning “Make a Splash” mavzusini aks ettirishi, yaʼni suv bilan bogʻliq hikoyani koʻrsatishi kerak.
• Kreativ yondashuv.
• Taʼsir kuchi - taqdim etilgan material qanday his-tuygʻularni yoki reaksiyalarni uygʻotadi. Material kulgilimi, hissiyotlimi yoki oʻylantiradimi?
• Kompozitsiya mahorati - fotosuratda yashiringan maʼnoning taqdim etilishi.

Tanlov talablari va shartlari bilan batafsil ushbu havola orqali tanishib chiqish mumkin.

• Har bir mamlakat guruhidagi 1 nafar asosiy gʻolibga Canon EOS R10 + RF-S 18-45 mm 4,5/6,3 IS STM toʻplami taqdim etiladi(qiymati~€1099).
• Shuningdek, asosiy gʻolib va ​​har bir mamlakat guruhidan 2 nafar 2-oʻrin sohibi 2023-yilning fevral/mart oylarida Turkiyaning Istanbul shahriga boʻlib oʻtadigan ikki kunlik sayohat hamda Canon vakili Lorenz Xolder rahbarligidagi Canon oflayn foto seminarida qatnashish imkoniyatini qoʻlga kiritadi.

Tanlov haqida maʼlumot bilan batafsil rasmiy sayt orqali tanishib chiqish mumkin.

Tanlovda ishtirok etish uchun rasmiy sayt orqali onlayn roʻyxatdan oʻtish va fotosuratni yuklash lozim.

Muhim: fotosuratlar Canon qurilmasida olingan boʻlishi shart emas.

G‘oliblar 2022-yil 14-dekabrdan 23-dekabrgacha aniqlanadi.