Havaskor rassomlar uchun Illustrators of the Future Contest tanlovi. Bosh sovrin - $5000!

Illustrators of the Future Contest tanlovi butun dunyo boʻylab yangi ilmiy-fantastik va fantastik janrdagi rassomlarning sanʼatini rivojlantirish uchun ajoyib imkoniyatdir. 

Mazkur tanlovda qatnashish orqali havaskor rassomlar oʻz ijodining ushbu sohadagi professionallar tomonidan baholanishi va keng auditoriyaga namoyon qilish imkoniga ega boʻladilar.

Tanlovdagi rasmlar faqat professional rassomlar tomonidan baholanadi. Har qanday mavzudagi ilmiy-fantastik yoki fantastik janrdagi rasmlar bilan qatnashish mumkin.

Har chorakda 500 AQSh dollari (jami 1500 dollar) miqdorida uchta mukofot beriladi. Har yili oʻn ikki choraklik gʻoliblar orasidan hakamlar “L. Ron Xabbard Oltin Qalam” mukofoti va qoʻshimcha 5000 dollar pul mukofotini olish uchun bosh mukofot gʻolibini tanlaydi.

Tanlovda qatnashish uchun rasmlarni yuborishning soʻnggi muddati — 31-mart, 2025-yil (O'zbekiston vaqti bilan 1-aprel, 2025-yil).

Illustrators of the Future Contest tanlovi haqida batafsil maʼlumotni ushbu havola orqali olish mumkin.

• Mazkur tanlovda barcha davlat fuqarolari qatnasha oladi;
• Shu vaqtga qadar 3 tadan ortiq rasmlari ommaviy axborot vositalarida eʼlon qilinmagan havaskor (rasmlari uchun pul toʻlanmaydigan) va yangi ish boshlagan rassom boʻlish kerak.

Topshiriladigan rasmlarga qoʻyiladigan talablar quyidagicha:

• Avval hech qayerda eʼlon qilinmagan rasm boʻlishi kerak;
• Har qanday mavzudagi ilmiy-fantastik yoki fantastik rasmlar qabul qilinadi;
• Uchtagacha oq-qora yoki rangli rasm bilan qatnashish mumkin;
• Rasmlarni chizishda sunʼiy intellektdan foydalanmasligi kerak;
• Rasmlarda foto va dizayn dasturlari, fotografiyadan foydalanish mumkin;
• Rasmlar 9 dyumdan (22,86 sm) 12 dyumgacha (30,48 sm) boʻlgan kattalikdagi konvertda topshirilishi kerak;
• Elektron shaklda taqdim etilgan rasmlar 300 dpi, kamida 5 x 7 dyum va koʻpi bilan 8,5 x 11 dyum boʻlishi talab qilinadi;
• Fayl hajmi kamida 5 mb va maksimal 10 mb boʻlishi kerak. 
• Faqat .jpg va .jpeg fayllaridagi rasmlar qabul qilinadi.

Muvofiqlik talablari (Eligibility requirements) haqida batafsil ushbu havola orqali oʻqish mumkin.

• Tanlovda qatnashish bepul;
• Tanlovning har chorak bosqichida uch nafar gʻolib aniqlanadi va 500 AQSH dollari va kubok bilan mukofotlanadi;
• Chorak final gʻoliblari yillik Grand Prize kubogi bilan birga 5000 AQSh dollari miqdoridagi yillik bosh mukofot uchun kurashish huquqiga ega boʻladilar.

Mazkur tanlovda 2 xil usulda qatnashish mumkin: onlayn hisob (account) ochib rasm(lar)ni yuklash orqali yoki pochtadan yuborish orqali.

• Onlayn hisobni (account) ushbu havola orqali ochish mumkin;
• Hisob ochilganidan soʻng shaxsiy maʼlumotlarni (ism-familiya, yashash manzili kabi) toʻldirish talab etiladi;
• Shundan soʻng ochilgan profilda tanlov uchun rasmlarni yuklash mumkin.

Pochta orqali  oʻz ishini yuborishni istaganlar quyidagi manzilga yuborishi kerak:

• L. Ron Hubbardʼs Illustrators of the Future Contest
  7051 Hollywood Blvd., Los Angeles, California 90028

Tanlovda qatnashish haqida batafsil ushbu havola orqali oʻqish mumkin.

• Illustrators of the Future Contest tanlovi 1-oktabr, 1-yanvar, 1-aprel va 1-iyulda boshlanadigan toʻrt chorakdan iborat. 
• Chorakda baholanish huquqiga ega boʻlish uchun ijodiy ishlarga pochta markasi qoʻyilishi yoki elektron shakl talablariga rioya qilgan holda qabul qilinishi kerak.
•  Kechikib topshirilgan ishlar keyingi chorakda hisobga olinadi va tanlov maʼmuriyati bu haqda ishtirokchini xabardor qiladi.
• Ishtirokchilar faqat professional rassomlar tomonidan baholanadi. Har choraklik hakamlar va Bosh mukofot hakamlari turli xil hakamlar hayʼatiga ega boʻlishi mumkin.
• Har chorakda gʻoliblar natijalari haqida pochta yoki elektron pochta orqali alohida xabar qilinadi.