Havaskor va professional fotograflar uchun Global Peace Photo Award fototanlovi. Mukofot jamgʻarmasi — €11,000 va Avstriyaga bepul sayohat!
-
01/04/2025 Qabul boshlanishi
-
Mukofot Moliyalash turi
-
Avstriya Davlat
-
10.05.2025 Oxirgi muddat
Umumiy maʻlumotlar
Havaskor va professional suratkashlar uchun navbatdagi Global Peace Photo Award fototanlovi uchun fotosuratlar qabul qilish jarayoni 2025-yil 1-apreldan boshlanadi. Tanlovga tinch va osuda hayotni ifodalab bergan fotosuratlarni taqdim qilish orqali ishtirok etish mumkin. Tanlov ikki xil yosh kategoriyasi: 14 va undan kichik yoshdagi hamda 15 va undan yuqori yoshdagilar uchun o‘tkaziladi. Tanlovda kelajagimiz birgalikda tinch-totuv yashashda ekanligi haqidagi g‘oyani eng yaxshi ifoda etgan fotosurat g‘olib deb topiladi. G‘oliblar pul mukofoti bilan taqdirlanadi hamda Vena shahrida bo‘lib o‘tadigan taqdirlash marosimida qatnashish imkoniyatiga ega bo‘lishadi.
Tanlov bilan batafsil ushbu havola orqali batafsil tanishib chiqish mumkin.
Maqbullik shartlari
Tanlov uchun nomzodlar quyidagi talablarga javob berishlari kerak:
- Tanlovda barcha davlat fuqarolari yosh kategoriyalariga qarab ishtirok etishlari mumkin;
- Har bir topshirilgan ish uchun maksimal 2000 ta belgidan oshmagan izoh yozilishi kerak. Izoh ingliz tilida bo‘lishi lozim;
- Tanlovga umumiy mavzuga ega bo‘lmagan alohida ish sifatida 1 ta yoki ko‘pi bilan 20 ta surat yuborish mumkin. Shuningdek, 12 tagacha bo‘lgan fotosuratni umumiy mavzuga ega bo‘lgan bir hikoya sifatida yuborish mumkin;
- Fotosuratlar uzun tomoni 3000 pikselda jpg. formatda bo‘lishi kerak;
- Boshqa tanlovlar uchun topshirilgan yoki g‘olib deb topilgan suratlarni ham topshirish mumkin;
- Suratlar tinchlik mavzusidan kelib chiqqan holda badiiy mahorat, o‘ziga xoslik, mavzu va uslub bo‘yicha baholanadi.
14 va undan kichik yoshdagilar quyidagilarga javob bergan holda tanlov mohiyatini suratlari orqali ifoda etib berishlari kerak bo‘ladi:
“Tinchlikni siz nimaga qiyoslaysiz? Bu alohida savol bo‘lib bu haqida barchaning o‘z fikri mavjud. Tinch hayot tarzini qanday tasavvur qilasiz? Do‘stlaringiz va oilangiz bilan qanday o‘zaro g‘amxo‘rlik qilgan holda yashashingiz, tabiat bilan qalban bog‘liqligingizni ko‘rsatib bering”.
Foydali tomonlari
Tanlov g‘oliblari quyidagi imtiyozlarga ega bo‘ladilar:
15 va undan yuqori yoshdagilar uchun:
- Tanlovda fotosuratlari eng yaxshi deb topilgan beshta ishtirokchi Alfred Fried Peace medali bilan taqdirlanadi;
- Tanlovda eng yaxshi deb topilgan fotosurat g‘olibi €7,000 bilan taqdirlanadi;
- G‘olib deb topilgan fotosurat Avstriya parlamentida bir yil davomida namoyish qilib turiladi hamda Avstriya parlamentining san'at kolleksiyasiga kiritiladi;
- Barcha g‘oliblar 2025-yil sentyabrda Avstriya parlamentida bo‘lib o‘tadigan taqdirlash marosimiga Vena shahriga taklif qilinadi. Bunda g‘oliblarning barcha yo‘l hamda turar-joy xarajatlari qoplanadi.
14 va undan kichik yoshdagilar uchun:
- Eng yaxshi deb topilgan fotosurat g‘olibi (The Children’s Peace Image of the Year) €1000 bilan taqdirlanadi;
- G‘olib va uning ota-onasi Venada bo‘lib o‘tadigan taqdirlash marosimiga taklif qilinadi. Agar fotosuratlar jamoa bo‘lib topshirilgan fotosuratlar g‘olib bo‘lsa, guruhning bir a‘zosi va uning ota-onasi taqdirlash marosimga taklif qilinadi ammo g‘olib deb topilgan barcha fotosuratlar ko‘rgazmada namoyish etiladi.
Qoʻshimcha maʻlumotlar
Qo‘shimcha ma‘lumotlar:
- Tez-tez beriladigan savollar;
- Qo‘shimcha savollar uchun: support@picter.com;
- Oldingi yillardagi g‘olib deb topilgan fotosuratlar bilan ushbu havola orqali tanishib chiqish mumkin;
- Instagram.