Havaskor va professional fotograflar uchun mukofot jamgʻarmasi $3000 ni tashkil etuvchi xalqaro Monochrome Photography Awards tanlovi

Monochrome Photography Awards tanlovi fotografiya yoʻnalishiga ishtiyoqi yuqori boʻlganlarni qoʻllab-quvvatlash va isteʼdod egalarini kashf etish maqsadida tashkil etilgan. Ushbu tanlov professional va havaskor fotograflar uchun 3000 dollar yutib olish va oʻz ishlarini xalqaro auditoriyaga namoyish etish imkoniyatini taqdim etadi.

Ushbu xalqaro tanlovda fotografiya sohasiga qiziquvchi 18 yoshdan yuqori boʻlgan barcha havaskor va professional fotograflar ishtirok etishi mumkin. Tanlov uchun istalgancha oq-qora suratlar yuborilishi mumkin. Suratlar ushbu kategoriyalar boʻyicha qabul qilinadi:

• Abstract — mavhum suratlar;
• Architecture — arxitekturaga oid suratlar;
• Conceptual koseptual suratlar;
• Fashion / Beauty — moda va goʻzallikka oid suratlar;
• Fine Art — tasviriy sanʼat ishlari;
• Landscapes — togʻ manzarasi aks etgan suratlar;
• Nature — tabiat manzarasi aks etgan suratlar;
• Photojournalism — fotojurnalistikaga oid suratlar;
• Photomanipulation — fotomonipulatsiyaga oid suratlar;
• Portrait — portretlar;
• Street — koʻchalar aks etgan suratlar;
• Wildlife — yovvoyi hayvonlar olami aks etgan suratlar.

Tanlov gʻoliblari pul mukofotlari bilan taqdirlanadi. Qolaversa, yuqori oʻrinni egallaganlar ham munosib taqdirlanadi. Tanlovning avvalgi mavsum gʻoliblari ishlari bilan ushbu havola orqali tanishish mumkin.

Tanlovda qatnashish uchun talablar:

• Tanlovda 18 yoshdan yuqori boʻlgan barcha havaskor va professional fotograflar ishtirok etishi mumkin;
• Ishtirokchilar tanlov uchun berilgan yoʻnalishlar boʻyicha istalgancha surat yuborishlari mumkin;
• Avvalgi tanlovlarda gʻolib deb topilgan suratlar bilan ham ishtirok etish imkoniyati mavjud.

Suratlarga qoʻyilgan talablar:

• Faqat oq-qora (black and white) suratlar qabul qilinadi. Sepia (oq-qora rasmlarni jigarrang tusga keltirish) va selenium (kulrang rasmlarni qizgʻish rangga kiritish) kabi usullarda tonirovka qilingan suratlar ham qabul qilinishi mumkin;
• Suratlar olingan vaqti boʻyicha cheklovlar mavjud emas;
• Suratlar JPG formatda saqlangan hamda suv belgilari (watermarks), mualliflik birliklari (Copyright Units) va logotiplardan holi boʻlishi kerak. Suratga qoʻyilgan talablar bilan batafsil ushbu havola orqali maʼlumot olish mumkin.

Tanlov shartlari bilan batafsil ushbu havola orqali tanishish mumkin.

Tanlov gʻoliblari quyidagicha taqdirlanadi:

• Professional fotograf yoʻnalishi boʻyicha gʻolib uchun $2000 pul mukofoti;
• Havaskor fotograf yoʻnalishi boʻyicha gʻolib uchun $1000 pul mukofoti;
• Ikkala yoʻnalish boʻyicha yuqori oʻrinlarni qoʻlga kiritganlar “Monochrome Photographer of the Year” nominatsiyasi va maxsus sertifikat bilan taqdirlanadi;
• Gʻoliblarning ishlari gʻoliblar gallareyasida (Winners Gallery) onlayn namoyish etiladi hamda “Monochrome Photography Awards Annual Book” kitobida nashr etiladi;
• Alohida eʼtirof etilgan nomzodlarning ismlari “Monochrome Photography Awards Annual Book” kitobida taʼkidlab oʻtiladi va ular maxsus sertifikatga ega boʻladilar.

Tanlov mukofotlari haqida batafsil ushbu havola orqali maʼlumot olish mumkin.

Tanlovda qatnashish uchun ishtirokchilar onlayn roʻyxatdan oʻtishlari va suratlarni yuklashi kerak. Tanlovga ariza topshirish toʻlovi mavjud:

• Professional fotograflar uchun – $22;
• Havaskor fotograflar uchun – $17.

Tanlovga ariza topshirish jarayoni va suratlarga qoʻyilgan talablar bilan batafsil ushbu havola orqali maʼlumot olish mumkin.

• Baholash jarayoni. Tanlovga yuborilgan ishlar hakamlar tomonidan tasvirlar badiiyligi, oʻziga xosligi, mavzusi va uslubiga koʻra baholanadi;
• Natijalar tanlovga ariza topshirishda roʻyxatdan oʻtgan elektron pochta manzillari orqali eʼlon qilinadi;
• Dasturga ariza topshirishdan avval tanlov shartlari bilan batafsil ushbu havola orqali tanishish tavsiya etiladi;
• Koʻp berilgan savollar va ularning javoblari bilan ushbu havola orqali tanishish mumkin;
• Qoʻshimcha savol va murojaatlar ushbu havola orqali qabul qilinadi.