Hikoya yozishga qiziquvchilar uchun mukofot jamgʻarmasi $8,700 boʻlgan Imagine 2200 hikoyalar tanlovi

Imagine 2200: Climate Fiction for Future Ancestors tanlovi hikoya yozishga qiziquvchilar uchun mo'ljallangan bo'lib, unda sayyoramizda 2200-yilgacha bo'ladigan ekologik jarayon bilan bog'liq hikoya yozish talab qilinadi. Hikoya jarayoni hozirgi davrdan boshlab 2200-yilgacha bo'lgan istalgan davrni qamrab olishi kerak. Shuningdek, u kelajakdagi tabiat bilan bog'liq global muammolarga yechimlar, taxminlar, tasavvurlar, chetda qolgan global va iqlim muammolarini o'z ichiga olishi lozim. Hikoyalar ma'lum bir hududga tegishli yoki global miqyosda yozilgan bo'lishi kerak, iqlim o'zgarishi muammosidan qiynalayotgan hududlar haqida yozilgan, aniq obrazlarni qamrab olgan, ma'lum bir hudud madaniyatiga urg'u berilgan (odatlar, urflar, an'analar, milliy taomlar, adabiyot va hokazolar), xolis yondashilgan hamda xulosa qilingan hikoyalarga saralash jarayonida ustunlik beriladi. Yozilgan ishlar turli janrlarda yozilishi mumkin, ular o'ta real bo'lishi yoki yaxshi yakun bilan tugashi shart emas. Jo'natilgan ishlar hajmi 2500-5000 so’z oralig'ida bo'lishi lozim. 

Dasturda 18 yoshga to'lgan barcha fuqarolar ishtirok etishlari mumkin. Tanlov doirasida 3 g'olib va qo'shimcha 9 g'olib ham pul mukofoti bilan taqdirlanadi. 1-o’rinni qo’lga kiritgan muallifga Amerikaning Oregon shtat universitetida rezidentlik dasturida qatnashish imkoni beriladi va $3000 bilan taqdirlanadi. Shuningdek, 12 nafar g’olibning hikoyalari Grist, uning hamkor saytlari va Imagine 2200 tanlovi kolleksiyasida nashr etiladi. Dasturga qabul jarayoni 2024-yil 24-iyungacha davom etadi. 

Dastur haqida ushbu havola orqali batafsil ma'lumot olish mumkin. 

Dasturda ishtirok etish uchun quyidagi talablar mavjud:

• Tanlovda barcha davlat fuqarolari ishtirok etishlari mumkin (qatnashishi qonuniy ta'qiqlangan fuqarolar bundan mustasno);
• Ishtirokchilar ariza topshirish vaqtida 18 yosh yoki undan kattaroq bo'lishlari lozim;
• Nomzod jo'natgan hikoya avval boshqa tanlovga taqdim etilmagan, yutuqni qo'lga kiritmagan hamda chop etilmagan bo'lishi zarur. Shuningdek, bir hikoyani bir vaqtning o'zida ikki tanlovga taqdim etish ham ta'qiqlanadi (natijalar e'lon qilinmagunicha).

Jo'natiladigan hikoyaga qo'yiladigan talablar:

• Hikoyalar 2500-5000 so’z oralig'ida bo'lishi lozim;
• Hikoya aniq obrazlar, ishontiruvchi voqealar rivoji, xolis yondashilgan taxminlar, iqlim muammosiga oid ijodiy yechimlarni o'z ichiga olgan bo'lishi kerak;
• Jo'natilgan hikoyalar ingliz tilida bo'lishi kerak. Boshqa tilda yozilgan ishlarni ingliz tiliga tarjima qilib yuborish mumkin, ammo original tilda jo'natilgan ishlar tekshirilmaydi;
• Bitta odam faqatgina bir hikoya bilan ishtirok etishi mumkin. Ammo hammuallifligi mavjud hikoyalar ham qabul qilinadi. Bu holda, mualliflardan biri tanlovga nomzodligini qo'yishi kerak bo'ladi. Ariza topshirish jarayonida ikkinchi muallifning ham ism-sharifi keltirib o'tiladi. Ushbu asar tanlovda yutib chiqqan taqdirda, yutuq hammualliflar tomonidan bo'lib olinadi;
• Hikoya word document dasturida yozilgan bo'lishi etilishi kerak (.doc formatidagi hikoyalar ham qabul qilinadi, ammo hikoyalarni .docx formatida topshirish tavsiya qilinadi);
• Jo'natiladigan word hujjati hikoya nomi, topshirilgan sanasi ketma-ketligida saqlangan bo'lishi zarur (masalan, "Dunyo yuz yildan so'ng", 2/15/2024");
• Hikoyada muallifga tegishli biografik ismlar yoki ma'lumotlar qatnashmagan bo'lishi kerak;
• Jo'natilgan hikoyaning birinchi betida hikoyaning nomi hamda undagi so'zlar soni Arial 14 shriftida yozilgan bo'lishi lozim. Hikoyaning qolgan qismi esa Arial 12 shriftida, 2,0 intervalda, yuqoridan, pastdan, chapdan va o'ngdan 1,0 sm joy qoldirib yozilgan bo'lishi kerak; 
• Hujjatning barcha betlari to'g'ri ketma-ketlikda hikoya boshlanish joyidan birdan boshlab raqamlangan bo'lishi zarur. Raqamlar hujjatning yuqori o'ng burchagida joylashishi kerak.  

Dastur talablari haqida ushbu havola orqali to'liq ma'lumot olish mumkin. 

Dasturning quyidagi foydali jihatlari mavjud:

• Birinchi o'rin sohibiga $3,000, ikkinchi o'ringa $2,000, uchinchi o'rin sohibiga esa $1,000 mukofot puli taqdim etiladi;
• Shuningdek, 3 o'rindan tashqari qo'shimcha 9 nomzodning har biriga $300 dan mukofot puli beriladi;
• Birinchi 3 o'rin hamda qo'shimcha 9 o'rin, jami 12 o'rin sohiblarining hikoyalari Grist's internet sahifasida Imagine 2200 kolleksiyasining bir qismi sifatida chop etiladi;
• Shuningdek, birinchi o’rin sohibiga (agar rad etsa, 2-o’ringa) Amerikaning Oregon shtat universitetidagi 4 haftalik rezidentlik dasturida qatnashish orqali iqlimga oid hikoyasini davom ettirish imkoni taqdim etiladi va $3,000 gonorar beriladi;
• Har bir hikoyaning mualliflik hamda undan foydalanish huquqi saqlab qoladi.

• Dasturda qatnashish uchun ariza topshirish puli mavjud emas.
• Ariza topshirish jarayoni 2024-yil 24-iyungacha davom etadi. 

Dasturga ushbu havola orqali ro'yxatdan o'tish va ariza topshirish mumkin.

Qo'shimcha savollarga ushbu havola orqali javob olish mumkin. 

Dastur haqida batafsil ma'lumotni ushbu havola orqali topish mumkin. 

Dastur bo'yicha eng ko'p berilgan savollar va ularning javoblarini ushbu havola orqali o'qish mumkin. 

Dastur haqida qo'shimcha ma'lumotlarni quyidagi ijtimoiy tarmoqlar orqali ham topish mumkin:

-Facebook;

-Twitter;

-LinkedIn;

-E-mail.