Huawei kompaniyasi tomonidan ingliz va xitoy tillarida 250 dan ortiq bepul onlayn kurslar

Hozirgi kunda texnologiya sohasida dunyodagi eng yetakchi kompaniyalardan biri Huawei tomonidan xalqaro talabalar uchun 250 dan ortiq bepul onlayn kurslar taqdim etilgan.

Kurslar bugungi kundagi eng dolzarb boʻlgan yoʻnalishlar: 5G, IoT, big data, cloud services, artificial intelligence, corporate communications va boshqa mavzular boʻyicha boʻlib oʻtadi. Ishtirokchilar ushbu havola orqali kirib oʻzlariga qiziq boʻlgan yoʻnalish va shu yoʻnalish boʻyicha darajalarini belgilash orqali roʻyxatdan oʻtishlari mumkin.

Kurslar har bir yoʻnalish boʻyicha nomzodlar darajasiga qarab ikkiga boʻlingan:

• General Courses (sohaga yangi kirib kelayotgan yoki oʻrtacha darajada bilimga ega boʻlganlar uchun);
• Professional Courses (shu tanlangan yoʻnalishda yetarli bilimga ega va mutaxassis sifatida rivojlanmoqchi boʻlganlar uchun).

Ushbu havolada kurslar katalogi va qaysi yoʻnalish nechchi soat davom etishi, mavzular ketma-ketligi va dars beruvchi mentorlar ham koʻrsatib oʻtilgan.

Kursni muvaffaqiyatli tamomlagan talabalarga Huawei kompaniyasi tomonidan sertifikat beriladi.

Sertifikat olish bosqichi o‘qigan kurs turiga qarab ikkiga boʻlinadi:

• Career certification (General Course'ni tugatganlar uchun);
• Specialist certification (Professional Course'ni tugatganlar uchun).

Kurslarni tamomlagach imtihon topshiriladi va undan muvaffaqiyatli oʻtganlarga sertifikat beriladi. Sertifikat olish bosqichlari bilan ushbu havola orqali batafsil tanishib chiqish mumkin.

• Huawei kompaniyasi tomonidan taqdim etilgan kurslarga qiziquvchi barcha qatnashishi mumkin;
• Kurslar ingliz va xitoy tillarida boʻlganligi sababli, nomzodlar shu ikki tildan birini bilishlari kerak.

Dastur haqida ushbu havola orqali batafsil bilib olish mumkin. 

• Kurslarni muvaffaqiyatli tamomlagan talabalarga Huawei kompaniyasi tomonidan sertifikatlar beriladi;
• Shuningdek, ishtirokchilar bu kurslar orqali hozirgi kunda axborot texnologiyalari sohasida eng dolzarb boʻlgan mavzularni: 5G, Big Data, sunʼiy intellekt (AI), korporativ aloqa va boshqalarni oʻrganish imkoniyatiga ega boʻlishadi.

Dastur imtiyozlar haqida ushbu havola orqali batafsil bilib olish mumkin.

1. Ushbu havola orqali kirib nomzodlar oʻzlariga qiziq boʻlgan kursni tanlagach, registratsiyadan oʻtishlari kerak;
2. Misol sifatida 5G kursini oladigan boʻlsak, shu kurs havolasi ustiga bosiladi va undan soʻng yuqorida oʻngda turgan log in Register havolasi ustiga bosiladi;
3. Registratsiyadan oʻtish davomida nomzodlar elektron pochtalari yoki mobil telefon raqamlaridan foydalanishlari mumkin;
4. Masalan, mobil telefon orqali roʻyxatdan o‘tish davomida quyidagi maʼlumotlar toʻldiriladi:

• Davlat;
• Ism-Familiya;
• Telefon raqam (davlat kodi bilan birgalikda);
• Parol;
• Rasmdagi kodni kiritish;
• Tasdiqlash uchun telefon raqamga kod yuboriladi va shu kod qayta kiritilishi kerak.

   5. Keyin esa tanlagan kurslariga Sign up to study havolasi ustiga bosib yuqorida kiritilgan maʼlumotlar orqali kursga kirib davom  etishlari mumkin.

Kurs boʻyicha qandaydir savollar paydo boʻlsa asosiy sayt oʻng tomon pastda turgan Contact Us tugmasi ustiga bosib, Submit the case havolasi orqali vaziyatni yozib qoldirish va yordam soʻrash mumkin.