Hudson institutidan bakalavriat talabalari va yaqinda oʻqishni bitirganlar uchun AQShda toʻliq moliyalashtiriladigan yozgi dastur — Summer Fellowship Program 2025
-
20/10/2024 Qabul boshlanishi
-
Toʻliq Moliyalash turi
-
AQSh Davlat
-
04.01.2025 Oxirgi muddat
Umumiy maʻlumotlar
AQShning Vashington shtatida joylashgan Hudson instituti siyosat sohasiga qiziqadigan bakalavriat talabalari uchun toʻliq moliyalashtiriladigan 6 haftalik Summer Fellowship Program dasturini taqdim etadi.
Dasturdan asosiy maqsad yoshlarda siyosiy fikrlashni kengaytirish va ularga davlat siyosatini chuqur oʻrganish imkoniyatini yaratishdir. Shu maqsadda dastur davomida jamiyatning namunali mutaxassislari va taniqli maʼruzachilari tomonidan tadbirlar tashkil qilinadi. Dastur 2025-yil 15-iyundan 25-iyulgacha davom etishi rejalashtirilgan.
Ushbu dastur davomida quyidagi tadbirlar amalga oshiriladi:
- Siyosiy nazariya va davlat siyosati mavzulari boʻyicha mohir oʻqituvchilari tomonidan seminarlar oʻtiladi. Unda ishtirokchilar siyosatga doir matnlarni muhokama qilishga jalb qiladi.
- Siyosatshunoslar va tajribali hukumat amaldorlari boshchiligida bir qator seminarlar oʻtiladi. Ushbu haftada ishtirokchilar siyosatni ishlab chiqish jarayonida faol ishtirok etadilar.
- Hukumat, biznes, jurnalistika, harbiylar va akademiyaning rahbarlari davlat xizmatining asl mohiyati hamda mamlakatning eng dolzarb muammolari haqida muhim bilimlarni berishadi.
- Ishtirokchilar siyosatni boshqa sohalar, jumladan, sanʼat, tarix va harbiy qarorlarni qabul qilish orqali koʻrishlari uchun milliy va tarixiy ahamiyatga ega joylarga sayohat qilishlariga imkoniyat yaratiladi.
Dastur siyosiy nazariya va amaliyot boʻyicha taʼlim berish orqali yoshlarda dunyo oldida turgan muammolarga jiddiy qarshi turishga yordam beradigan siyosiy fikr va strategik tahlilni shakllantiradi.
Dastur haqida batafsil ushbu havola orqali maʼlumot olish mumkin.
Maqbullik shartlari
- Barcha bakalavriat talabalari va yaqinda bitirgan talabalar qatnashishi mumkin;
- Ingliz tilini dasturda qatnashish darajasida bilish lozim;
- Nomzodlar siyosat sohasiga va siyosiy tadqiqotlar oʻtkazishga qiziqishi lozim.
Muhim: Til bilish sertifikati so'ralmaydi. Biroq xalqaro talabalar yozma va og'zaki ingliz tilini yaxshi bilishlari kerak.
Foydali tomonlari
- Dasturda qatnashish bepul;
- Vashingtonda bepul turarjoy bilan taʼminlanadi;
- Safar, ovqatlanish xarajatlari uchun 3,000 AQSh dollar stipendiya beriladi;
- Mohir oʻqituvchilar boshchiligidagi kurslar tashkil qilinadi;
- Soha mutaxassislari va tajribali hukumat amaldorlari tomonidan siyosat boʻyicha seminarlar oʻtkaziladi;
- Barcha kitoblar va boshqa kurs materiallari bilan taʼminlanadi;
- Milliy va tarixiy ahamiyatga ega joylarga sayohat qilish imkoniyati.
Muhim: Ishtirokchilar stipendiya muddati davomida boshqa amaliyot yoki ish shakllarini davom ettira olmaydi.
Qoʻshimcha maʻlumotlar
- Takroran beriladigan savollarga javob bu yerda;
- Email: rmackey@hudson.org;
- Tel: 202-974-2424.
Dasturga quyidagi muddatlarda ariza topshirish mumkin:
- Erta qabul uchun oxirgi muddat: 4-yanvar, 2025-yil;
- Doimgi qabul uchun oxirgi muddat: 18-fevral, 2025-yil.
Muhim: Erta qabulga topshirgan nomzodlarga ustunlik beriladi.
Quyidagi ijtimoiy tarmoqlar orqali ham qoʻshimcha maʼlumot olish mumkin: