Huquqshunoslar uchun inson huquqlari mavzusidagi xalqaro insholar tanlovi — Human Rights Essay Competition

Human Rights Essay Award - har yili Amerikadagi Vashington huquqshunoslik kolleji tomonidan tashkil qilinadigan insholar tanlovidir. Tanlovda xalqaro inson huquqlari sohasiga qiziqadigan va ushbu sohada maʼlum bir tajribaga ega nomzodlar qatnashishlari mumkin.

Insholar uchun 2025-yilgi mavzu: “Human Trafficking and Human Rights“.

Insholar ingliz yoki ispan tillarida 2025-yilning 3-fevraliga qadar qabul qilinadi. Qabul tugaguniga qadar nomzodlar huquqshunoslik sohasida bakalavr darajasiga ega yoki yuridik fanlari doktori (PhD) boʻlishlari soʻraladi. Gʻoliblar shu yilning 1-aрrelida eʼlon qilinadi.

Gʻoliblar maxsus sertifikat bilan mukofotlanadi. Ilmiy esseylari xalqaro jurnalda chop etiladi. Shuningdek, Vashingtonda boʻladigan 3 haftalik trening dasturida bepul qatnashish imkoniga ega boʻladi.

Dastur haqida batafsil ushbu havola orqali maʼlumot olish mumkin.

• Millatidan qatʼi nazar, barcha huquqshunoslar qatnashishlari mumkin;
• Tanlovga qabul tugaguniga qadar huquqshunoslik yoki shunga yaqin sohada bakalavr darajasiga ega yoki yuridik fanlari doktori (PhD) boʻlishlari soʻraladi;
• Nomzodlar xalqaro inson huquqlari sohasiga qiziqadigan va ushbu sohada maʼlum bir tajribaga ega boʻlishlari kerak;
• “Human Trafficking and Human Rights” mavzusiga oid insho yoza olishlari;
• Yozilgan insholar maʼlum bir iqtiboslarni oʻz ichiga olgan akademik huquqiy maqola boʻlishi talab etiladi.

• Vashingtonda boʻladigan 3 haftalik trening-dasturida qatnashish uchun toʻliq oʻqish stipendiyasi qoplanadi (sayohat, uy-joy va kunlik yashash xarajatlari qoplanmaydi);
• Eng yaxshi insholar Amerika universitetlarining xalqaro huquq jurnalida nashr etiladi.

• Tanlov va inshoga qo‘yilgan talablar bo‘yicha bu yerda batafsil tanishib chiqishish mumkin;
• Insholarni ushbu havola orqali yuborish mumkin;

Tanlovga quyidagi hujjatlar topshiriladi:

• Insho;
• 3 betdan oshmagan CV.

Inshoga qo‘yilgan talablar haqida qisqacha ma'lumot:

• Insholar word fortmatda 35 betdan oshmasligi kerak. Times New Roman shrifti, 12 (va 10) keglda qabul qilinadi. 35 etdan oshib ketgan insholar avtomatik chetlashtiriladi. Berilgan fomatda rasmiylashtirilmagan ishlardan esa 5 ball olib tashlanadi. 
• Insho materiali ilgari hech qayerda nashr qilinmagan bo‘lishi lozim; 
• Inshoda muallifning nomi keltirilishi mumkin emas;
• Mualliflik huquqiga qat'iy rioya qilingan bo‘lishi shart.

Qo‘shimcha savollar yuzasidan ushbu email manzilga murojaat qilish mumkin.