-
22/06/2022 Qabul boshlanishi
-
Toʻliq Moliyalash turi
-
Oʻzbekiston Davlat
-
26/06/2022 23:59 Oxirgi muddat
Umumiy maʻlumotlar
Oʻzbekiston Yoshlar Ishlari Agentligi yoshlar xohishlarini inobatga olgan holda turli tillarda yoshlar uchun “Ibrat tillar oromgohi”ni bosqichma-bosqich tashkil etmoqda. Ibrat Language Camp yozgi oromgohida millatidan qatʼi nazar, 16 yoshdan 25 yoshgacha boʻlgan yoshlar uchun ishtirok etishi mumkin.
Dasturdan koʻzlangan asosiy maqsad yoshlarning yozgi taʼtil vaqtlarini maroqli oʻtkazish hamda shaxsiy rivojlanish koʻnikmalarini oʻstirishda yordam berishdan iborat.
Dastur joriy yilda 4 mavsumda tashkil etiladi. Dastlabki mavsum til oʻrganishni rivojlantirishga bagʻishlansa, keyingi mavsumlar IT sohasi boʻyicha tashkil etilishi reja qilinmoqda.
Hozirda dasturning 3-4-mavsumi uchun qabul boshlandi:
3-mavsum: 4-10 iyul
4-mavsum: 11-17 iyul
Oromgoh Toshkent viloyati Boʻstonliq tumanida joylashgan Yoshlar Oromgohida boʻlib oʻtkaziladi.
Har mavsumda 250-300 ga yaqin yetakchi yoshlar ushbu oromgohda bepul ishtirok etish imkoniyatiga ega boʻladilar.
Maqbullik shartlari
- Oromgohda 16 yoshdan 25 yoshgacha boʻlgan istalgan yoshlar ishtirok etishi mumkin;
- Ingliz tilini B1 darajada bilishlari lozim. Sertifikat talab etilmaydi;
- Nomzodning dunyoqarashi keng boʻlishi va kritik fikrlash qobiliyatiga ega boʻlishi kerak.
Foydali tomonlari
Dasturga qabul qilingan ishtirokchilar quyidagi imtiyozlarga ega boʻladi:
- Xalqaro darajaga ega boʻlgan ekspertlar ishtirokida treninglarda qatnashish;
- Tajribali biznesmenlar bilan uchrashuvlarda ishtirok etish;
- Til rivojlantirish uchun seminar va mashgʻulotlarda qatnashish;
- Team-building va networking koʻnikmalarini rivojlantirish;
- Sport mashgʻulotlari va qoʻshimcha musobaqalarda qatnashib yanada ajoyib sovgʻalarga ega boʻlish;
- 1 hafta davomida Boʻstonliq tumanidagi togʻ havosida dam olish.
Qoʻshimcha maʻlumotlar
Saralash ikki bosqicha amalga oshiriladi:
1-bosqich. test.
2-bosqich. Bu bosqichda 1-bosqichdan yuqori natijaga erishgan nomzodlar ishtirok etishi mumkin. Bunda ishtirokchilar bilan ogʻzaki suhbat (onlayn intervyu) tashkil etiladi. Undan keyin esa nomzodlar oʻzlari boshlamoqchi boʻlgan loyihalarini taqdim etishlari kerak.
Ishtirokchilar poytaxtga kelish xarajatlarini oʻzlari qoplashlari kerak.
Oromgoh boʻyicha qoʻshimcha maʼlumotlar Ibrat tillar oromgohi rasmiy kanali orqali berib boriladi.