Ibrat Language Camp (Ibrat Tillar Oromgohi)ning qishki mavsumi

Ikki katta loyiha, ya'ni Ibrat Farzandlari hamda WikiStipediya birgalikda yoshlar uchun foydali va qiziq bo‘lgan Ibrat & Wiki oromgohini tashkil etadi. 

Ibrat Farzandlari — yoshlarning xorijiy tillarga bo‘lgan qiziqishini oshirish va ularga xorijiy tillar bo‘yicha bepul ta'lim berish uchun tashkil qilingan loyiha.

WikiStipendiya — o‘zbekcha Vikipediyadagi kontentni yaxshilash va boyitishga qaratilgan viki-loyiha.

Oromgohning maqsadi:

• xorijiy tillarni biladigan iqtidorli yoshlar uchun hamjamiyat tashkil etish;
• jamoa bo‘lib ishlash ko‘nikmasini oshirish; 
• tarjimonlik mahoratini rivojlantirish;
• ular uchun kerakli ko‘nikmalarni (soft skills) rivojlantirish; 
• O‘zbekiston haqidagi ma'lumotlarni Vikipediyada ko‘paytirish. 

Oromgoh Toshkent viloyati Boʻstonliq tumanida joylashgan Yoshlar Oromgohida boʻlib oʻtkaziladi.

Orgomgoh kunlari: 20–26-fevral, 2023-yil.

Har mavsumda 250-300 ga yaqin yetakchi yoshlar ushbu oromgohda bepul ishtirok etish imkoniyatiga ega boʻladilar. 

• Oromgohda 16 yoshdan 25 yoshgacha boʻlgan istalgan yoshlar ishtirok etishi mumkin;
• Ingliz tilini B1 darajada bilishlari lozim. Sertifikat talab etilmaydi;
• shaxsiy laptopga ega bo‘lish;
• maqola yozish va tarjima qilishga qiziqish.

Dasturga qabul qilingan ishtirokchilar quyidagi imtiyozlarga ega boʻladi:

• 1 hafta davomida Boʻstonliq tumanidagi togʻ havosida dam olish.
• yangi do‘stlar orttirish imkoniyati;
• mahorat darslari;
• sohaviy master-klasslar;
• Vikipediya administratorlardan saboqlar;
• Sport mashgʻulotlari va qoʻshimcha musobaqalarda qatnashish;
• esdalik sovg'alar.

Ariza topshirish ikki bosqichda bo'ladi:

1-bosqich ikki — a va b qismdan iborat hamda Telegram'dagi @ibrattest_bot manzilida bo‘lib o‘tadi.

a) birinchi qismda nomzodlar 30 daqiqa vaqt ichida ingliz tilidan 60 ta test yechishlari kerak bo'ladi. Testlar @ibrattest_bot orqali o‘tkaziladi.

b) ikkinchi qismda nomzodlarga mantiqiy savol beriladi. Javob 50 ta so'zdan oshmasligi kerak. Ajratilgan vaqt — 10 daqiqa.

2-bosqich:

Birinchi bosqichdan muvaffaqiyatli o‘tgan nomzodlar bilan intervyu bo‘lib o‘tadi. Intervyuda IELTS Speaking Part 2 savollari tushadi va intervyu uchun 5 daqiqa vaqt ajratiladi.

Eslatma: oromgohda faqat 16 yoshdan 25 yoshgacha bo'lganlar ishtirok eta oladilar!

1-bosqich uchun arizalar 10-fevralga qadar qabul qilinadi.

1-bosqichdan muvaffaqiyatli o‘tgan nomzodlar 2-bosqichga o'tadi va 11–14-fevral kunlari ular bilan intervyu bo‘lib o‘tadi.

Saralash bosqichi 15-fevral kuni o‘z yakuniga yetadi va o‘sha kuni javoblar e'lon qilinadi.

Oromgoh boʻyicha qoʻshimcha maʼlumotlar Ibrat tillar oromgohi rasmiy kanali orqali berib boriladi.