ICT4Girls: axborot texnologiyalari va informatika bo‘yicha O‘zbekiston o‘quvchi qizlar sport dasturlash olimpiadasi

“ICT4Girls” olimpiadasi axborot texnologiyalari va informatika bo‘yicha iqtidorli qizlarni aniqlash, ularni qo‘llab-quvvatlash va sohada rivojlanishiga ko‘maklashish maqsadida tashkil etilgan. Olimpiada qizlarni IT sohasiga keng jalb qilish, ularning dasturlash va algoritmlash bo‘yicha bilimlarini oshirish hamda xalqaro musobaqalarga tayyorlashga qaratilgan. Olimpiadada topshiriqlar C++ yoki Python dasturlash tillarida kod yozish orqali amalga oshiriladi. Bunda ishtirokchilarga tanlagan dasturlash tili bo‘yicha 10 ta test topshirig‘i beriladi. Berilgan test topshirig‘idan 5 ta savolga to‘g‘ri javob bergan ishtirokchilar Olimpiadaning hududiy bosqichida qatnashish imkoniyatini qo‘lga kiritadi. 

Olimpiada 2 bosqichda tashkil etiladi:

1-bosqich - hududiy bosqich: Berilgan topshiriqlar to‘plamidagi masalalarni ishlab, yuqori ball to‘plagan kamida birinchi 3 nafar ishtirokchi (bunda yechilgan masalalar soni 0 dan ko‘p bo‘lishi kerak) Respublika bosqichiga yo‘llanma oladi. 

2-bosqich - Respublika bosqichi: Yuqori ball to‘plagan birinchi 12 nafar ishtirokchi ICT4Girls olimpiadasi g‘olibi deb topiladi va munosib taqdirlanadi. 

Bonus: Joriy yilda ICT4Girls olimpiadasining g‘oliblari uchun sport dasturlash bo‘yicha maxsus butkemp tashkil etiladi va butkemp so‘ngida saralangan 4 nafar qiz 14-20-iyul kunlari Germaniyaning Bonn shahrida bo‘lib o‘tadigan Informatika bo‘yicha Yevropa qizlar olimpiadasi (EGOI 2025)da O'zbekiston terma jamoasi tarkibida ishtirok etadi.

Dasturda ishtirok etish uchun 23-mart soat 23:59 ga qadar ro‘yxatdan o‘tish lozim. Olimpiada joriy yil aprel oyida bo‘lib o‘tadi.

Dastur haqida ushbu havola orqali to‘liq ma’lumot olish mumkin. 

• “ICT4Girls” olimpiadasida 20 yoshgacha bo‘lgan (Olimpiada o‘tkazilayotgan yilning 1-iyul sanasi bilan 20 yoshdan oshmagan) maktab, kasb-hunar maktabi, akademik litsey va kollej o‘quvchi qizlari ishtirok etishlari mumkin bo‘lib, ishtirokchilar yakka tartibda ishtirok etadi;
• Ro‘yxatdan o‘tish formasidagi birlamchi saralashdan o‘tgan qizlar qatnasha oladilar;
• Olimpiada savollari ingliz va o‘zbek tillarida taqdim etiladi. Demak, nomzodlardan ingliz tilini bilish talab qilinadi;
• Olimpiadada topshiriqlar C++ yoki Python dasturlash tillarida kod yozish orqali amalga oshiriladi. Bunda ishtirokchilarga tanlagan dasturlash tili bo‘yicha 10 ta test topshirig‘i beriladi. Berilgan test topshirig‘idan 5 ta savolga to‘g‘ri javob bergan ishtirokchilar Olimpiadaning hududiy bosqichida qatnashish imkoniyatini qo‘lga kiritadi. Demak, ishtirokchilar yuqoridagi dasturlash tillaridan birini bilishlari lozim. 

• Informatika bo‘yicha “ICT4Girls” O‘zbekiston o‘quvchi qizlar olimpiadasi
  Informatika bo‘yicha Yevropa qizlar olimpiadasi uchun milliy saralash vazifasini
  o‘taydi;
• Joriy yilda ICT4Girls olimpiadasining g'oliblari uchun sport dasturlash bo'yicha maxsus butkemp tashkil etiladi va butkemp so'ngida saralangan 4 nafar qiz 14-20-iyul kunlari Germaniyaning Bonn shahrida bo‘lib o‘tadigan Informatika bo‘yicha Yevropa qizlar olimpiadasi (EGOI 2025)da O'zbekiston terma jamoasi tarkibida ishtirok etadi.

• Olimpiadada ishtirok etish uchun ro‘yxatdan o‘tish onlayn tarzda amalga oshiriladi. Dasturda ishtirok etish uchun 23-mart soat 23:59 ga qadar ro‘yxatdan o‘tish lozim;
• Olimpiada har yili mart-may oylarida o‘tkaziladi;
• Ro‘yxatdan o‘tish jarayonida test ko‘rinishida birlamchi saralash o‘tkaziladi va saralashda 10 ta test topshirig‘i beriladi. Berilgan test topshirig‘idan 5 ta savolga to‘g‘ri javob bergan ishtirokchilar hududiy bosqichda qatnashish imkoniyatini qo‘lga kiritadi;
• Test savollari o‘zbek va rus tillarida, ishtirokchi tanlagan C++ yoki Python dasturlash tillaridan birida test ko‘rinishida bo‘ladi. Hududiy bosqichda ishtirok etuvchilar ro‘yxati tashkilotchilar tomonidan ro‘yxatdan o‘tish formasida ko‘rsatilgan Olimpiadaning Telegramdagi rasmiy guruhida e’lon qilinadi;
• Olimpiada 2 (ikki) bosqichda tashkil etiladi: hududiy bosqich va respublika bosqichi.

Eslatma! Ro‘yxatdan o‘tishdan avval Olimpiadaning rasmiy Telegram guruhiga obuna bo‘lishingizni so‘rab qolamiz. Guruh uchun havola https://t.me/ict4girlsolympiad. Barcha yangiliklar, shu jumladan, Olimpiada bosqichlariga taklif etilgan o‘quvchi qizlar ro‘yxati, Olimpiada bo‘lib o‘tadigan sana va joy haqidagi ma'lumotlar ushbu guruhda e’lon qilinadi.

Dastur bo‘yicha qo‘shimcha ma’lumotlar:

• “ICT4Girls” olimpiadasi O‘zbekiston Respublikasi Prezidentining 2023-yil 24-maydagi PF-76-son Farmonining 5-ilovasi 63- va 67-bandlari, shuningdek, O‘zbekiston Respublikasi Vazirlar Mahkamasining 2024-yil 10-iyuldagi 447-F-son farmoyishi, Raqamli texnologiyalar vazirligining 2024-yil 12-iyuldagi 39-F-son farmoyishi bilan belgilangan O‘zbekistonda qizlarni raqamli texnologiyalar sohasiga yanada kengroq jalb etish, ularning IT-ko‘nikmalarini rivojlantirish, shuningdek, axborot texnologiyalari yo‘nalishi bo‘yicha o‘tkaziladigan xalqaro fan olimpiadalari va musobaqalarga tayyorgarlik ko‘rish ishlarini tashkil etish vazifalari ijrosini ta’minlash maqsadida ishlab chiqilgan;
• Musobaqaning davomida har bir ishtirokchiga C++ va Python kompilyatorlari oʻrnatilgan bitta kompyuter beriladi. Ishtirokchilar 4-5 masaladan iborat to‘plamni bajarishi lozim bo‘ladi. Topshiriqlar C++ yoki Python dasturlash tillarida kod yozish orqali amalga oshiriladi. Har bir bosqich uchun berilgan topshiriqlarni bajarish uchun umumiy 5 (besh) soat vaqt beriladi.
• Respublika bosqichi yakunlanganidan so‘ng, yuqori ball to‘plagan birinchi 12 (o‘n ikki) nafar ishtirokchi Olimpiada g‘olibi deb topiladi va g‘oliblar munosib taqdirlanadi.
• Dastur nizomi bilan ushbu havola orqali to‘liq tanishib chiqish mumkin.