ICYF xalqaro tashkiloti tomonidan $1,000 mukofot puliga ega dizaynlar tanlovi
-
05/10/2024 Qabul boshlanishi
-
Mukofot Moliyalash turi
-
Turkiya Davlat
-
31.10.2024 Oxirgi muddat
Umumiy maʻlumotlar
ICYF (Islamic Cooperation Youth Forum) yosh dizaynerlar uchun ishlarini dunyoga tanitish imkonini yaratuvchi xalqaro ICYF 20th Anniversary Logo Redesign Competition tanlovini eʼlon qiladi. Tanlov tashkilotning 20 yillik yubileyiga bagʻishlangan boʻlib, unda tashkilot logosi bilan birga uning 20 yillik yubileyi yoki 20 yozuvi aks etgan boʻlishi zarur. Dasturda barcha nomzodlar qatnashishlari mumkin. Tanlovga taqdim etiladigan ishlar talablarga mos shaklda yaratilgan va topshirilgan boʻlishi lozim. Har bir ishga ijodkorlik bilan yondashilgan va oʻziga xos uslubga ega boʻlishi kerak. Dastur gʻoliblariga 1,000 dollar miqdorida mukofot puli taqdim etiladi.
Tanlovga arizalarni qabul qilish jarayoni 2024-yil 31-oktyabrgacha davom etadi.
Dastur haqida ushbu havola orqali toʻliq maʼlumot olish mumkin.
Maqbullik shartlari
Dasturga topshiriladigan ishlarga quyidagi texnik talablar qoʻyilgan:
- Fayl shakli quyidagicha boʻlishi kerak:
-Vektor formati: Logo vektor formatida topshirilishi kerak (AI, EPS yoki SVG);
-Raster formati: Yuqori sifatdagi raster fayli (PNG yoki JPEG) boʻlishi kerak;
- Materialni chop etishda CMYK formatidan, raqamli ilovalar uchun esa RGBdan foydalanish kerak;
- Dasturga topshirilayotgan logo sifati yuqori, kamida 2x2 shaklda boʻlishi kerak;
- Logo toʻrtburchak va gorizontal formatda ham ishlay olishi zarur;
- Material dizaynini tuzayotganda Adobe Illustrator, CorelDRAW yoki boshqa vektorga asoslangan texnologiyadan foydalanish, boshqa texnologiyalardan foydalanilgan taqdirda esa dizayn EPS yoki SVG formatlariga oʻtkazilishi kerak;
- Joʻnatilgan fayllar nomzod ism-familiyasi bilan nomlanishi kerak;
- Hujjatlarning barchasi toʻplanib, “ZIP” fayli shaklida joylanishi, “Google Drive”ga yuklanishi hamda “ulashish” funksiyasining “Havola mavjud boʻlgan barcha koʻrishi va yuklab olishi mumkin” qismi yoqilgan boʻlishi kerak;
- Har bir nomzod uchtagacha fayl yuklash imkoniga ega;
- Loyiha konsepti va yaratilish jarayonini tasvirlovchi 100-200 soʻzdan iborat tavsifnoma yuklanishi zarur;
- Loyiha yaratilayotganda tashkilotning asosiy logosi, yaʼni uning rangi, shakli va tuzilishi oʻzgartirilmasligi shart. Shunchaki unga tashkilotning 20 yilligini ifodalovchi dizayn qoʻshilishi lozim. Ushbu havola orqali logo namunalarini koʻrish mumkin.
Dastur talablari haqida ushbu havola orqali toʻliq maʼlumot olish mumkin.
Foydali tomonlari
- Dastur gʻolibiga tashkilot tomonidan $1,000 miqdoridagi mukofot puli ajratiladi;
- Dastur gʻoliblarining dizayni xalqaro tashkilot tomonidan foydalaniladi va bu ishtirokchilarning CVsini boyitish hamda kelajakdagi karyerasi uchun ajoyib imkoniyat hisoblanadi.
Eslatma! Saralab olingan va taqdirlangan nomzodning ishi tashkilot tomonidan foydalaniladi va u tashkilot mulki hisoblanadi.
Dasturning foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Dastur haqida quyidagi ijtimoiy tarmoqlar orqali ham batafsil maʼlumot olish mumkin: