IELTS sertifikati sohiblarga Britaniya konsulligi tomonidan dunyoning istalgan oliygohida oʻqish uchun £3000 lik IELTS Prize granti

Akademik yutuqlarni imtiyoz asosida boshlash yoki davom ettirish imkonini beruvchi IELTS Prize tanlovi tegishli davlat fuqarolariga (Oʻzbekiston bu roʻyxatda bor) dunyoning istalgan burchagidagi oliy oʻquv yurtining bakalavriat yoki magistratura bosqichida oʻqish uchun 3000 funt sterling pul mukofotini taqdim etadi. Yuqori til malakasiga ega IELTS sertifikati sohiblari uchun bu yutuq, oʻz navbatida, karyeralarini barpo etish va oʻqish davomida orttirgan tajriblarini dunyo bilan boʻlishishda yordam beradi.

• 18 yosh va undan yuqori yoshda boʻlish;
• 2020-yilning 1-may sanasidan to 2021-yilning 15-sentabr sanasiga qadar IELTS imtihonini British Council yordamida topshirgan boʻlish;
• IELTS imtihoning jami natijasi 5.5 yoki undan yuqori boʻlishi va IELTS sertifikati qabul qiluvchi universitet/institutning imtihon talablaridan biri boʻlishi;
• Roʻyxatda keltirilgan davlatlardan birining fuqarosi boʻlish (Oʻzbekiston bu roʻyxatda bor; sanab oʻtilgan davatlarning toʻliq roʻyxatini bu yerda koʻrishingiz mumkin);
• Akademik oʻqishni 2022-2023- oʻquv yilidan boshlash va oʻqishga qabul qilinganlik haqida hujjatni 2022-yilining 1- sentabriga qadar qoʻlga kiritish va 30-sentabrga qadar taqdim etish.

Arizachilar maqbullik shartlari asosida, shuningdek, taqdim etgan shaxsiy bayonnomalari (Personal Statement) va IELTS natijalariga koʻra baholanadilar.

• 7 ta eng yuqori natija koʻrsatgan nomzodlar IELTS sertifikati talab qilinadigan dunyoning istalgan oliygohida oʻqish uchun £ 3000 pul mukofotini qoʻlga kiritadilar.

1. Onlayn arizani toʻldirish;
2. British Council taqdim etgan IELTS sertifikati nusxasi;
3. Pasport oʻlchamidagi fotosurat;
4. Keltirilgan davlat fuqarosi ekanligini tasdiqlovchi pasport nusxasi;
5. Agar zarur boʻsa, nogironligini tasdiqlovchi hujjat.

Yuqoridagi talablarga mos keluvchi har bir nomzod ishtirokchilar roʻyxatiga kiritiladi. Yakuniy tanlov suhbat asosida British Council tomonidan oʻtkaziladi. Bunda nomzodlar British Council tomonidan tanlangan biror mavzu boʻyicha taqdimot qilib berishlari soʻraladi. Shundan soʻng gʻoliblar aniqlanadi. 2022-yilning kuziga qadar oʻqishga qabul qilinganlik, oʻqish ruxsatnomasi (viza karta) yoki onlayn oʻqishni tasdiqlovchi hujjatlar taqdim etishi bilan sovrin oʻtkazib beriladi.

Qoʻshimcha maʼlumotlarni rasmiy saytning savol-javob boʻlimidan yoki ielts.marketing@britishcouncil.org elektron pochtasi orqali olish mumkin.