Ijodkor rassomlar uchun “Art for Change Prize— 2024” tanlovi. Umumiy mukofot — £20,000!

M&C Saatchi Group va Saatchi galereyasining tashabbusi bilan o'z ijodiy karyerasini boshlaganiga besh yil bo'lgan rassomlar uchun umumiy mukofot jamg'armasi 20,000 funt sterling bo'lgan “Art for Change Prize — 2024” tanlovini tashkil etadi. Ushbu tanlov san'at, madaniyat va ijodkorlik sohalarini rivojlantirish va yosh iste'dodlarni kashf etish maqsadida tashkil etilmoqda. Bu esa dunyo bo'ylab tasviriy san'at sohasidagi yosh rassomlarni rag'batlantiradi, shuningdek, ijobiy ijtimoiy o'zgarishlar uchun vosita sifatida xizmat qiladi.

Bu yilgi tanlovning ijodiy mavzusi — “Tomorrow'ing: Visions of a better future” (Tomorrow'ing: yaxshiroq kelajak haqidagi tasavvurlar). 
Dunyoda iqlim o'zgarishlari nihoyatda jadallashib, jamiyatning barcha qatlamiga o'zining salbiy ta'sirini ko'rsatmoqda. Tanlov ishtirokchilari esa o'z ijod namunalari orqali farovon kelajak haqidagi yangi g'oyalarni yaratishi va odamlarni mana shu o'zgarishlar uchun harakat qilishga ilhomlantirishi kerak.

Ma'lumot uchun: M&C Saatchi Group — yangilik yaratish va o'zgarishlar qilish istagida bo'lganlarni maxsus soha mutaxasislari bilan bog'lovchi ijodiy kompaniyalardan biridir. Bosh shtab-kvartirasi Londonda joylashgan bo'lib, Buyuk Britaniya, Yevropa, Yaqin Sharq va Afrika, Osiyo va Avstraliyada yirik markazlarga ega 23 ta filiali bor.

Mazkur tanlov haqida to'liq ma'lumotni ushbu havola orqali olish mumkin.

• Nomzodlar 18 yosh va undan yuqori hamda o'z karyeryasini boshlaganiga besh yil bo'lgan bo'lishi kerak;
• Tanlovda Buyuk Britaniya, Yevropa, Amerika, Osiyo, Avstraliya, Yaqin Sharq va Afrikadan bo'lgan ijodkor rassomlar qatnasha oladilar;
• Ishtirokchilar o'z ishining huquqiy egasi bo'lishi va talab qilinganda buni isbotlay olishi lozim.

Ijodiy ishlarga qo'yilgan talablar:

• Nomzodlar ko'pi bilan beshtagacha ijodiy ish bilan qatnashishi mumkin; 
• Ishlar JPEG, PNG yoki PDF formatida yuklanishi kerak (agar ishlar video yoki film shaklida bo'lsa, ularni qanday yuklash tartibi ro'yxatdan o'tgach maxsus yo'riqnomada ko'rsatiladi); 
• Har bir ijodiy ishning maksimal hajmi 200 MBdan oshmasligi lozim;
• Taqdim etilgan ishlar tanlov mavzusini ochib berishi va 2021-yil 1-yanvardan boshlab hozirgacha bajarilgan bo'lishi kerak;
• Ijodiy ishlar Londondagi ko'rgazmaga jo'natish va devorga o'rnatish uchun qulay shaklda bo'lishi lozim (g'olib ishlar ko'rgazmada namoyish qilinadi);
• Quyidagi yo'nalishda yaratilgan ijod namunalari qabul qilinadi:
  • Painting; 
  • Drawing;
  • Illustration;
  • Photography;
  • Collage;
  • 2D mixed-media;
  • Video/film;
• Taqdim etilgan ishlarni 2024-yil 1-oktabrdan 2025-yil 31-yanvargacha Londondagi ko‘rgazmada namoyish etish imkoniyati bo'lishi kerak.

Eslatma: Nomzodlar ijodiy ishlarini avvalo o'ziga tegishli mintaqada o'tkaziladigan saralashga yuborishi lozim.

• Umumiy mukofot jamg'armasi 20,000 funt sterlingni tashkil etadi;
• Sovrin olti nafar g'olibga bo'lib beriladi: 
  • 5 nafar g'olib 2,000 funt sterlingdan;
  • bitta umumiy g'olib 10,000 funt sterling. 
• G'oliblar pul mukofotini yutib olish bilan birga o'z ishlarini Londondagi Saatchi galereyasi hamda zamonaviy san'at bo'yicha tan olingan maxsus ko'rgazmalarda xalqaro auditoriyaga namoyish etish imkoniyatiga ega bo'ladilar. 

• Ishtirokchilar ushbu havola orqali ro'yxatdan o'tgach o'z ishlarini taqdim qiladilar;
• Bir nomzod faqat bir marta ariza topshirishi lozim;
• Ariza topshirish va ishlarni taqdim qilish bo'yicha savollar bilan artforchangeprize@mcsaatchi.com elektron manziliga murojaat qilish mumkin;

Eslatma: Nomzodlar arizani topshirgach ariza topshirish muddati tugagunga qadar uni qayta tahrir qilishi mumkin.

Muhim: Yozma materiallarni yuklash mumkin emas. Chunki ular hakamlar tomonidan ko'rib chiqilmaydi.

• Mintaqaviy g'oliblar 2024-yil oktabr o'rtalarida;
• Umumiy g'oliblar 2024-yil noyabrda e'lon qilinadi;
• Ko'rgazma 2024-yil noyabrdan 2025-yil yanvargacha barcha uchun ochiq bo'ladi; 
• Email: artforchangeprize@mcsaatchi.com;
• Oxirgi muddat: 17-iyul, 2024-yil (15:59).