Ijodkor va havaskor yozuvchilar uchun Bristol Short Story Prize hikoyalar tanlovi. Bosh mukofot — £1000!

Buyuk Britaniya muharrirlari tomonidan tashkil etilgan Bristol Short Story Prize (BSSP) tanlovi har yili butun dunyo boʻylab kuchli isteʼdodga ega boʻlgan ijodkor yozuvchilarni kashf etmoqda.

Hozirda ushbu tanlovning 2025-yil mavsumi uchun hikoyalar qabul qilinmoqda. Tanlov uchun istalgan mavzu va yoʻnalishdagi ingliz tilida yozilgan hikoyalar qabul qilinadi. Jami 20 nafar saralangan ijodkorlar mukofotlanadi va ularning ishlari Bristol Short Story Prize Anthologyda chop etiladi. Bosh mukofot — £1000.

Ushbu tanlovning oʻtgan yilgi mavsumida Isidora Cortes-Monroy oʻzining Cake for the Disappeared hikoyasi bilan qatnashgan va gʻolib deb topilgan. 

Tanlovning avvalgi mavsumlari gʻoliblari haqida batafsil ushbu havola orqali tanishish mumkin.

Tanlovda ishtirok etish uchun nomzodlar quyidagi talablarga javob berishi lozim:

• Tanlovda barcha havaskor va professional yozuvchilar ishtirok etishi mumkin;
• Nomzod  16 yoshdan katta boʻlishi kerak.

Hikoyaga qoʻyilgan talablar:

• Hikoyalar istalgan mavzu va janrda ingliz tilida yozilgan boʻlishi va 4000 soʻzdan oshmasligi lozim;
• Ijodiy ishda muallifning ismi va kontakt maʼlumotlari aks etmasligi kerak. Hikoyalar anonim tarzda tekshiriladi;
• Tanlov uchun nomzod qancha xohlasa, shuncha hikoya taqdim etish mumkin, lekin har bir ijodkor faqat 1-hikoyasi bilan bepul qatnasha oladi (faqat kam daromadli davlat fuqarolari uchun), qolgan hikoyalar uchun £9 toʻlov mavjud;
• Hikoyalar muallif tomonidan shaxsan yozilgan boʻlishi va 2023-yil 15-oktyabrgacha boshqa manbalarda, jumladan, onlayn sahifalarda chop etilmagan boʻlishi shart;
• Barcha yozuvchilar oʻz ijodiy ishlarini Bristol Short Story Prize Anthology Volume 15 da nashr etilishiga rozi boʻlishlari kerak. Faqat saralangan ishlargina chop etiladi.

Tanlov shartlari va qoidalari bilan batafsil ushbu havola orqali maʼlumot olish mumkin.

Tanlov gʻoliblari quyidagicha taqdirlanadilar:

• 1-oʻrin — £1000 pul mukofoti;
• 2-oʻrin — £500 pul mukofoti;
• 3-oʻrin — £250 pul mukofoti;
• Keyingi 12 nafar saralangan ijodkorlar £50 pul mukofoti bilan taqdirlanadi;
• 2025 Bristol Short Story Prize mukofoti saralangan mualliflarning har biri Bristol Short Story Prize Anthology Volume 15 ning qogʻoz nusxasini bepul oladi;

Barcha sovrinlar 2025-yil 7-iyunda Bristol Short Story Prize mukofotini topshirish marosimida topshiriladi va taqdirlash marosimida qatnasha olmagan yozuvchilarning har biriga yuboriladi.

Tanlovda ishtirok etish uchun hikoyalar onlayn tarzda taqdim etiladi. Ariza topshirish toʻlovi — £12.

250 nafar to'lov qila olmaydigan ijodkorlar uchun bepul ariza topshirish imkoniyati mavjud.

• Barcha ishtirokchilar uchun alohida bogʻlanilmaydi va faqat saralangan ijodkorlargagina xabar beriladi.

Barcha sovrinlar 2025-yil 7-iyunda Bristol Short Story Prize mukofotini topshirish marosimida topshiriladi va taqdirlash marosimida qatnasha olmagan yozuvchilarning har biriga yuboriladi.

2025-yilgi Bristol Short Story Prize natijalar roʻyxati Bristol Short Story Prize veb-saytida eʼlon qilinadi. 30 ta hikoyadan iborat saralanganlar roʻyxati Bristol Short Story Prize veb-saytida eʼlon qilinadi.

15 ta eng yaxshi qisqa hikoyalar roʻyxati Bristol Short Story Prize veb-saytida eʼlon qilinadi. Eng yaxshi 3 ta sovrindorlari taqdirlash marosimidan keyin bir hafta ichida veb-saytda namoyish etiladi.

Qoʻshimcha murojaatlar uchun ushbu havola orqali yuborish mumkin.

Tanlov haqida batafsil rasmiy havola orqali maʼlumot olish mumkin.