Ijodkorlar uchun “Kelajak merosi” xalqaro mukofoti tanlovi

Oʻzbekiston Respublikasi Madaniyat vazirligi “Kelajak merosi” xalqaro mukofoti uchun tanlovni eʼlon qiladi.

“Kelajak merosi” xalqaro mukofoti Oʻzbekiston va dunyo ijodkorlari, olimlari hamda innovatorlari uchun nufuzli mukofot hisoblanadi. Bundan tashqari, ushbu mukofot madaniyat, sanʼat, adabiyot, fan va innovatsiyalar taraqqiyotiga sezilarli hissa qoʻshgan asar va ishlanmalarni eʼtirof etish maqsadida taʼsis etilgan.

Tanlov quyidagi nominatsiyalardan iborat:

• Ilm-fan, taʼlim va raqamli texnologiyalar;
• Moda va dizayn;
• Madaniy meros;
• Teatr va kino;
• Adabiyot;
• Musiqa va raqs;
• Tasviriy va amaliy sanʼat.

Tantanali taqdirlash marosimi Oʻzbekiston Respublikasida davlat muassasalari ishtirokida oʻtkaziladi.

Maʼlumot uchun: Prezidentning 3-noyabrdagi tegishli farmoni bilan Oʻzbekistonda “Kelajak merosi” xalqaro mukofoti taʼsis etildi.

Hujjatga koʻra, “Kelajak merosi” xalqaro mukofoti kengashi tuziladi, uning tarkibi hamda asosiy vazifalari tasdiqlanadi. Madaniyat vazirligi kengashning ishchi organi etib belgilandi.

Dastur haqida batafsil ushbu havola orqali maʼlumot olish mumkin.

• Madaniyat, sanʼat, adabiyot, fan va innovatsiyaga hissa qoʻshgan barcha ijodkorlar qatnashishi mumkin;
• Topshirilgan ishlar tanlov yoʻnalishlaridan biriga mos boʻlishi kerak;
• Ijodiy ishlar quyidagi turlardan birida boʻlishi lozim:
  • 3D grafika;
  • Aniq va texnika sohasi;
  • Dasturlash;
  • Dizayn;
  • Sunʼiy intellekt;
  • Tabiiy va ijtimoiy-gumanitar sohasi.

Xalqaro mukofotning har bir yoʻnalishi boʻyicha gʻoliblarga quyidagi mukofotlar beriladi:

• Maxsus statuetka;
• Diplom;
• 10 ming AQSH dollari miqdoridagi bir martalik pul mukofoti.

Eslatma: Nizomga muvofiq, xalqaro mukofot bir shaxsga ikki marta berilmaydi. Jarayonning barcha bosqichlari shaffof va ochiq tarzda amalga oshiriladi.

Dasturda qatnashishni istaganlar ushbu havola orqali roʻyxatdan oʻtib ariza topshirishlari mumkin.

Roʻyxatdan oʻtishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Nomzodning rasmi.

Ariza topshirishda quyidagilar soʻraladi:

• Yoʻnalish;
• Qisqacha tavsif;
• Rezyume;
• asosiy material fayli;
• Qoʻshimcha material (ixtiyoriy);
• Ijtimoiy tarmoqlardagi username (foydalanuvchining nomi).

• Tel: +99855 502-33-75;
• Manzil: Oʻzbekiston Respublikasi Madaniyat vazirligi 100159, Toshkent shahri, Amir Temur 107b.

Muhim sanalar:

• Dasturga ariza topshirish uchun oxirgi muddat: 2026-yil 28-fevral;
• Tavsiyanomalar 2026-yil 1-martagacha topshiriladi;
• Dastlabki koʻrik: 2026-yil 10-martgacha;
• Rasmiylashtirish: 2026-yil 1-aprelgacha;
• Yakuniy xulosalar: 2026-yil 10-aprelgacha;
• Kengash qarori: 2026-yil 20-aprel;
• Natijalar eʼloni: 2026-yil 25-aprel.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Telegram;
• Youtube.