Ijodkorlar va olimlar uchun Fransiyada haftasiga €250 stipendiya to'lovchi Camargo Core Program hamdo'stlik dasturi

Camargo Core Program - Camargo Jamg'armasining yetakchi dasturi bo'lib, to'liq jamg'arma tomonidan moliyalashtiriladi. Dastur san'at va gumanitar fanlarga oid sohalardagi yangi tadqiqot, tajriba va fanlararo aloqalarni qo'llab-quvvatlash maqsadida tashkil etilgan. Har yili butun dunyo bo'yicha 18 nafar olim, san'atkor va ijodkorlar dasturga qabul qilinadi va ularning 6-11 hafta davomida Fransiyada tadqiqot olib borishi uchun barcha sharoitlar bilan ta'minlab beriladi. 

Dasturning asosiy maqsadi ilg'or salohiyatga ega olim va san'atkorlarga erkin tadqiqot olib borish, tajriba o'tkazish va o'z sohasida yangilik qilishini qo'llab-quvvatlash hisoblanadi. Shuningdak, dastur davomida ishtirokchilar birgalikda ishlash orqali bir-birlari bilan fikr almashish va boshqa olimlar bilan aloqa o'rnatish imkoniyatiga ega bo'ladi.

Camargo Core Program hamdo'stlik dasturiga barcha mamlakatlar va millatlardan bo'lgan nomzodlar ariza berishi mumkin. Arizalar 3 toifada qabul qilinadi:

• Scholars (olimlar)
  • San'at va gumanitar fanlarga aloqador yo'nalishda tadqiqot olib borayotgan bo'lishi;
  • PhD darajasiga ega bo'lishi yoki PhD darajasi uchun tadqiqot ishi/dissertatisiyasini yakunlayotgan bo'lishi kerak.
• Thinkers (mutafakkirlar)
  • Madaniy va ijodiy sohalardagi tajribali professionallar va amaliyotchilar ariza topshirishi mumkin (jurnalistlar, tanqidchilar, shaharsozlar, mustaqil olimlar va boshqalar);
  • Nazariya, san'at va jamiyatga oid sohalarda ishlaydigan nomzodlar qo'llab-quvvatlanadi.
• Artists (ijodkorlar)
  • San'atkorlar yangi ish/loyihaning asosiy muallifi bo'lishi kerak;
  • Avvalgi nashrlari, spektakllari,
    ko'rgazmalari, kreditlari, mukofotlari va/yoki grantlari haqida ma'lumot taqdim etishi kerak;
  • Dasturga o'zining yetuk ijodiy uslubiga ega nomzodlar qabul qilinadi. Quyidagi yo'nalishlarda ariza topshirish mumkin:
    • Vizual ijodkorlar
    • Xoreograflar, teatr rejissyorlari va spektakl ijodkorlari
    • yozuvchilar va dramaturglar
    • Kino, video va raqamli soha ijodkorlari
    • Bastakorlar va ovoz ijrochilari
    • Ko'p tarmoqli rassomlar.

Ushbu havola orqali batafsil ma'lumot bilan tanishib chiqing.

G'olib nomzodlarga quyidagi imkoniyatlar taqdim etiladi:

• Turar-joy;
• Haftalik stipendiya - €250
• Tadqiqot olib borish uchun zarur ofis va studiyalar
• Dastur doirasidagi tadbirlar/seminarlar
• Dastur davomida oila a'zolari bilan yashash

Batafsil ma'lumot bilan ushbu havola orqali tanishib chiqishingiz mumkin.

Ariza va hujjatlar onlayn tarzda topshiriladi. Ariza ingliz tilida bo'lishi kerak. Qo'shimcha hujjatlar(CV, ish namunalari) ingliz yoki fransuz tilida taqdim etilishi mumkin.

Onlayn ariza shakli quyidagilardan iborat bo'lishi lozim:

• Proposal summary (taqdimot bayonoti) - max 100 ta so'z
• Proposal narrative - max 1200 ta so'z
• Dasturda qatnashish uchun mantiqiy asos - max 300 ta so'z
• Dastur ishtirokchining professional rivojlanishida qanchalik muhimligini asoslab berish - max 300 ta so'z
• CV - 3 betgacha
• Avvalgi ish namunalari
• Tavsiyanomalar (agar ishtirokchi final bosqichiga o'tsa).

Ushbu havola orqali ariza to'ldirish uchun kerakli hujjatlar bilan batafsil tanishib chiqing

Dastur davomiyligi 6 haftadan 11 haftagacha bo'lishi mumkin. 2022-2023-yillar uchun dastur sanalari:

• 2022-yil:
  • 08.09.2022-03.11.2022 (8 hafta)
• 2023-yil:
  • 15.02.2023-29.03.2023 (6 hafta)
  • 15.02.2023-12.04.2023 (8 hafta)
  • 15.02.2023-03.05.2023 (11 hafta)

Qo'shimcha savol va murojaatlar uchun: apply@camargofoundation.org