Bakalavr yoki magistratura talabalari uchun “Ijtimoiy taraqqiyot uchun” tadqiqot ishlari tanlovi
-
20/02/2025 Qabul boshlanishi
-
Mukofot Moliyalash turi
-
Oʻzbekiston Davlat
-
15.05.2025 Oxirgi muddat
Umumiy maʻlumotlar
O‘zbekiston Respublikasi Prezidenti huzuridagi Ijtimoiy himoya milliy agentligi hamda Oliy ta’lim, fan va innovatsiyalar vazirligi hamkorlikda O‘zbekiston Respublikasida joylashgan oliy ta’lim muassasalarida bakalvriat va magistratura bosqichlarini tamomlayotgan talabalar o‘rtasida tanlov e’lon qiladi. Nomzod O‘zbekiston hududidagi oliy ta’lim muassasalaridan birining bakalavriat yoki magistratura bosqichining bitiruvchi talabasi bo‘lish kerak. Tanlov 2 bosqichdan iborat bo‘ladi:
1-bosqich. Tanlov komissiyasi tanlovning birinchi bosqichida taqdim etilgan BMI va dissertatsiya ishlari orasidan tanlov mezonlari asosida taqdimot uchun 10 ta ishni tanlab oladi hamda taqdimot qilinishi uchun keyingi bosqichga tavsiya etadi.
2-bosqich. Tanlovning ikkinchi bosqichida ushbu bosqichga tavsiya qilingan ishtirokchilar taqdimot qiladi. Ularning taqdimotlari tanlov mezonlariga ko‘ra baholanadi. Ikkinchi bosqich yakuni bo‘yicha uchta g‘olib aniqlanadi.
Dastur g‘oliblari noutbuk, plaud va planshet kabi sovrinlar bilan taqdirlanadi. Bundan tashqari, g‘oliblar O‘zbekiston Respublikasi Prezidenti huzuridagi Ijtimoiy himoya milliy agentligi va uning tarkibiga kiruvchi tashkilotlarda amaliyot o‘tash imkoniyatiga ega bo‘ladi.
Tanlov haqida ushbu havola orqali batafsil ma’lumot olish mumkin.
Maqbullik shartlari
- Nomzod O‘zbekiston hududidagi oliy ta’lim muassasalaridan birining bakalavriat yoki magistratura bosqichining bitiruvchi talabasi bo‘lish kerak;
- Tadqiqot ishi ijtimoiy himoya doirasida bo‘lishi va quyidagi mavzularni qamrab olish zarur:
- Ijtimoiy himoya siyosati;
- Kambag‘allikni baholash va qisqartirish;
- Nogironligi bo‘lgan shaxslarning ijtimoiylashuvi;
- Faol va sog‘lom keksayish;
- Parvarishlash iqtisodiyoti;
- Ayollar va bolalarga nisbatan zo‘ravonlik;
- Ota-ona qaramog‘idan mahrum bo‘lgan bolalarning ijtimoiy himoyasi;
- Migrantlar va ularning oilalarini ijtimoiy himoya qilish;
- Ijtimoiy himoyada xulq-atvor iqtisodiyoti;
- Adolatli o‘tish davrida aholining muhtoj qatlamlarini himoya qilish;
- Rasmiy va norasmiy sektor ishchilarini ijtimoiy himoya qilish;
- Ijtimoiy himoya tizimini raqamlashtirish.
Foydali tomonlari
G'oliblar quyidagicha taqdirlanadi:
- Birinchi o‘rin: Noutbuk
- Ikkinchi o‘rin: Plaud
- Uchinchi o‘rin: Planshet
- Bundan tashqari, g‘oliblar O‘zbekiston Respublikasi Prezidenti huzuridagi Ijtimoiy himoya milliy agentligi va uning tarkibiga kiruvchi tashkilotlarda amaliyot o‘tash imkoniyatiga ega bo‘ladi.
Qoʻshimcha maʻlumotlar
Tanlov haqida qo‘shimcha ma’lumotlar Ijtimoiy himoya institutining Telegram kanalida (https://t.me/ihri_uzb) e’lon qilib boriladi.
Tanlov shartlari bilan bog‘liq boshqa savollarni institut elektron pochta manziliga (ihri@ihma.uz) yuborish so‘raladi.
Tanlov 2025-yilda o‘tkazilib, quyidagi muhim sanalardan iborat bo‘ladi:
- 15-maygacha: Tanlov birinchi bosqichi uchun hujjatlarni qabul qilish;
- 16-may – 30-may: Tanlov komissiyasi baholash mezonlari asosida ikkinchi bosqich uchun 10 ta BMI va dissertatsiya saralab olish;
- 31-may – 10-iyun: Tanlovning ikkinchi bosqichida 10 ta BMI va dissertatsiyalarning taqdimotini o‘tkazish hamda g‘oliblarni taqdirlash marosimi.