Indoneziya hukumatidan bakalavriat, magistratura va doktorantura bosqichi uchun toʻliq moliyalashtiriladigan KNB Scholarship granti

Indoneziya hukumati 2024-2025 oʻquv yiliga bakalavriat, magistratura va doktorantura bosqichi uchun xarajatlari toʻliq qoplanadigan KNB Scholarship grantini taqdim etadi. BIPA (indonez tili ona tili boʻlmaganlar uchun maxsus ishlab chiqilgan til oʻrganish dasturi) va akademik dasturda (bakalavriat, magistratura, doktorantura) oʻqiyotganlar uchun oʻqish toʻlovi qoplanadi.

Dasturning asosiy maqsadlari:

• Rivojlanayotgan mamlakatlarda inson resurslarini rivojlantirishga hissa qoʻshish;
• Madaniyatlararo oʻzaro tushunishni rivojlantirish va rivojlanayotgan mamlakatlar oʻrtasidagi munosabatlarni mustahkamlash;
• Indoneziyadagi jahon darajasidagi universitetlar sonini koʻpaytirish boʻyicha milliy strategiyalarning bir qismi sifatida Indoneziya oliy taʼlim muassasalarining tadqiqot salohiyatini yaxshilash.

2024-yilda Indoneziya Respublikasi Taʼlim, Madaniyat, Tadqiqot va Texnologiya Vazirligi mamlakatdagi 31 ta universitet bilan hamkorlikda jami 222 ta grant berishni rejalashtirgan (bakalavriat uchun 30 ta, magistratura uchun 162 ta, doktorantura uchun 30 ta).

Nomzodlar quyidagi oliy taʼlim muassasalaridan biriga hujjat topshirishlari mumkin:

1. Institut Pertanian Bogor;
2. Institut Teknologi Bandung;
3. Institut Teknologi Sepuluh Nopember;
4. Politeknik Elektronika Negeri Surabaya;
5. Universitas Airlangga;
6. Universitas Atma Jaya Yogyakarta;
7. Universitas Brawijaya;
8. Universitas Diponegoro;
9. Universitas Gadjah Mada;
10. Universitas Hasanuddin;
11. Universitas Indonesia;
12. Universitas Islam Indonesia;
13. Universitas Katolik Parahyangan;
14. Universitas Muhammadiyah Malang;
15. Universitas Muhammadiyah Surakarta;
16. Universitas Negeri Malang;
17. Universitas Negeri Semarang;
18. Universitas Negeri Surabaya;
19. Universitas Negeri Yogyakarta;
20. Universitas Padjadjaran;
21. Universitas Pendidikan Indonesia;
22. Universitas Sebelas Maret;
23. Universitas Telkom;
24. Universitas Syiah Kuala;
25. Universitas Dian Nuswantoro;
26. Universitas Sanata Dharma;
27. Universitas Wijaya Kusuma Surabaya;
28. Universitas Sumatera Utara;
29. Universitas Lampung;
30. Universitas Negeri Jakarta;
31. Universitas Jenderal Soedirman.

Maʼlumot uchun: KNB Scholarship (Kemitraan Negara Berkembang Scholarship) Indoneziya hukumati tomonidan rivojlanayotgan mamlakatlardan kelgan xalqaro talabalarga Indoneziyadagi universitetlardan birida oʻz darajasini (bakalavr, magistr yoki doktorlik darajasi) olish uchun taqdim etiladigan moliyaviy yordamdir. Dastur Indoneziyaning eng yaxshi universitetlarida oʻqish va shu bilan birga dunyodagi eng xilma-xil millatdan iborat jamiyatlardan birida yashash imkoniyatini taklif etadi.

Dastur haqida batafsil ushbu havola orqali maʼlumot olish mumkin.

Bakalavriat bosqichi uchun qoʻyilgan talablar:

• Nomzod 21 yoshdan oshmagan va oʻrta maktab darajasiga ega boʻlishi kerak;
• Ingliz tilini bilish sertifikati soʻraladi (sertifikat oxirgi 2 yil ichida olingan boʻlishi lozim):
  • IELTS 5,5;
  • TOEFL ITP 477;
  • TOEFL IBT 53;
  • TOEIC 510.

Eslatma: Allaqachon bakalavr darajasiga ega boʻlgan nomzodlar bakalavriat uchun taqdim etilayotgan dasturda qatnasha olmaydi.

Magistratura bosqichi uchun qoʻyilgan talablar:

• Nomzod 35 yoshdan oshmagan va bakalavr darajasiga ega boʻlishi kerak;
• Ingliz tilini bilish sertifikati soʻraladi (sertifikat oxirgi 2 yil ichida olingan boʻlishi lozim):
  • IELTS 6.0;
  • TOEFL ITP 500;
  • TOEFL IBT 61;
  • TOEIC 575.

Eslatma: Allaqachon magistr darajasiga ega boʻlgan nomzodlar magistratura uchun taqdim etilayotgan dasturda qatnasha olmaydi.

Doktorantura bosqichi uchun qoʻyilgan talablar:

• Nomzod 40 yoshdan oshmagan va magistr darajasiga ega boʻlishi kerak;
• Ingliz tilini bilish sertifikati soʻraladi (sertifikat oxirgi 2 yil ichida olingan boʻlishi lozim):
  • IELTS 6.0;
  • TOEFL ITP 530;
  • TOEFL IBT 71;
  • TOEIC 640.

Eslatma: Allaqachon doktorlik darajasiga ega boʻlgan nomzodlar doktorantura uchun taqdim etilayotgan dasturda qatnasha olmaydi.

• Oʻqish toʻlovidan ozod qilinadi;
• Turarjoy xarajatlari uchun pul ajratiladi;
• Har oy yashash, tadqiqot va kitob uchun pul beriladi;
• Tibbiy sugʻurta va ilmiy maqola chop etish uchun mablagʻ taqdim etiladi;
• Indoneziyaga borish-qaytish uchun havo yoʻli (ekonom klass) va mezbon universitetga borish uchun mahalliy transport bilan taʼminlanadi.

Eslatma: Ishtirokchilar dastur tugagandan soʻng 60 kun ichida oʻz vatanlariga qaytishi kerak.

Dasturda qatnashishni istaganlar ushbu havola orqali ariza topshirishlari mumkin.

Ariza topshirishda quyidagi amallar bajariladi:

1. KNB Scholarship Offering Letter yuklab olinadi;
2. Quyidagi hujjatlar topshiriladi:
   • KNB Scholarship Offering Letter;
   • Rasmiy pasport (2 yil amal qilish muddati bilan);
   • Ingliz tilidan til bilish sertifikati;
   • Indoneziya elchixonasining tavsiyanomasi;
   • Ish beruvchi/bevosita rahbarning tavsiyanomasi;
   • Avval oʻqigan maktablaridan akademik tavsiyanoma;
   • Akademik sertifikatlar va akademik trankriptlar;
   • Grant amal qiladigan universitetlardan biridagi tadqiqot rahbarining tavsiyanomasi (faqat doktoranturaga daʼvogarlar uchun);
   • Indoneziyada oʻqishdan maqsadi toʻgʻrisidagi bayonot (faqat doktoranturaga daʼvogarlar uchun).
3. Onlayn ariza berish jarayonini yakunlanadi.

Eslatma: Hujjatlar ingliz yoki indonez tillaridan birida taqdim etilishi kerak.

• Dasturga hujjat topshirish uchun oxirgi muddat: 22-fevral 2024-yil (09:00);
• Natijalar 2024-yil 9-iyunda eʼlon qilinadi;
• Tel: +6221 57946104;
• Email: knb@kemdikbud.go.id.