Indoneziyaning Bali shahrida barcha xarajatlari qoplanadigan The Future Leaders Assembly Indonesia 2025 xalqaro dasturi

30/01/2025 Qabul boshlanishi
Toʻliq Moliyalash turi
Indoneziya Davlat
28.02.2025 Oxirgi muddat

Muhim tafsilotlar

Kimlar uchun

Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

The Future Leaders Assembly Indonesia 2025 dasturi bu 2025-yil 11-14-aprel kunlari Indoneziyaning Bali shahrida bo‘lib o‘tadigan uchrashuv bo‘lib, ushbu dastur butun dunyo bo‘ylab yosh yetakchilar, siyosatchilar, tadbirkorlar, faollar, o‘qituvchilar va talabalarni o‘z ichiga olgan faol ishtirokchilar guruhini birlashtirishga qaratilgan. Konferensiya doirasida quyidagi masalalarga urg‘u beriladi:

Youth Empowerment (Yoshlarni qo‘llab-quvvatlash);
Fostering Innovation (Innovatsiyani rivojlantirish);
Building Global Networks (Global aloqalarni shakllantirish);
Promoting Sustainable Development (Barqaror rivojlanishni rag‘batlantirish).

Konferensiyada uch kategoriya bo‘yicha ishtirok etish mumkin:

Fully Funded Application (Xarajatlari to‘liq qoplanadi-20 o‘rin);
Self-Funded Application (Xarajatlari qoplanmaydi -50 o‘rin);
Partial Funded Application (Xarajatlari qisman qoplanadi-30 o‘rin).

Dasturga arizalar 2025-yil 28-fevralgacha qabul qilinadi.

Dastur haqida ushbu havola orqali to‘liq ma’lumot olish mumkin.

Maqbullik shartlari

Dasturda qatnashish uchun quyidagi talablar mavjud:

Barcha davlat fuqarolari qatnashishlari mumkin;
O‘z jamiyati va dunyoning barqaror rivojlanishi bo‘yicha o‘zlarining fikrlari va g‘oyalari bilan ajralib turadigan yetakchi nomzodlar dasturga ariza topshirishlari mumkin;
Saralash jarayonida nomzodlarning yetakchilik qobiliyati, karyerasi, amalga oshirgan ishlari, maqsadlari va barqaror kelajak bo‘yicha fikrlariga alohida e’tibor qaratiladi;
Konferensiyada qatnashish uchun yosh, yo‘nalish va mutaxassislik bo‘yicha chegara qo‘yilmagan;
Dasturda til talablari qo‘yilmagan, lekin dastur ingliz tilida olib borilgani uchun til bilish ham muhim hisoblanadi.

Dastur talablari haqida ushbu havola orqali batafsil ma’lumot olish mumkin.

Foydali tomonlari

Fully Funded kategoriyasiga qabul qilingan ishtirokchilar quyidagi imkoniyatlarga ega bo‘ladi:

Yo‘l xarajatlari qoplanadi;
Turar-joy bilan ta’minlanadi;
Konferensiya tomonidan ovqatlanish tashkil qilinadi;
Konferensiya materiallarini to‘liq qo‘lga kirita olish imkoni mavjud bo‘ladi.

Eslatma! Qisman moliyalashtiriladigan (Partial Funded) kategoriyada ham ushbu imkoniyatlar mavjud, faqat yo‘l xarajatlari to‘lab berilmaydi. Self-Funded kategoriyasida esa xarajatlar nomzodlar tomonidan qoplanadi.

Dasturning foydali jihatlari haqida ushbu havola orqali ma’lumot olish mumkin.