Ingliz tili o'qituvchilari uchun Toshkentdagi Amerika elchixonasidan onlayn Professional English Network dasturi doirasida bepul kurslar
  • 01/04/2022 Qabul boshlanishi
  • Bepul Moliyalash turi
  • AQSh Davlat
  • 20.04.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

OPEN dasturi 8 haftalik malaka oshirish kurslar toʻplami boʻlib, AQShning yetakchi universitetlari tomonidan ingliz tilini oʻqitish vositasi sifatida (EMI) TESOL metodologiyasi, oʻqituvchilar uchun malaka oshirish va tanqidiy fikrlashni sinfga integratsiya qilish kabi mavzularni qamrab oladi.

Quyidagi kurs yoʻnalishlaridan biri boʻyicha tajribaga ega professional ingliz tili oʻqituvchilari, malaka oshirish mutaxassislari, dastur maʼmurlari ishtirok etishlari mumkin.

Kursda quyidagi yoʻnalishlardan biri boʻyicha oʻqish mumkin:

  1. Akademik yozuvni rivojlantirish va oʻrgatish (Iova Shtati Universiteti tomonidan oʻtiladi).
  2. Onlayn kurslarni tashkil etish va boshqarish (Arizona Shtati universiteti).
  3. Talabalarning motivatsiyasi va faolligini oshirish (Oregon Universiteti tomonidan oʻtiladi).
  4. Ingliz tili taʼlim vositasi sifatida (Ohio Universiteti tomonidan oʻtiladi).
  5. Kontentga asoslangan instruksiya (dunyoning top oʻqishlaridan biri boʻlgan SIT Graduate Institute tomonidan olib boriladi).
  6. Yosh oʻquvchilarga ingliz tilini oʻrgatish (Jorj Mason Universiteti tomonidan oʻtiladi).
  7. Oʻqituvchilar uchun malaka oshirish (Arizona Universiteti tomonidan oʻtiladi).
  8. TESOL metodologiyasi (Marilend Baltimor mamlakatlari Universiteti tomonidan oʻtiladi).
  9. EFL muhitida madaniyatni oʻrganishda tanqidiy fikrlash koʻnikmalarini integratsiya qilish (dunyoning top oʻqishlaridan biri boʻlgan SIT Graduate Institute tomonidan olib boriladi).

Kursning boshlanish vaqti: 2022-yil 5-iyul.

Kurs uchun oriyentatsiya olish muddatlari: 30 maydan 1-iyulga qadar.

Dastur bilan, qolaversa, yuqoridagi yoʻnalishlar qamrab oladigan darslar mazmuni bilan batafsil ushbu havola orqali tanishish mumkin.

Maqbullik shartlari

Qatnashish istagida boʻlganlar quyidagi talablarga javob berishlari lozim:

  • Oʻzbekiston fuqarosi boʻlish va shu yerda yashash;
  • Ingliz tilida oʻqish va yozish boʻyicha yuqori malakaga ega boʻlish (minimal talab: CEFR B2 yoki 70 iBT);
  • Yuqori tezlikdagi internet bilan muntazam darslarda qatnasha olish;
  • 8 haftalik kurs davomida har hafta 10 dan 12 soatgacha kurs uchun vaqt sarflay olish;
  • Agar ishtirokchi koʻrsatgan asosiy tanlov bekor boʻlsa, ikkinchi yoki uchinchi kursga yozilish uchun tayyor boʻla olish;
  • Inglizcha texnik atamalarni tushunish;
  • Foydalanuvchi nomlari va parollarini yaratish, himoyalangan veb-saytlariga kirish uchun roʻyxatdan oʻta olish, elektron pochtadan foydalanish, internetga ulanish va elektron fayllarga (masalan, pdf, MS Word, Excel) kirish hamda ularni boshqarish: yuklab olish va yuklash bilan bogʻliq asosiy texnologiya koʻnikmalariga ega boʻlish soʻraladi.

Eslatma: Xususiy ingliz tili repetitorlari, oʻquv markazlarida va asosan chet ellik aholiga xizmat koʻrsatadigan maktablarda ishlaydigan oʻqituvchilar ushbu kursda qatnasha olmaydi.

Dasturga qoʻyilgan maqbullik talablari bilan bu yerda batafsil tanishish mumkin.

Foydali tomonlari

Dastur davomida quyidagi imtiyozlarga ega boʻlish mumkin:

  • AQShning yetakchi universitetlari tomonidan tashkil etiladigan 8 haftalik onlayn kursda bepul oʻqish;
  • Akademik yozish (Academic writing), oʻquvchilar bilan ishlash va darslarni tashkil etish, TESOL metodologiyasi va boshqa koʻplab mavzular boyicha yangi bilimlarni oʻzlashtirish.

Hujjat topshirish

Qatnashish uchun:

  1. Onlayn arizani yuklab olish lozim (bu yerdan yuklab olish mumkin).
  2. TashkentEnglish@state.gov elektron manziliga Chorshanba, 20aprel, 2022-yilga qadar joʻnatish lozim.

Qoʻshimcha maʻlumotlar

Barcha savollarni TashkentEnglish@state.gov elektron manziliga “OPEN program” sarlavhasi/mavzusi ostida yuborish mumkin.

AQSh
Ingliz tili o'qituvchilari uchun Toshkentdagi Amerika elchixonasidan onlayn Professional English Network dasturi doirasida bepul kurslar

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar