Innovatsion ekologik loyiha va gʻoyalarga ega yoshlar uchun maxsus tanlovlar

Yoshlar ishlari agentligi huzuridagi “Yashil tashabbuslarni qoʻllab-quvvatlash” jamgʻarmasi yoshlar uchun 3 ta mega tanlov eʼlon qiladi:

1. “Yashil innovatsiyalar” tanlovi — innovatsion gʻoya va texnik yechimlar uchun (14–18 va 19–30 yosh toifasida).
2. “Ekologik ijtimoiy loyihalar” tanlovi — ekologiya va atrof-muhit muhofazasi yoʻnalishidagi eko-faollar uchun.
3. “Yashil tashabbuslar stipendiyasi” tanlovi — ekologiya va qishloq xoʻjaligi yoʻnalishlarida magistratura va doktorantura bosqichida tahsil olayotgan tadqiqotchilar uchun.

Tanlovlarni amalga oshirishdan asosiy maqsadlar:

• “Yashil innovatsiyalar tanlovi” bu ekologik muammolarni samarali hal qilishga qaratilgan innovatsion gʻoyalar va texnik ishlanmalarni ishlab chiqadigan iqtidorli yoshlarni aniqlash, ularning intellektual salohiyatini amalga oshirish va istiqbolli loyihalarni moliyaviy qoʻllab-quvvatlash maqsadida tashkil etilgan tanlov.
• “Ekologik ijtimoiy loyihalar” tanlovi bu jamiyatga foydali ekologik loyihalar uchun ochiq tanlov. Ekologik ilm va amaliyotni rivojlantirish, xalqaro standartlarga muvofiq ekologik taʼlim berish, hamda zamonaviy ekologik tadqiqotlar oʻtkazish uchun grant dasturi.
• “Yashil tashabbuslar stipendiyasi” tanlovi bu ekologik ilmiy izlanishlarni amalga oshirish va ularga haq toʻlash uchun moliyaviy yordam. Stipendiya ekologik muammolarni oʻrganish, tadqiq qilish va amaliy yechimlar ishlab chiqish uchun moʻljallangan.

Arizalar 2026-yil 20-yanvardan 20-fevralgacha qabul qilinadi.

Dastur haqida batafsil ushbu havola orqali maʼlumot olish mumkin.

“Yashil innovatsiyalar (Green Spark)” tanlovi uchun nomzodlarga qoʻyilgan talablar:

• 14-30 yosh oraligʻidagi Oʻzbekiston fuqarolari;
• Yakka ishtirokchilar yoki 3 nafargacha jamoalar;
• Innovatsion ekologik loyiha mualliflari.

“Yashil innovatsiyalar (Green Spark)” tanlovi uchun loyihalarga qoʻyilgan talablar:

• Loyiha ekologik muammolar yechimiga qaratilgan boʻlishi;
• Innovatsion gʻoya yoki texnik ishlanma mavjud boʻlishi;
• Ilmiy yoki texnik asoslanganlikka ega boʻlishi;
• Amaliyotga tatbiq etish imkoniyati boʻlishi;
• Gʻoya, maket yoki prototip shaklida taqdim etilishi.

“Yashil innovatsiyalar (Green Spark)” tanlovining baholash mezonlari:

• Innovatsiyalik darajasi — 20%;
• Ekologik samaradorlik — 25%;
• Texnik amalga oshirilishi — 20%;
• Iqtisodiy asoslanganlik — 15%;
• Ijtimoiy taʼsir — 15%.

“Ekologik ijtimoiy loyihalar” tanlovi uchun nomzodlarga qoʻyilgan talablar:

• NGO va nodavlat tashkilotlari;
• Volontyor guruhlar vakillari;
• Ijtimoiy faol yoshlar.

“Ekologik ijtimoiy loyihalar” tanlovi uchun loyihalarga qoʻyilgan talablar:

• Loyiha ekologiya va atrof-muhitni muhofaza qilishga qaratilgan boʻlishi;
• Loyiha amaliy jihatdan amalga oshirilishi mumkin boʻlishi;
• Loyiha Nizomda belgilangan yoʻnalishlarga mos boʻlishi;
• Hujjatlar elektron platforma orqali belgilangan muddatda topshirilishi;
• Har bir ishtirokchi har bir yoʻnalish boʻyicha faqat bitta loyiha taqdim etishi;
• Taqdim etilgan maʼlumotlar uchun ishtirokchi masʼul boʻlishi.

“Ekologik ijtimoiy loyihalar” tanlovining baholash mezonlari:

• Avval amalga oshirilgan ekologik loyihalar soni va sifati — 25%;
• Loyihaning dolzarbligi, ijtimoiy ahamiyati va natijadorligi — 30%;
• Loyihaning amaliyotga tatbiq etish imkoniyatlari — 25%;
• Ishtirokchilarning ekologik savodxonlik darajasi — 20%.

“Yashil tashabbuslar stipendiyasi” tanlovi uchun nomzodlarga qoʻyilgan talablar:

• 30 yoshdan oshmagan magistratura (2-bosqich) talabalari;
• Tayanch doktorantura (yakuniy bosqich) izlanuvchilari;
• Mustaqil tadqiqotchilar;
• Stajyor-tadqiqotchilar.

“Yashil tashabbuslar stipendiyasi” tanlovi uchun loyihalarga qoʻyilgan talablar:

• Belgilangan muddatlarda tanlovda ishtirok etish uchun ariza topshirilishi;
• Yashiltashabbus.uz elektron platformasi orqali hujjatlarning toʻliq va haqqoniy yuklanishi;
• Ekologiya va unga yaqin yoʻnalishlarda ilmiy izlanish yoki amaliy loyiha mavjud boʻlishi;
• Ilmiy yoki amaliy loyiha boʻyicha asoslantirilgan tavsif va hujjatlar taqdim etilishi;
• Taqdim etilgan maʼlumotlar va hujjatlarning haqqoniyligi uchun shaxsiy javobgarlik.

“Yashil tashabbuslar stipendiyasi” tanlovining baholash mezonlari:

• Taqdim etilgan hujjatlarning toʻliqligi va rasmiylashtirish sifati — 10%;
• Nomzodning ilmiy yoki amaliy faoliyati va erishilgan natijalari — 25%;
• Loyiha yoki tadqiqot ishining dolzarbligi va ijtimoiy ahamiyati — 20%;
• Innovatsion yondashuv va ilmiy asoslanganlik darajasi — 20%;
• Loyihaning barqarorligi va amaliyotga tatbiq etish imkoniyati — 15%;
• Nomzodning ekologiya sohasidagi faolligi va shaxsiy tashabbuslari — 10%.

Tanlovlarning respublika bosqichida gʻolib boʻlgan loyihalar moliyalashtiriladi:

• “Yashil innovatsiyalar” tanlovi uchun 106,000,000 soʻm;
• “Ekologik-ijtimoiy loyihalar” tanlovi uchun 20,600,000 soʻm miqdorida mukofot beriladi;
• “Yashil tashabbuslar stipendiyasi” tanlovi gʻoliblariga moliyaviy yordam sifatida stipendiya beriladi.

Dasturda qatnashishni istaganlar ushbu havola orqali shaxsiy hisob yaratib ariza topshirishlari mumkin.

Nomzoddan quyidagilar soʻraladi:

• Nomzod haqida qisqacha maʼlumot;
• Talabgorning koʻnikmalari haqida maʼlumot (masalan: design, Frontend, yetakchilik va hokazo);
• Til bilish koʻnikmalari haqida (ingliz, rus va oʻzbek tillari);
• Shaxsiy va aloqa maʼlumotlari;
• Yashash joyi haqida maʼlumotlar;
• Loyiha va unga oid jarayonlar haqida maʼlumotlar;
• Innovatsiya va uni amalga oshirish haqida;
• Insholar;
• Pitch video havolasi;
• Taqdimot;
• Prototip/maket rasmlari;
• Texnik hujjatlar;
• Ixtiyoriy hujjatlar.

Eslatma: Ariza topshirish muddati oʻtgandan soʻng tahrirlash imkoni boʻlmaydi.

• Ariza berish uchun oxirgi muddat: 2026-yil 20-fevral;
• Tel: +998 71 209 01 04;
• “Yashil innovatsiyalar” tanlovi nizomi bu yerda;
• “Ekologik-ijtimoiy loyihalar” tanlovi nizomi bu yerda;
• “Yashil tashabbuslar stipendiyasi” tanlovi nizomi bu yerda.

“Yashil innovatsiyalar (Green Spark)” tanlovi uchun muhim sanalar:

• Hududiy saralash bosqichi: 2026-yil 25-fevral;;
• Yakuniy bosqich: 2026-yil 10-aprel;
• Natijalar eʼloni: 2026-yil 1-may.

“Ekologik ijtimoiy loyihalar” tanlovi uchun muhim sanalar:

• Hujjatlar tekshiruvi: 2026-yil 25-fevral;
• Ekspert baholash: 2026-yil 13-mart;
• Dala tekshiruvi: 2026-yil 28-mart;
• Natijalar eʼloni: 2026-yil 28-mart.

“Yashil tashabbuslar stipendiyasi” tanlovi uchun muhim sanalar:

• Hujjatlarni saralash: 2026-yil 20-fevral;
• Suhbat/loyiha himoyasi: 2026-yil 1-aprel;
• Gʻoliblarni aniqlash va stipendiya toʻlash: 2026-yil 1-may.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Instagram.