Innovatsion gʻoyalarga ega yosh ixtirochi va dasturchilar uchun TechGenius xakatoni
-
01/11/2023 Qabul boshlanishi
-
Mukofot Moliyalash turi
-
Oʻzbekiston Davlat
-
07.11.2023 Oxirgi muddat
Umumiy maʻlumotlar
Oliy taʼlim, fan va innovatsiyalar vazirligi innovatsion gʻoyalarga ega yosh ixtirochi va dasturchilar uchun TechGenius xakatonini taqdim etadi. Dastur doirasida turli nominatsiyalar boʻyicha elektron gadjet va esdalik sovgʻalari berilishi rejalashtirilgan.
Xakatonning asosiy maqsadi uy va ofislarda energiya sarfini optimallashtirish uchun dastur ishlab chiqish, qishloq xoʻjaligi yoʻnalishida ekin kasalliklarining rivojlanish darajasini oldindan aniqlashtiruvchi dastur ishlab chiqish, tadqiqotlarni rivojlantirish va gʻoyalarni muhokama qilish uchun olimlarning hamkorlik platformasini ishlab chiqishdan iboratdir.
Ushbu xakaton oflayn shaklda, joriy yilning 10-12-noyabr kunlari boʻlib oʻtadi. Shuningdek, xakatonlarni tashkil etish, biznes-inkubatorlar va startap-akseleratorlarni ishga tushirish boʻyicha ishlab chiqilgan qoʻllanma va uslubiy materiallar loyihalari boʻyicha taqdimot 8-noyabr kuni oʻtkaziladi.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturda ishlab chiqaruvchilar, texnologiya ixlosmandlari, dizaynerlar, startap asoschilari, fan, qishloq xoʻjaligi, energetika sohalari mutaxassislari, kodlash yoki dizaynga qiziquvchi talabalar ishtirok etishlari mumkin;
- Nomzodlar 18 yoshga toʻlgan boʻlishi shart;
- Rus tili/ingliz tilini dasturda qatnashish darajasida bilish lozim;
- Jamoalar 2 yoki 5 nafargacha boʻlgan ishtirokchilardan tuzilishi kerak;
- Ishtirokchilar yangi mahsulotlarning prototiplarini 48 soat davomida yaratishlari lozim.
Eslatma: Dasturning asosiy tili rus tili hisoblanadi, lekin ishtirokchilar oʻzlariga qulay boʻlgan tilda (rus, oʻzbek yoki ingliz tillarida) oʻz yechimlarini tayyorlashi va taqdim etishlari mumkin. Boshqa ishtirokchilar bilan muloqot qilish uchun rus va/yoki ingliz tilini bilish tavsiya etiladi.
Foydali tomonlari
- Dasturda bepul qatnashish mumkin;
- Quyidagi nominatsiyalar boʻyicha har bir jamoa aʼzosi uchun elektron gadjet beriladi:
- “Eng yaxshi taqdimot” nominatsiyasi;
- “Eng yaxshi texnik dastur” nominatsiyasi;
- “Eng yaxshi biznes modeli” nominatsiyasi.
- “Eng yaxshi mem” nominatsiyasi uchun har bir jamoa aʼzosi esdalik sovgʻalari bilan taqdirlanadi;
- Soha boʻyicha yanada rivojlanish, mutaxassislar bilan birgalikda malaka oshirish, kelajakdagi hamkorlar yoki qiziqishlari oʻxshash mutaxassislar bilan fikr almashish mumkin.
Muhim: Bundan tashqari yana bir qancha nominatsiyalar boʻyicha ham ishtirokchilarga tegishli sovgʻalar beriladi.
Qoʻshimcha maʻlumotlar
- Dasturga hujjat topshirish uchun oxirgi muddat: 7-noyabr, 2023-yil;
- Takroran soʻraladigan savollarga javob bu yerda;
- Dastur boʻyicha qoʻshimcha savollar bilan Telegram guruhiga murojaat qilish mumkin.