Innovatsion hududlar kesimida hududning muammolari yechimiga qaratilgan startap loyihalar ochiq tanlovi
-
08/07/2023 Qabul boshlanishi
-
Grant Moliyalash turi
-
Oʻzbekiston Davlat
-
30/12/2023 16:57 Oxirgi muddat
Umumiy maʻlumotlar
Innovatsion hududlar kesimida hududning muammolari yechimiga qaratilgan startap loyihalar ochiq tanlovi Oʻzbekiston Respublikasi Vazirlar Mahkamasining 2020-yil 9-martdagi “Ilmiy-tadqiqot va innovatsion faoliyatni rivojlantirishning normativ-huquqiy bazasini yanada takomillashtirish chora-tadbirlari toʻgʻrisida” 133-son qarori bilan tasdiqlangan “Startap” loyihalarni tasdiqlash, moliyalashtirish va amalga oshirish tartibi toʻgʻrisida” nizomda belgilangan talablarga muvofiq oʻtkaziladi.
Tanlovda ishlab chiqarish va xizmat koʻrsatishga yoʻnaltirilgan keng koʻlamdagi biznes-loyihalarni yaratish va amalga oshirishga qaratilgan arizalar qabul qilinadi. Ular innovatsiyalar va texnologiyalarga asoslanishi shart.
Gʻolib deb topilgan startap loyihani amalga oshirish uchun agentlik tomonidan har bir innovatsion hudud uchun 2 mlrd soʻmgacha miqdorda mablagʻ ajratiladi.
Tanlov haqida batafsil maʼlumotni ushbu havola orqali olish mumkin.
Maqbullik shartlari
- Tanlovda ishtirok etish uchun startap loyiha tashabbuskori (korxona) – startap loyihani amalga oshirishda agentlikdan soʻralgan mablagʻning eng kamida 30% miqdorida oʻz hisobidan mablagʻ kiritishi kerak;
- Yuridik va jismoniy shaxslar qatnashishi mumkin;
- Startap loyihani shakllantirishda hududning drayver sohasi doirasida shakllantirilgan boʻlishi lozim;
- Qoraqalpogʻiston Respublikasi, viloyatlar va Toshkent shahrida innovatsion hududga aylantirilayotgan tuman (shahar)lar hokimining innovatsion rivojlanish masalalari boʻyicha oʻrinbosarining tavsiyanomasi olingan boʻlishi kerak;
- Tanlovda faqat keltirilgan innovatsion hududlardagi innovatsion faoliyat subyektlari ishtirok eta oladi;
- 1 ta ishtirokchi 1 ta loyiha bilan ishtirok etishi mumkin;
- Startap loyihalar asosida maket va (yoki) prototip, dasturiy mahsulot, xizmatlar va ijtimoiy mahsulotlar yaratishning eng koʻp muddati 1 yildan oshmasligi lozim.
Loyihani amalga oshirishda quyidagi omillarni inobatga olish tavsiya etiladi:
- Atrof-muhitga zarar yetkazmaydigan va ekologik toza texnologiyalar;
- Qayta tiklanuvchi energiya manbalaridan foydalanish;
- Yashil texnologiyalarga asoslanganlik;
- Inson salomatligiga zarar yetkazmaslik;
- Umuminsoniy va milliy qadriyatlarga mos kelish;
- Texnologiyalarning barqaror rivojlanish omillariga mos kelishi.
Muvofiqlik talablari haqida batafsil maʼlumotni ushbu havola orqali bilib olish mumkin.
Foydali tomonlari
- Tanlovda qatnashish bepul;
- Gʻolib deb topilgan startap loyihani amalga oshirish uchun agentlik tomonidan har bir innovatsion hudud uchun 2 mlrd soʻmgacha boʻlgan miqdorda mablagʻ ajratiladi.
Tanlovning foydali jihatlari haqida batafsil ushbu havola orqali bilib olish mumkin.
Qoʻshimcha maʻlumotlar
- Taqdim etilgan loyihalar tanlov talablariga qatʼiy rioya qilinganligi, loyiha materiallarining ishonchliligi va haqqoniyligi, koʻchirmachilikka (plagiat) yoʻl qoʻyilmaganligi, talablar asosida shakllantirilganligi, shuningdek startap loyiha yakunida qoʻlga kiritiladigan muhim natijalarning tadqiqot dizayniga muvofiq toʻliq asoslanganligi va soʻralgan mablagʻlarning tanlov shartlarida keltirilgan moliyalashtirish hajmiga muvofiq toʻgʻri hisob-kitob qilinganligi boʻyicha dastlabki texnik ekspertizadan oʻtkaziladi.
- Dastlabki texnik ekspertizadan oʻtmagan loyihalar tanlovning keyingi bosqichiga tavsiya etilmaydi!
Quyidagi hollarda taqdim etilgan loyihalar tanlovda ishtirok etish uchun tavsiya etilmasligi mumkin.
- Taqdim etilgan startap loyihaning belgilangan innovatsion hududda amalga oshirilishi koʻrsatilmaganligi;
- Startap loyihani shakllantirishda hududning drayver sohasi doirasida shakllantirilmaganligi;
- Startap loyiha mazmunan innovatsion xususiyatga ega emasligi;
- Startap loyihaning maqsad va vazifalari yoritib berilmaganligi;
- Startap loyihada taqdim etilgan muammoning yechimi mavjud emasligi;
- Taqdim etilgan loyihalar avval ushbu tanlovda gʻolib boʻlmaganligi;
- Startap loyihalarni amalga oshirish uchun ajratilgan mablagʻlarni binolarni rekonstruksiya qilish va taʼmirlash-qurilish ishlariga, shuningdek avtotransport vositalarini xarid qilishga sarflanganligi.
Tanlovda qatnashish bilan bogʻliq qoʻshimcha savol va takliflar uchun +998-71-203-32-23 (ichki raqam: 216) raqamiga qoʻngʻiroq qilish mumkin.