Innovatsion startap loyihasiga ega yoshlar uchun yozgi oromgoh — HackUnicorn Summer Camp. $5,000 gacha investitsiya yutish imkoniyati!

Yoshlar ishlari agentligi va Yoshlar Ventures hamkorligida 18 yoshdan 30 yoshgacha boʻlganlar uchun eksklyuziv yozgi oromgoh — HackUnicorn Summer Camp 2025 taqdim etiladi.

Oromgoh davomida startaplarni MVPʼdan business modelgacha olib chiqish boʻyicha Silicon Valley va Y-Combinatordan maxsus spikerlar tomonidan mahorat darslari olib boriladi. Oxirgi taqdimot vaqtida ishtirokchilar eng yaxshi loyihalar uchun investitsiya yutish imkoniga ham ega boʻladilar.

Dasturda quyidagi yoʻnalishlar boʻyicha loyihalar qabul qilinadi:

• AI / Machine Learning;
• Cyber Security;
• SaaS (Software as a Service);
• EdTech.

Oromgoh 2025-yil 31-iyulidan 5-avgustigacha Boʻstonliq tumanining Yoshlar oromgohida boʻlib oʻtadi.

Dastur haqida batafsil ushbu havola orqali maʼlumot olish mumkin.

• 18-30 yosh oraligʻidagi yoshlar qatnashishi mumkin;
• Kamida MVP darajadagi (dastlabki versiya) startap loyihasiga ega boʻlish kerak;
• 2 kishilik jamoa shaklida ariza topshirish talab qilinadi.

• Startaplarni MVPʼdan business modelgacha olib chiqish boʻyicha professional mentorlar tomonidan mahorat darslari olib boriladi;
• Eng yaxshi loyiha egalari $5,000 gacha investitsiya va 6 oylik mentorlik kursi sohibi boʻladi;
• Maxsus mehmonlar, investorlar va soha mutaxassislari bilan uchrashuvlar oʻtkaziladi.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Startap haqida maʼlumotlar;
• 2 ta ishtirokchi haqida maʼlumotlar;
• CV.

Muhim: Muddatida oʻtib topshirilgan arizalar qabul qilinmaydi.

• Dasturga hujjat topshirish uchun oxirgi muddat: 20-iyul, 2025-yil.

Qoʻshimcha maʼlumotlar bilan quyidagi ijtimoiy tarmoqlar orqali maʼlumot olish mumkin:

• Telegram;
• Instagram.