“Innovatsion va yuqori texnologiyalar bozorini kengaytirishga qaratilgan startap loyihalar” tanlovi

Mazkur tanlov Oʻzbekiston Respublikasi Prezidentining 2022-yil 6-iyuldagi “2022-2026-yillarda Oʻzbekiston Respublikasining innovatsion rivojlanish strategiyasini amalga oshirish boʻyicha tashkiliy chora-tadbirlar toʻgʻrisida”PQ-307-son qarori 2-ilovasi hamda Vazirlar Mahkamasining 2020-yil 9-martdagi “Ilmiy-tadqiqot va innovatsion faoliyatni rivojlantirishning normativ-huquqiy bazasini yanada takomillashtirish chora-tadbirlari toʻgʻrisida” 133-son qarorida belgilangan talablarga muvofiq oʻtkaziladi. Ishtirokchilarning loyihasi hududlar kesimida Oʻzbekiston Respublikasi Prezidentining 2022-yil 6-iyuldagi “2022-2026-yillarda Oʻzbekiston Respublikasining innovatsion rivojlanish strategiyasini amalga oshirish boʻyicha tashkiliy chora-tadbirlar toʻgʻrisida” PQ-307-son qarori 2-ilovasida koʻrsatilgan startap mavzular asosida loyihani shakllantirish lozim. Dasturga 1 ta ishtirokchi 1 ta startap loyiha bilan ishtirok etadi.

Arizalarni qabul qilish jarayoni 2023-yil 5-iyundan 2023-yil 5-iyulgacha davom etadi. Gʻolib boʻlganlarning loyihalariga alohida mablagʻ ajratilib, uni amalga oshirish uchun sharoit yaratib beriladi.

Dastur haqida ushbu havola orqali batafsil maʼlumot olish mumkin. 

Dasturda ishtirok etish uchun quyidagi talablar mavjud:

• Hududlar kesimida Oʻzbekiston Respublikasi Prezidentining 2022-yil 6-iyuldagi “2022-2026-yillarda Oʻzbekiston Respublikasining innovatsion rivojlanish strategiyasini amalga oshirish boʻyicha tashkiliy chora-tadbirlar toʻgʻrisida” PQ-307-son qarori 2-ilovasida koʻrsatilgan startap mavzular asosida loyihani shakllantirish lozim;
• Arizalar 2023-yil 5-iyundan 2023-yil 5-iyulgacha qabul qilinadi;
• 1 ta ishtirokchi 1 ta startap loyiha bilan ishtirok etadi;
• Startap loyihalar asosida dasturiy mahsulot, xizmatlar va ijtimoiy mahsulotlar yaratishning eng koʻp muddati 1 yildan oshmasligi lozim.

Qoʻyidagi hollarda taqdim etilgan loyihalar tanlovda ishtirok etish uchun tavsiya etilmasligi mumkin:

• Startap loyiha PQ-307-son qarori 2-ilovasida belgilangan hududlar
  va mavzular asosida shakllantirilmaganligi;
• Startap loyiha mazmunan innovatsion xususiyatga ega emasligi;
• Startap loyihaning maqsad va vazifalari yoritib berilmaganligi;
• Startap loyihalarni amalga oshirish uchun ajratilgan mablagʻni binolarni rekonstruksiya qilish va taʼmirlash-qurilish ishlariga, shuningdek, avtotransport vositalarini xarid qilishga sarflansa. 

Eslatma! Taqdim etilgan startap loyihalardagi maʼlumotlarning haqqoniyligi va ishonchliligi hamda tanlov gʻoliblari tomonidan startap loyihalarning natijadorligi, tanlov dasturlari vazifalarida belgilangan, kutilayotgan natijalarni toʻla va oʻz vaqtida sifatli bajarilishiga startap loyiha rahbarlari, mazkur loyihani bajaruvchi tashkilot rahbarlari javobgar hisoblanadilar.

Dastur talablari haqida ushbu havola orqali toʻliq maʼlumot olish mumkin. 

• Gʻolib boʻlganlarning loyihalariga alohida mablagʻ ajratilib, uni amalga oshirish uchun sharoit yaratib beriladi;
• Shuningdek, tanlov doirasida ishtirokchilar tajribalarini oshirish va turli innovatsion loyihalar bilan tanishish imkonini qoʻlga kiritishadi. 

Dasturga ariza topshirish jarayoni quyidagicha:

1. Arizalar 2023-yil 5-iyundan 2023-yil 5-iyulgacha qabul qilinadi;
2. Tanlovga arizalar tomonlar oʻrtasida kelishilgan holda, mos ravishda taqdim qilinishi shart. Bunda quyidagi hujjatlar asl nusxalari PDF shaklida ushbu havolaga yuborilishi lozim;

• Ariza topshirish jarayonida quyidagilar talab qilinadi:

-Startap loyiha muallifi tomonidan imzolangan ariza;
-Startap loyiha pasporti;
-Xarajatlar smetasi;
-Startap loyiha biznes matni (imzo va muhr qoʻyilgan holda).

Eslatma! Taqdim etilgan loyihalar tanlov talablariga qatʼiy rioya qilinganligi, loyiha materiallarining ishonchliligi va haqqoniyligi, koʻchirmachilikka (plagiat) yoʻl qoʻyilmaganligi, talablar asosida shakllantirilganligi, shuningdek, startap loyiha yakunida qoʻlga kiritiladigan muhim natijalarning tadqiqot dizayniga muvofiq toʻliq asoslanganligi va soʻralgan mablagʻlarning tanlov shartlarida keltirilgan moliyalashtirish hajmiga muvofiq toʻgʻri hisob-kitob qilinganligi boʻyicha dastlabki texnik ekspertizadan oʻtkaziladi.

Gʻoliblarni saralash jarayonida quyidagilar inobatga olinadi: 

• Loyihaning innovatsionligi – respublikada avval qoʻllanilmagan yangi texnologiyalar va/yoki jarayonni tashkillashtirish tamoyillaridan foydalanish darajasi. Bunda loyiha respublikada avval ishlab chiqarilmagan yangi mahsulot (intellektual mulk obyekti mavjud boʻlganda) ishlab chiqarish, yangi xizmat yaratishni koʻzda tutadi;
• Loyihaning texnik jihatdan mukammalligi, shu jumladan yakunlanganlik darajasi; 
• Muhofaza qiluvchi hujjatlar mavjudligi – patent yoki patentga ariza, ilmiy-texnik hujjatlarning toʻliq komplekti va/yoki koʻzda tutiladigan mahsulot (texnologiya)ning texnik reglamenti, sinov dalolatnomalari, mahsulot namunasining mavjudligi;
• Loyihaning investitsion jozibadorligi – qoʻshimcha foyda keltirib, kiritilgan mablagʻlar tavakkalchiligini kamaytiradigan qulay investitsion va innovatsion shart-sharoitlar majmuidir. Loyihaning investitsion jozibadorligi uning mamlakat taraqqiyotining uzoq muddatli istiqbollariga muvofiqligi, loyihaning qiymati, tavakkalchiliklarning hisobga olinishi, oʻzini-oʻzi qoplashi va rentabelligi bilan belgilanadi;
• Loyihani moliyaviy rejalashtirish – loyiha moliyaviy taʼminotining rejalashtirilayotgan ishlarga muvofiqligi va xarajatlar smetasining asoslanganligidir;
• Marketing rejasi – loyihani amalga oshirish strategiyasi, bozor hajmi, maqsadli auditoriya, aloqalar/sotuvlarning asosiy kanallari, raqobat muhiti
  va h.k.
• Loyihani amalga oshirishdan kutilayotgan natijalar – ajratiladigan mablagʻlardan samarali foydalanish, amalga oshiriladigan tadbirlarni bajarish sifati va muddatlari, import oʻrnini bosuvchi va eksportga yoʻnaltirilgan ilmiy asos talab qiladigan mahsulot ishlab chiqarishni tashkillashtirish.

Eslatma! Oʻzbekiston Respublikasi Innovatsion rivojlanish agentligining tanlov gʻoliblari borasidagi qarori qatʼiy va qayta koʻrib chiqilmaydi!

Dasturga joʻnatiladigan hujjatlar roʻyxatini ushbu havola orqali topish mumkin.

Tanlovga ushbu havola orqali roʻyxatdan oʻtish mumkin.  

Startap loyihalarni elektron ro‘yxatdan o‘tkazish bilan bog‘liq texnik masalalar bo‘yicha Innovatsion rivojlanish agentligining texnik jihatdan qo‘llab-quvvatlash xizmati: +998-71-203-32-23 (ichki raqam: 218, 216).

Ma'lumot uchun:

-Manzil: 100174, Toshkent sh., Olmazor tumani., Universitet ko‘chasi., 7-uy "Beruniy" metro bekati, 11, 28, 31, 78, 88, 116 yo‘nalishli avtobuslarning "Beruniy" bekati;

-Tel: +998 (71) 203-32-23 (ichki raqam: 218, 216);

Ishonch tel: +998 (71) 203-32-31;

-Faks: +998 (71) 203-32-23;

-E-mail: info@mininnovation.uz;

Ish kunlari: Du-Ju: 9:00 - 18:00.

Dastur haqida qo'shimcha ma'lumotlarni quyidagi ijtimoiy tarmoqlar orqali topish mumkin:

-facebook;

-instagram;

-telegram;

-you tube.