Innovatsiya rivojlanish vazirligi tomonidan Orol dengizi boʻyicha muammolarga yechim topishga bagʻishlangan amaliy va innovatsion loyihalar milliy tanlovi
  • 10/03/2022 Qabul boshlanishi
  • Bepul ta'lim Moliyalash turi
  • Oʻzbekiston Davlat
  • 15/04/2022 20:00 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Rus tili, O'zbek tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Oʻzbekiston Respublikasi Innovatsion rivojlanish vazirligi Orol dengizining qurigan tubidagi yerlardan foydalanish samaradorligini oshirish, suvni tejash hamda tuzni kamaytirish muammolarining ilmiy yechimini taʼminlashga mavjud ilmiy-innovatsion salohiyatni jalb etish maqsadida amaliy va innovatsion loyihalar milliy tanlovini eʼlon qiladi.

Tanlovning asosiy maqsadi – Orol muammosining salbiy taʼsirini kamaytirish asosida mintaqa aholisi turmush sharoiti va sifatini yaxshilash, Orol dengizining qurigan tubi tuproq-iqlim sharoitiga moslashtirilgan urugʻ zaxirasi mavjud boʻlgan tayyor oʻsimliklar yoki ekin turlari mavjud boʻlgan navlar ekilgan maydonlarini kengaytirish, hududda yerdan foydalanish samaradorligini oshirish, tuproq tarkibidagi tuzni kamaytirish va Orol tubida chorvachilikni rivojlantirish muammolarining ilmiy yechimini taʼminlashga qaratilgan samarador yangi texnologiyalar, innovatsion usul va vositalarga asoslangan eng yaxshi amaliy yechimlarni tanlab olishdan iborat.

Tanlovga taqdim etiladigan ilmiy-tadqiqot ishlariga davlat buyurtmasi talablari doirasida bajariladigan amaliy va innovatsion loyihalar 4 amaliy yoʻnalishlarda ishlab chiqilishi lozim. Saralangan loyihalar moliyalashtirilishi uchun 1,0 mlrd soʻmgacha grant mablagʻi ajratiladi.

Maqbullik shartlari

  • Ushbu tanlovda Orol dengizi muammolarini hal etishga qaratilgan loyihaga ega boʻlgan barcha ishtirok etishi mumkin.

Tanlovga taqdim etiladigan ilmiy-tadqiqot ishlariga davlat buyurtmasi talablari doirasida bajariladigan amaliy va innovatsion loyihalar quyidagi 4 amaliy yoʻnalishlarda ishlab chiqilishi lozim:

  • 1-yoʻnalish: Orol dengizining qurigan tubining ekologik, tuproq-iqlim sharoitlariga moslashgan hayvon zotlari, urugʻ zaxirasi mavjud boʻlgan tayyor oʻsimliklar yoki ekin turlari mavjud boʻlgan navlarni hudud tuprogʻining shoʻrlanganlik darajasi va maqbul biologik muhit talablariga mos tarzda ilmiy asosda joriy etish va manfaatdorlikni asoslab berish. Quyidagi yoʻnalishlar boʻyicha boʻlib oʻtadi:
    • “Qishloq xoʻjaligi va atrof-muhitni muhofaza qilish fanlari” yoʻnalishi boʻyicha;
    • “Biologiya fanlari” yoʻnalishi boʻyicha:
  • 2-yoʻnalish: biotexnologik usullar va genom texnologiyalar asosida hududning ekologik, tuproq-iqlim sharoitlariga moslashtirilgan oʻsimliklarning yangi mahalliy va xorijiy turlari va navlarini Orol dengizining qurigan tubi yerlariga ekish va kengaytirish orqali chorvachilik va oziq-ovqat xavfsizligini taʼminlashni amaliyotda koʻrsatib berish.
  • Quyidagi yoʻnalishlar boʻyicha boʻlib oʻtadi:
    • “Biotexnologiyalar” yoʻnalishi boʻyicha;
    • “Oʻrmon xoʻjaligi, tuproqshunoslik va oʻsimliklarni himoya qilish fanlari” yoʻnalishi boʻyicha.
  • 3-yoʻnalish: Orolboʻyi hududida qishloq xoʻjaligi ekinlarini qayta joylashtirish va ekishni tashkil etishning zamonaviy usul va agrotexnologiyalarini joriy etish. Quyidagi yoʻnalishlar boʻyicha boʻlib oʻtadi:
    • “Qishloq xoʻjaligi va atrof-muhitni muhofaza qilish fanlari” yoʻnalishi boʻyicha;
    • “Oʻrmon xoʻjaligi, tuproqshunoslik va oʻsimliklarni himoya qilish fanlari” yoʻnalishi boʻyicha.
  • 4-yoʻnalish: Orol dengizining qurigan tubining oʻsimliklar qoplamini chuqur tadqiq etish asosida kamyob va endem oʻsimlik turlarini hamda shakllangan noyob oʻsimlik jamoalarini saqlab qolishning ilmiy asoslarini ishlab chiqish. Bunda faqat “Biologiya fanlari” yoʻnalishi boʻyicha ishtirok etish mumkin.

Dastur talab va shartlari bilan batafsil ushbu havola orqali tanishish mumkin.

Foydali tomonlari

Tanlov gʻoliblari loyihalari quyidagicha moliyalashtiriladi:

  • 1-yoʻnalish boʻyicha bir yilga moʻljallangan 20 ta innovatsion loyihaning har biriga (yoki mavjud/tayyor texnologiya (ishlanmani) joriy etishni (hududga moslashtirishni) va mahsuldorlikni koʻrsatib berishni nazarda tutuvchi ilmiy ishlanmaga 1,0 mlrd soʻmgacha grant mablagʻi ajratiladi;
  • 2-yoʻnalish boʻyicha bajarilishi 1 (bir) yilgacha moʻljallangan 5 ta amaliy loyihaning har biriga 1,0 mlrd soʻmgacha grant mablagʻi ajratiladi;
  • 3-yoʻnalish boʻyicha bajarilishi 1 (bir) yilgacha moʻljallangan 10 ta innovatsion loyihaning har biriga davlat byudjetidan 1,0 mlrd soʻmgacha grant mablagʻi ajratiladi.
  • 4-yoʻnalish boʻyicha bajarilishi 2 (ikki) yilgacha moʻljallangan 10 ta amaliy loyihaning har biriga davlat byudjetidan 1,0 mlrd soʻmgacha grant mablagʻi ajratiladi.

Tanlov manfaatli jihatlari boʻyicha batafsil ushbu havola orqali maʼlumot olish mumkin.

Hujjat topshirish

Tanlovga taqdim etiladigan Davlat ilmiy dasturlarining yagona intellektual elektron platformasi – grant.mininnovation.uz orqali 2022-yilning 15-apreliga qadar faqat elektron shaklda qabul qilinadi.

Ilmiy loyiha hujjatlarini grant.mininnovation.uz elektron platformasi orqali roʻyxatdan oʻtkazish jarayonida quyidagi hujjatlar asl nusxalarining pdf/doc shakli elektron platformaga yuklanishi lozim:

  • ijrochi tashkilotning rahbari tomonidan imzolangan yoʻllanma xat (pdf);
  • ijrochi tashkilotning ilmiy (ilmiy-texnik) kengashi qaroridan koʻchirma( pdf);
  • amaliy yoki innovatsion loyiha matni (imzo va muhr qoʻyilgan holda pdf vа .doc/docx).

Tanlov hujjatlari bilan ushbu havola orqali tanishish mumkin.

Qoʻshimcha maʻlumotlar

Taqdim etilgan loyihalar tanlov talablariga qatʼiy rioya qilinganligi, loyiha materiallarining toʻliqligi, ishonchliligi va haqqoniyligi, koʻchirmachilikka (plagiatga) yoʻl qoʻyilmaganligi, belgilangan talablar asosida shakllantirilganligi, shuningdek loyiha yakunida qoʻlga kiritiladigan muhim ilmiy natijalarning tadqiqot dizayniga muvofiq toʻliq asoslanganligi va soʻralgan mablagʻlarning toʻgʻri hisob-kitob qilinganligi/asoslanganligi, shuningdek, tanlovga taqdim etilgan loyihalarni amalga oshirish muddatlarining tanlov shartlariga mosligi boʻyicha dastlabki texnik ekspertizadan oʻtkaziladi.

Dastlabki texnik ekspertizadan oʻtmagan loyihalar tanlovning keyingi bosqichiga tavsiya etilmaydi.

Oʻzbekiston Respublikasi Prezidentining 2018-yil 18-iyuldagi PQ-3855-son qaroriga muvofiq, ilmiy faoliyatga oid davlat dasturlari doirasida bajarilgan amaliy va innovatsion tadqiqotlar natijalari ular yakunlanganidan soʻng toʻliq tijoratlashtirilishi shart.

Taqdim etilgan loyihalardagi maʼlumotlarning toʻliqligi, haqqoniyligi va ishonchliligi hamda ilmiy loyihalarning natijadorligi, tijoratlashtirish salohiyati, loyihada rejalashtirilgan ilmiy-tadqiqotlarni toʻla va oʻz vaqtida sifatli bajarilishiga ilmiy loyiha rahbarlari, ilmiy loyihani bajaruvchi ijrochi tashkilot rahbarlari va tegishli yuqori turuvchi tashkilotlarning masʼul xodimlari javobgar hisoblanadilar.

Tanlovga taqdim etiladigan loyihani amalga oshirish uchun soʻralayotgan umumiy moliyalashtirish hajmini (5-shakl) hisoblashda Innovatsion rivojlanish vazirligi tomonidan ushbu havolaga joylashtirilgan hisob-kitob shaklidan foydalanish tavsiya etiladi.

Eslatma: Tanlovga taqdim etilgan loyihalarning koʻrib chiqish natijalari toʻgʻrisidagi maʼlumotlar grant.mininnovation.uz elektron platformasining “Tanlovlar natijalarni aniqlash boʻyicha interfaol xizmat” sahifasi, shuningdek www.mininnovation.uz veb-saytidagi “Tanlovlar” ruknining “Tanlov natijalari” interaktiv xizmati orqali taqdim etib boriladi.

Ilmiy loyihalarni grant.mininnovation.uz elektron platformasi orqali elektron roʻyxatdan oʻtkazish bilan bogʻliq texnik masalalar boʻyicha Innovatsion rivojlanish vazirligining texnik jihatdan qoʻllab-quvvatlash xizmati: +998-71-203-32-32.

Oʻzbekiston
Innovatsiya rivojlanish vazirligi tomonidan Orol dengizi boʻyicha muammolarga yechim topishga bagʻishlangan amaliy va innovatsion loyihalar milliy tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar