International Eco-Hero Awards — 8-16 yosh orasidagi tashabbuskor yoshlarning ekologik loyihalari bo'yicha xalqaro tanlov

International Eco-Hero Awards 2025 — bu yosh ekologlarning tabiatni asrash uchun qilgan saʼy-harakatlarini eʼtirof etish maqsadida tashkil etiladigan tanlov.

2003-yildan buyon har yili AQShda joylashgan notijorat tashkilot — Action For Nature (AFN) dunyodagi ogʻir ekologik muammolarni hal qilish uchun harakat qilayotgan yoshlarni jamoatchilikka tanishtirish va mukofotlash uchun xalqaro miqyosda tanlov oʻtkazadi.

Tanlovda dunyo boʻylab 8-16 yosh orasidagi oʻz tashabbusi bilan ekologik loyihalarni amalga oshirgan yoshlar ishtirok etishi mumkin.

Avvalgi tanlov gʻoliblari va ularning loyihalari haqida ushbu havola orqali tanishib chiqish mumkin. Shuningdek, tabiatni asrash va ekologik muammolarni hal qilishda oʻzining individual hissasini qoʻshmoqchi boʻlgan yoshlar Action For Nature resurslaridan qoʻllanma sifatida foydalanishi mumkin.

Tanlov haqida batafsil rasmiy sayt orqali maʼlumot olish mumkin.

Tanlovda ishtirok etish talablari:

• Loyiha atrof-muhit salomatligi, targʻibot, tabiatga oid tadqiqot yoki tabiatni muhofaza qilish bilan bogʻliq boʻlishi lozim.
• Loyiha harakatga asoslangan va nomzodning oʻz tashabbusi bilan amalga oshirilgan boʻlishi lozim.
• Loyiha kamida 6 oy davom etishi va oʻtgan yil ichida yakunlangan yoki yakunlanish arafasida boʻlishi kerak.
• Agar loyiha ixtiro boʻlsa, ariza berishdan oldin baʼzi sinovlar oʻtkazilishi kerak.
• Nomzodlar ariza topshirilgan 2025-yil 28-fevraligacha 8-16 yosh orasida boʻlishi kerak.
• Uy hayvonlari yoki fermalarda saqlanadigan hayvonlar bilan bogʻliq loyihalar, insholar qabul qilinmaydi.
• Faqat ingliz tilidagi arizalar qabul qilinadi.

Tanlov talablari haqida batafsil rasmiy sayt orqali tanishib chiqish mumkin.

Mukofotning imtiyozli jihatlari:

• Pul mukofoti — $1,000 gacha;
• OAV orqali press-reliz va jamoatchilik eʼtirofi;
• Maxsus sertifikat;
• Eco-Hero Alumni guruhiga qoʻshilish imkoniyati.

Tanlovda ishtirok etish uchun onlayn ariza formasini toʻldirish lozim.

Onlayn arizada nomzodlar savollarga javob berish orqali oʻz loyihasini toʻliq yoritib berishi lozim:

• oʻz loyihasi tarixi va muhimligi;
• avvalgi va hozirgi faoliyati;
• kelajakdagi rejalari haqida batafsil maʼlumot.

Arizalar bir nechta mezonlar boʻyicha baholanadi, jumladan:

• gʻoyaning originalligi;
• qiyinchiliklar;
• tashkil etish;
• loyihaga ajratilgan vaqt;
• boshqalarga taʼsir qilish/taʼlim berish;
• tashqi resurslardan foydalanish(masalan, kutubxona, ekspertlar, ommaviy axborot vositalari, jamoat rahbarlari);
• maqsadlarga erishishda muvaffaqiyat darajasi;
• atrof-muhitga taʼsiri va boshqalar.

2 yildan oshiq vaqt davom etgan/yoki davom etayotgan loyihalarga ustunlik beriladi.

Loyihaga hujjat topshirish boʻyicha batafsil ushbu havola orqali maʼlumot olish mumkin

Qoʻshimcha savol va murojaatlar uchun: mail@actionfornature.org.