Iqtidorli talabalar va yosh mutaxassislar uchun Germaniyada xarajatlari qoplanadigan yozgi oromgoh — Innovation Cup 2025

Merck kompaniyasi tomonidan iqtidorli PhD talabalari uchun Germaniyada xarajatlari qoplanadigan 1 haftalik yozgi oromgoh — Innovation Cup 2026 taqdim etiladi. Dastur uchun jami 42 nafar xalqaro talaba saralab olinadi.

Dasturdan maqsad ishtirokchilarga butun dunyo boʻylab eng yaxshi talabalar bilan aloqa oʻrnatish, mijozlarning qondirilmagan ehtiyojlari uchun yangi innovatsion gʻoyalarni ishlab chiqish uchun jamoalarda ishlash va tajribali mutaxassislar koʻmagida biznes ishini qurish imkoniyatini taqdim etishdan iborat.

Dasturda quyidagi yoʻnalishlar boʻyicha qatnashish mumkin:

• Oncology;
• Neuroscience & Immunology;
• Drug discovery;
• Green Chemistry;
• Digital Health;
• Smart manufacturing;
• Neuro-inspired AI inference acceleration.

Yozgi oromgoh 2026-yilning 8-14-avgust kunlari Germaniyaning Frankfurt shahri yaqinida boʻlib oʻtkazilishi rejalashtirilgan. Dasturning birinchi kunida avvalgi dastur bitiruvchilari bilan konferensiya tashkil etiladi.

Dastur haqida batafsil ushbu havola orqali maʼlumot olish mumkin.

• Dasturda hayot fanlari boʻyicha (biologiya, tibbiyot, biotexnologiya, bioinformatika, informatika, maʼlumotlar fani, biokimyo, kimyo, farmatsevtika, muhandislik yoki tegishli sohalar) oʻqiyotgan magistratura va PhD talabalari hamda yosh mutaxassislar qatnashishi mumkin;
• Yetakchi MBA talabalari yoki farmatsevtika biznesiga qiziqqan va hayot fanlari boʻyicha maʼlumotga ega MBA bitiruvchilari ham ishtirok etishi mumkin;
• Ingliz tilini dasturda qatnashish darajasida bilish lozim;
• Belgilangan sohalarda yangi gʻoyalarni yaratish talab qilinadi.

Muhim: Dasturda sogʻliqni saqlash sohasi mutaxassislari ishtirok etishi mumkin emas!

• Dasturda bepul qatnashish mumkin;
• Barcha sayohat, turar joy va oziq-ovqat xarajatlari qoplanadi;
• Dastur davomida tashkil qilingan tanlovda gʻolib jamoa uchun 20,000 yevro, 2-oʻrin uchun 5,000 yevro va 3-oʻrin uchun 3,000 yevro miqdorida pul mukofoti beriladi;
• Tanlangan eng yaxshi ishtirokchilar Merck kompaniyasida doimiy ishga joylashish uchun taklif olishi mumkin;
• Tarmoq oʻrnatish va kasbiy rivojlanishni oshirish uchun ajoyib imkoniyat.

Dasturning foydali tomonlari haqida ushbu flayer orqali maʼlumot olish mumkin.

Dasturda qatnashmoqchi boʻlganlar ushbu havola orqali ariza topshirishlari mumkin.

Hujjat topshirish quyidagi bosqichlarda amalga oshiriladi:

• 1-bosqichda CV va biriktirilgan xat (cover letter) yuklanadi hamda oʻziga mos jamoa tanlanadi.
• 2-bosqichda ariza topshirgandan keyingi bosqichlar haqida xabar yuboriladi;
• 3-bosqichda ishtirokchilar oʻz gʻoyalarini topshiradilar.
• 4-bosqichda barcha nomzodlar saralanadi.

Eslatma: Bir nechta jamoaga ariza topshirishga ruxsat beriladi.

Muhim sanalar:

• Dasturga hujjat topshirish uchun oxirgi muddat: 31-yanvar, 2026-yil;
• Ariza topshirgandan keyingi bosqichlar haqida 2025-yil mart oyi boshigacha xabardor qilinadi;
• Tanlangan ishtirokchilar 2026-yil aprel oyi boshigacha gʻoyalarni topshirishlari soʻraladi;
• Jamoa topshiriqlari 2026-yil may oyi boshida yakunlanadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• Linkedin.