Iqtidorli va yangi gʻoyalarga boy yoshlar uchun “Oʻzbekiston uchun 100 gʻoya” respublika tanlovi eʼlon qilindi
-
31/05/2021 Qabul boshlanishi
-
Mukofot Moliyalash turi
-
Oʻzbekiston Davlat
-
30.06.2021 Oxirgi muddat
Umumiy maʻlumotlar
Iqtidorli va yangi gʻoyalarga boy yoshlar uchun “Oʻzbekiston uchun 100 gʻoya” respublika tanlovi eʼlon qilindi. Tanlovda 14 yoshdan 30 yoshgacha boʻlgan qiziquvchilar 9 ta yoʻnalish boʻyicha biznes va innovatsion gʻoyalarini taqdim etishlari mumkin.
Tanlov ishtirokchilari quyidagi yoʻnalishlar boʻyicha gʻoya taklif qilishlari kerak:
- ilm-fan, taʼlim va sogʻliqni saqlash;
- madaniyat va sanʼat;
- media;
- davlat xizmatlarini rivojlantirish;
- qurilish, arxitektura va transport;
- tadbirkorlik va bandlik;
- qishloq xoʻjaligi, irrigatsiya va agro texnologiyalar;
- axborot texnologiyalari va innovatsiyalar;
- ekologiya, qayta tiklanuvchi energiya manbalari va kimyo texnologiyalari.
Gʻoyalar quyidagi maxsus hakamlar hayʼati tomonidan baholanadi:
- IT Park direktori Farhod Ibragimov;
- Oʻzbekiston Respublikasi sogʻliqni saqlash vazirining oʻrinbosari Abdulla Azizov;
- “Office Market Stationery” kompaniyasi asoschisi va bosh direktori Xusan Mamasaidov;
- Oʻzbekiston Respublikasi Innovatsion rivojlanish vaziri maslahatchisi Bobur Rahimov;
- “Havoqand People” kompaniyalari guruhi asoschisi (Les Ailes, Chopar, Burger “Bro” va boshqa loyihalar) va tadbirkor Ahmad Meliboyev;
- Texnik-tadbirkor, startaplar investor Muzaffar Karaboyev;
- Toshkent shahridagi Inha universiteti rahbari Muzaffar Jalolov.
Loyiha 3 bosqichda amalga oshiriladi:
- Saralash;
- Hududiy (yarim final);
- Respublika (final).
Maqbullik shartlari
- Tanlovda millati, tili, dini va ijtimoiy kelib chiqishidan qatʼiy nazar 14 yoshdan 30 yoshgacha boʻlgan barcha xohlovchilar ishtirok etishi mumkin;
- Yakka tartibda yoki jamoa sifatida ariza topshirishingiz mumkin. Bunda jamoada ishtirokchilar soni 5 nafardan oshmasligi kerak.
Foydali tomonlari
Eng sara 100 ta gʻoya mualliflari quyidagi ragʻbatlantirish mukofotlari bilan taqdirlanadi:
- "Oʻzbekiston uchun 100 gʻoya" tanlovida gʻolib boʻlganini tasdiqlovchi diplom;
- "Oʻzbekiston yoshlari" ikkinchi forumida oʻz gʻoyasini Oʻzbekiston Respublikasi Prezidentiga taqdim etish imkoniyati;
- Gʻoliblar gʻoyalarini amalga oshirishda qonunda belgilangan tartibda Yoshlar ishlari agentligi tomonidan moliyalashtirilishi mumkin.
- Gʻoliblar “Oʻzbekiston uchun 100 gʻoya” albomiga kiritiladi;
- Gʻoyani Oʻzbekiston Respublikasi Vazirlar Mahkamasiga kiritish.
Eslatma:
Siz faqat bitta yoʻnalish boʻyicha ishtirok etishingiz va gʻoya taqdim etishingiz mumkin.
Qoʻshimcha maʻlumotlar
- Arizalar 100ideas.uz platformasi orqali onlayn tarzda qabul qilinadi;
- Tanlovda qatnashish mutlaqo bepul;
- Doimiy ro‘yxatdan o‘tgan yashash manzilingiz yoki o‘qish (ishlash) joyingizdan qatnashishingiz mumkin.
Oʻxshash dasturlar
Oʻzbekiston
Iqtidorli va yangi gʻoyalarga boy yoshlar uchun “Oʻzbekiston uchun 100 gʻoya” respublika tanlovi eʼlon qilindi