Iqtidorli yosh vatandoshlar uchun “Yangi Oʻzbekiston — mening nigohimda” nomli maqolalar tanlovi

Yoshlar ishlari agentligi, “El-yurt umidi” jamgʻarmasi, “Vatandoshlar” jamoat fondi va Oʻzbekiston yoshlari umumjahon assotsiatsiyasi hamkorligida xorijda istiqomat qilayotgan iqtidorli vatandoshlar va “El-yurt umidi” jamgʻarmasi stipendiatlari oʻrtasida “Yangi Oʻzbekiston — mening nigohimda” nomli maqolalar tanlovi boʻlib oʻtmoqda. Umumiy 10 nafar nomzod tanlov gʻoliblari sifatida saralab olinadi.

Tanlovni tashkil etishdan maqsad yosh vatandoshlar va “El-yurt umidi” jamgʻarmasi stipendiatlarining Vatanga boʻlgan muhabbatini oshirish, Oʻzbekistonni dunyo hamjamiyatidagi ijobiy imijini yanada oshirishga hissa qoʻshishlarini qoʻllab-quvvatlash, Yangi Oʻzbekistonda olib borilayotgan islohotlarni yanada xalqchil va keng miqyosda targʻib qilishdan iborat.

Maqolalarni qabul qilish jarayoni 2024-yilning 30-aprel sanasiga qadar davom etadi.

Dastur haqida batafsil ushbu havola orqali maʼlumot olish mumkin.

• 18 yoshga toʻlgan va hali 31 yoshga toʻlmagan yosh vatandoshlar va “El-yurt umidi” jamgʻarmasi stipendiatlari qatnashishi mumkin;
• Kelib chiqishi Oʻzbekiston Respublikasidan boʻlgan, xorijga chiqqan va xorijiy davlat fuqaroligini yoki fuqaroligi boʻlmagan shaxs maqomini olgan shaxslar ham ishtirok etishi mumkin;
• Ishtirokchilar oʻz maqolalarida Vatanga boʻlgan muhabbatini oshirish, Oʻzbekistonni dunyo hamjamiyatidagi ijobiy imijini yanada oshirishga hissa qoʻshishlarini qoʻllab-quvvatlash, Yangi Oʻzbekistonda olib borilayotgan islohotlarni yanada keng miqyosda targʻib qilishni keng yoritib berishlari kerak boʻladi.

Maqolalar quyidagi mezonlar orqali baholanadi:

• maqolada islohotlarning yoritilganligi;
• maqolada ijtimoiy muammolar va ularga yechimlar taklif etilganligi;
• maqolada multimedia vositalaridan (jumladan, infografika, fotokallaj, foto
• yoki videolar) foydalanganligi;
• maqolaning xalqchil tilda yozilganligi va ommabopligi;
• zamonaviy tahlil metodlaridan unumli foydalanilganligi;
• maqolaning yoshlarga beradigan natijadorligi;
• texnik, imloviy, uslubiy xatolardan holi ekanligi;
• jurnalistik etikaga rioya qilinganligi, maqolaning xolisligi, nafrat tilidan qochish, maʼlum guruh va shaxslarni kamsitishdan xoli ekanligi.

Eslatma: Maqola tanlovdan tashqari biron ommaviy axborot vositalarida eʼlon qilinmagan boʻlishi shart.

Tanlov gʻoliblari quyidagicha taqdirlanadi:

• 1-oʻrin — Apple Macbook noutbugi;
• 2-oʻrin — Apple iPad 11 pro plansheti;
• 3-oʻrin — Apple iPad 9 plansheti;
• 7 nafargacha boʻlgan saralangan nomzodlarning har biriga Apple smart watch beriladi.

Dasturda qatnashishni istaganlar ushbu havola orqali ariza topshirib oʻz maqolalarini yuborishlari mumkin.

Ariza topshirish quyidagi tartibda boʻladi:

1. Ishtirokchi haqida shaxsiy maʼlumotlar kiritiladi;
2. Mavzu asosida yozilgan maqola PDF shaklda yuklanadi (1-10 MBgacha).

Maqolalarga qoʻyilgan texnik talablar:

• Maqola oʻzbek tilida boʻlishi kerak;
• Shrift shakli — Times New Roman;
• Shrift hajmi — 14;
• Hajmi — 4 betdan 7 betgacha.

Muhim: Avval eʼlon qilingan va plagiat deb topilgan maqolalar tanlovda ishtirok etmaydi.

• Dasturga hujjat topshirish uchun oxirgi muddat: 30-aprel, 2024-yil;
• Ishlar 2024-yil 15-iyungacha koʻrib chiqiladi va gʻoliblar aniqlanadi;
• 2024-yil 30-iyun kuni gʻoliblar eʼlon qilinadi;
• Tel: +998-99-345-55-59.

Quyidagi ijtimoiy tarmoqlar orqali qoʻshimcha maʼlumot olish mumkin:

• YouTube;
• Facebook;
• Instagram;
• Linkedin.