Irlandiya davlati tomonidan magistratura va doktoranturada o‘qish uchun yillik €27,500 stipendiya taqdim etuvchi Government of Ireland Scholarships dasturi
-
02/09/2021 Qabul boshlanishi
-
Toʻliq Moliyalash turi
-
Irlandiya Davlat
-
21/10/2021 20:00 Oxirgi muddat
Umumiy maʻlumotlar
Irlandiya davlati barcha mamlakat fuqarolari uchun magistratura va PhD bosqichida izlanishlar olib borayotgan/boradigan nomzodlar uchun to‘liq moliyalashtiradigan Government of Ireland Scholarships dasturini taqdim qiladi.
Dasturga qabul qilinganlar 30 yaqin oliygohlardan birida tadqiqot olib borish imkoniyatiga ega bo‘ladilar. Dastur tanlangan kurs va tadqiqot davomiyligiga qarab 4 yilgacha davom etadi. Dasturga qabul qilinganlar oylik stipendiya, tadqiqot xarajatlari hamda barcha to‘lovlar uchun mablag‘ bilan ta'minlanadilar.
Dastur davomiyligi quyidagicha:
- Research Master’s Degree - 1 yil
- Structured Research Master’s Degree - 2 yil
- Traditional Doctoral Degree- 3 yil
- Structured Doctoral Degree - 4 yil
Maqbullik shartlari
- Barcha mamlakat fuqarolari qatnashish huquqiga ega;
- Nomzod magistratura uchun bakalavr, PhD uchun magistr darajasiga ega bo‘lishi kerak;
- Ingliz tilini yetarli darajada yaxshi bilishi kerak;
- Yuqori akademik ko‘rsatkichlarga ega bo‘lishi kerak;
- O‘zi tanlagan oliygoh talablariga javob berishi kerak;
- Government of Ireland Postgraduate Programme dasturi bilan hamkorlik qiluvchi oliygohlardan birida 2022-yili tadqiqotlarini boshlashi kerak;
- Tadqiqot olib borish uchun yetarli bilim va tajribaga ega bo‘lishi kerak.
Grant shartlari bilan ushbu havola orqali batafsil tanishib chiqing.
Foydali tomonlari
Yillik grant umumiy miqdori €27,500 bo‘lib, u quyidagicha taqsimlangan miqdorda beriladi:
- Yiliga €18,500 stipendiya
- Barcha to‘lovlar uchun yiliga €5,750 miqdorida pul
- Tadqiqot xarajatlari uchun yiliga €3,250 ajratiladi
Qoʻshimcha maʻlumotlar
- Ilmiy rahbarlardan rozilik xati va tavsiyanoma beruvchilardan tavsiyanoma olishning so‘nggi muddati: 04.11.2021
- Natijalar e’lon qilinish sanasi: Mart oyining oxiri
- O‘quv yili boshlanishi:01.09.2022
- Qo‘shimcha ma’lumot uchun:
Tel: +353 1 231 5000
Fax: +353 1 231 5009
Email: info@research.ie