Islom Hamkorlik Tashkiloti tomonidan media sohasida faoliyat yuritib kelayotgan mustaqil yosh jurnalistlar uchun “Yosh erkin muxbir - jamiyat ovozini kashf etish” onlayn o‘quv lageri
  • 01/09/2021 Qabul boshlanishi
  • Mukofot Moliyalash turi
  • Birlashgan Arab Amirliklari Davlat
  • 04/10/2021 01:50 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    18 yoshdan 35 yoshgacha

Doʻstlar bilan ulashing

Umumiy maʻlumotlar

Islom hamkorligi yoshlar forumi (ICYF) “Yosh muxbir fuqarolar - jamiyat ovozini kashf etish” Onlayn- media o‘quv lageri butun dunyo qiziquvchilarini dasturda ishtirok etishga chorlaydi. Onlayn-lagerda o‘quv mashg‘ulotlari 2021-yilning 15-19-noyabr kunlarida tashkil etiladi. 18-35 yosh oralig‘idagi media sohasida tajribasi bor musulmon jamiyat vakillari ariza berishlari mumkin. Training doirasida qamrab olinuvchi mavzular bilan batafsil bu yerda tanishish mumkin.

Onlayn-trainingdan ko‘zlangan bosh maqsad - axborotlarni raqamli bayon qila oluvchi (digital storytelling) va reportaj tayyorlay oluvchi fuqarolik jurnalistikasining yangi avlodini shakllantirish. Shuningdek, training davomida:

  • Qatnashchilarning zamonaviy media va fuqarolik jurnalistikasi bo‘yicha xabardor qilish va kompetensiya (bilim, ko‘nikma va munosabat)larini yangilash;
  • Media sohasidagi shaxsiy tajribalarini ulashish va jonli media vaqtida yo‘l qo’yiladigan e’tiborsizliklar kichik jamiyatlar uchun qanday muammolar yuzaga keltirishi mumkinligi haqida xabardor qilish imkonini beruvchi platforma yaratish;
  • Yosh mustaqil jurnalistlarni va jurnalistik qadriyatlarni saqlash uchun beminnat kontent yaratib kelayotgan mahalliy jurnalistlarni o‘z sohasi doirasida ruhlantirish va rag‘batlantirish;
  • Media sohasida o‘z kelajagini tasavvur qiluvchilar uchun soha bo‘yicha aniq tasavvurlar berish ham nazarda tutilgan.

Training ishtirokchilariga dastur so‘nggida maxsus sertifikat topshiriladi.

Maqbullik shartlari

  • 18-35 yosh oralig‘ida bo‘lish;
  • Islom hamkorlik tashkiloti(IHT)ga a'zo davlat fuqarosi yoki IHTga a'zo bo'lmagan davlatdagi musulmon jamoasining vakili hisoblanish;
  • Ingliz tilida yetarlicha muloqot qila olish;
  • Ommaviy axborot vositalari bilan bog'liq loyihada qatnashgan bo‘lish;
  • Treyningda qatnashish uchun yuqori qiziqishga ega bo‘lish va mas’uliyatni his qila olish.

Muhim:

Qatnashish istagida bo‘lganlar 2 gigagertsli yoki tezkor protsessorli, 8 gigabaytli operativ xotirali, eng yangi operatsion tizim va veb-brauzerni o'rnatilgan minimal texnik talablarga javob beruvchi kompyuter, shuningdek, veb-kamera hamda mikrofon bilan jihozlangan bo‘lishlari kerak. Darslar video tarzida, jonli muloqot shaklida olib boriladi. Internetning eng past tezligi 4 Mbit/s (simli ulanish tavsiya etiladi) bo‘lishi lozim.

Foydali tomonlari

  • Sessiyalarga to‘liq qatnashgan ishtirokchilarga hamkor tashkilotlar va ICYF tomonidan tasdiqlangan maxsus sertifikatlar topshiriladi.

Hujjat topshirish

  • Onlayn ariza to‘ldiriladi;
  • Onlayn arizani to‘ldirish davomida:
  • Pasport nusxasi (pdf, jpg, jpeg, png Max: 5 MB);
  • Twitter va Facebookdagi shaxsiy sahifasining havolasi (majburiy);
  • Media sohasiga doir amalga oshirgan loyihalari va tajribasi haqida yozilgan xat (max: 200 ta so‘z);
  • Onlayn treningga qatnashishdan maqsadi bayon etilgan motivatsion xat (max: 200 ta so‘z);
  • Tavsiyanoma beruvchilarning kontakt ma’lumotlari.

Onlayn-trainingda qamrab olinuvchi mavzular bilan batafsil bu yerda tanishish mumkin. 

Qoʻshimcha maʻlumotlar

Qabul komissiyasi nomzodlarni maqbullik shartlari va yuborgan arizasi bo‘yicha saralaydi. Agar qo‘shimcha ma’lumotlar zarur deb topsa, Komissiya tegishli arizachilar bilan onlayn intervyu tashkil etishi mumkin. Faqatgina munosib deb topilgan nomzodlarga 12-oktabrda pochta orqali javob xati yuboriladi. Saralanganlar haqida umumiy natijalar ICYFning rasmiy veb-sahifasida va ijtimoiy tarmoqlarida e’lon qilinadi.

Qoʻshimcha maʼlumotlar va savollar uchun:

Elektron pochta: mediacamp@icyforum.org

Birlashgan Arab Amirliklari
Islom Hamkorlik Tashkiloti tomonidan media sohasida faoliyat yuritib kelayotgan mustaqil yosh jurnalistlar uchun “Yosh erkin muxbir - jamiyat ovozini kashf etish” onlayn o‘quv lageri

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar