Ispaniya temiryoʻl jamgʻarmasi tomonidan jami mukofot miqdori 8,400 yevro boʻlgan “Caminos de Hierro” fotolar tanlovi
-
01/08/2022 Qabul boshlanishi
-
Mukofot Moliyalash turi
-
Ispaniya Davlat
-
31.10.2022 Oxirgi muddat
Umumiy maʻlumotlar
Ispaniya temiryoʻl jamgʻarmasi (Spanish Railways Foundation) 31- “Caminos de Hierro” fotolar tanlovini eʼlon qiladi. Tanlov temiryoʻl va poyezdlarga qiziquvchi barcha ijodkor fotograflar uchun moʻljallangan. Ushbu tanlov har yili oʻtkaziladigan eng yaxshi tanlovlardan biri boʻlib, dasturda qatnashuvchi professional hamda havaskor ishtirokchilar soni tobora ortib bormoqda. Tanlovning 30-turida 1,700 dan oshiq nomzodlar 3,726 dan oshiq fotolari bilan ishtirok etishgan.
Tanlovga jami 8,400 yevro mablagʻ ajratilgan boʻlib, birinchi oʻrin uchun 4,000 yevro, ikkinchi oʻrin uchun 2,000 yevro, eng yosh fotograf nominatsiyasiga 1,200 yevro hamda eng yaxshi 4 oʻrin uchun 300 yevrodan ajratiladi. Gʻoliblar 2023-yilning fevral oyida eʼlon qilinadi va mukofotlanadi.
Tanlov uch bosqichda boʻlib oʻtadi. Dastlabki bosqichga rasmlar onlayn joʻnatiladi. Saralash bosqichiga oʻtganlardan esa fotolarning qogʻoz variantini joʻnatish talab qilinadi. (Boshqa davlatda yashovchilar pochta xizmati orqali joʻnatishlari mumkin). Bu bosqichda 150 ta rasmlar tanlab olinadi. Final bosqichicha esa ushbu rasmlardan 70 tasi tanlab olinadi va chop etiladi. Rasmlar temiryoʻl sohasidagi sanʼat boʻyicha mutaxassislar tomonidan saralab olinadi.
Tanlov haqida ushbu havola orqali batafsil maʼlumot olish mumkin.
Maqbullik shartlari
Tanlovda ishtirok etish uchun quyidagi talablar mavjud:
- Dasturda temiryoʻl, poyezdlar sohasiga qiziquvchi barcha professional hamda havaskor fotograflar ishtirok etishlari mumkin;
- Dasturga topshiriladigan fotolar avval chop etilmagan va muallif tomonidan eʼlon qilinmagan boʻlishi kerak;
- Tanlovga topshirilgan fotolar 1,5 MBdan katta boʻlmasligi lozim;
- Ishtirokchilar tanlovning dastlabki bosqichiga temiryoʻl va poyezdlarga aloqador boʻlgan 3 tagacha bittalik fotolar hamda bir faylda jamlangan 5 tagacha boʻlgan toʻplam fotolarni onlayn topshirishlari kerak boʻladi;
- Saralash bosqichiga qogʻoz variantida joʻnatilgan rasmlarning oʻlchami 24x30 dan kam boʻlmasligi va 40x60 dan oshmasligi lozim. Toʻplam fotolar oʻlchami esa 90x45 oshmasligi kerak (gorizontal 90, vertikal 45);
- Eng yosh fotograf nominatsiyasida gʻolib boʻlish uchun nomzodlar 25 yoshdan oshmagan boʻlishlari lozim.
Maʼlumot uchun! Tanlov uch bosqichda boʻlib oʻtadi. Dastlabki bosqichga rasmlar onlayn joʻnatiladi. Saralash bosqichiga oʻtganlardan esa fotolarning qogʻoz variantini joʻnatish talab qilinadi. (Boshqa davlatda yashovchilar pochta xizmati orqali joʻnatishlari mumkin). Bu bosqichda 150 ta rasmlar tanlab olinadi. Final bosqichicha esa ushbu rasmlardan 70 tasi tanlab olinadi va chop etiladi.
Dastur talablari haqida ushbu havola orqali batafsil maʼlumot olish mumkin.
Foydali tomonlari
Dastur ishtirokchilariga quyidagi sovrinlar taqdim etiladi:
- Birinchi oʻringa 4000 yevro;
- Ikkinchi oʻringa 2000 yevro;
- Eng yosh fotograf nominatsiyasiga 1200 yevro;
- Eng yaxshi ishtirok etgan 4 ishtirokchiga 300 yevrodan taqdim etiladi
Eslatma! Har bir ishtirokchiga faqat bir martagina mukofot beriladi. Masalan, ham oʻrin olib ham eng yosh fotograf nominatsiyasi boʻyicha ishtirok etishning iloji yoʻq.
Dasturning foydali tomonlari haqida ushbu havola orqali maʼlumot olish mumkin.
Qoʻshimcha maʻlumotlar
Tanlovning avvalgi turlari haqida ushbu havola orqali maʼlumot olish mumkin.
Tanlov boʻyicha muammolar, unga oʻzgartirish kiritish yoki ishtirokni bekor qilish masalalari boʻyicha ushbu havola orqali murojaat qilish mumkin.
Maʼlumot uchun:
e-mail: cultura@ffe.es;
tel: +34 911 511 015.