Barcelona School of Economics tomonidan Ispaniyada magistratura bosqichini toʻliq va qisman moliyalashtirilgan holda oʻqish uchun grant dasturi

Ispaniyada joylashgan mashhur Barcelona School of Economics tomonidan magistratura bosqichini toʻliq va qisman moliyalashtirilgan holda iqtisod, moliya yoki maʼlumotlar tahlili yoʻnalishida oʻqish uchun grant dasturi taqdim etiladi. Dastur 2025-yil sentyabr oyida boshlanadi.

Grantga nomzodlar merit-based tamoyili asosida saralab olinadi, yaʼni nomzodlarni nafaqat akademik koʻrsatkichlariga qarab, balki barcha qobiliyatlari: faolligi, intiluvchanligi, jamiyat hayotini qanchalik ijobiy tomonga oʻzgartira olishi va shaxsiy koʻnikmalari ham hisobga olinadi.

Magistratura bosqichini uch xil yoʻnalishda oʻqish mumkin:

• Iqtisodiyot va moliya (Master Degree in Economics and Finance);
• Ixtisoslashgan iqtisodiy tahlil (Master Degree in Specialized Economic Analysis);
• Maʼlumotlar boʻyicha ishlash (Master Degree in Data Science).

Dastur haqida batafsil ushbu havola orqali maʼlumot olish mumkin.

• Nomzod bakalavriat (yoki shunga teng daraja bera oluvchi) bosqichini iqtisodiyot, moliya, muhandislik, matematika, statistika, biznes boshqaruvi sohasida yoki shunga yaqin boʻlgan yoʻnalishlarda tamomlagan boʻlishi lozim;
• Ingliz tilini bilish darajasi eng kamida: IELTS 6,5, TOEFL 90-100, Duoling English Test 115 ball boʻlishi soʻraladi;
• Grantga yutishda yuqori akademik koʻrsatkich, faollik, intiluvchanlik, jamiyat hayotiga ijobiy taʼsir oʻtkaza olish va shaxsiy koʻnikmalar inobatga olinadi.

Nomzodlarga qoʻyilgan talablar bilan batafsil bu yerda tanishish mumkin.

Dastur 2 xil usulda moliyalashtiriladi:

• Toʻliq moliyalashtirish: nomzod 100% toʻlovdan ozod etiladi va qoʻshimcha stipendiya beriladi (oʻrinlar soni cheklangan);
• Qisman moliyalashtirish: Oʻquv-kontrakt toʻlovi 25%, 50%, 75% yoki 100% gacha qoplanadi.

Eslatma: 2025-yil 15-yanvarga qadar ariza topshirgan nomzodlar toʻliq qoplanuvchi grantga ega boʻlishlari mumkin. Bu vaqtdan keyin yuborilgan arizalar uchun qisman qoplanuvchi grantlar berilishi nazarda tutilgan.

Dasturda qatnashishni istaganlar ushbu havola orqali akkaunt ochib, ariza topshirishlari mumkin.

Talab qilinadigan hujjatlar:

1. Bakalavr diplomidan nusxa va akademik transkriptlar.

2. Pasport nusxasi.

3. CV (eng koʻpi 2 bet).

4. Aynan shu yoʻnalishni tanlashdan maqsad xati (Statement of purpose).

5. Til bilish sertifikati.

6. Ikkita tavsiyanoma.

Tavsiyanoma (Reference Letter) — professor oʻqituvchilar tomonidan yozilishi maqsadga muvofiq va ularga aloqaga chiqish uchun email manzillari ham yozilishi kerak.

Eslatma: Grantga bir vaqtning oʻzida bitta yoki koʻplab yoʻnalish boʻyicha ariza yuborish mumkin:

• Bitta yoʻnalish uchun ariza topshirish toʻlovi — 60€;
• Bir nechta yoʻnalishga ariza topshirish toʻlovi — 100€.

Hujjat topshirish bilan batafsil ushbu havola orqali tanishib chiqish mumkin.

• Grant dasturiga hujjat topshirish uchun oxirgi muddat: 15-yanvar, 2024-yil (04:00);
• Email: admissions@bse.eu;
• Tel: (+34) 93 542 12 34;
• Takroran soʻraladigan savollarga javob bu yerda.