Istalgan soha bo'yicha Germaniya universitetlariga qabul qilingan barcha bosqich talabalari uchun Friedrich Ebert Foundation Scholarship dasturi
-
16/04/2024 Qabul boshlanishi
-
Toʻliq Moliyalash turi
-
Germaniya Davlat
-
Doimiy Oxirgi muddat
Umumiy maʻlumotlar
Germaniya oliygohlarida istalgan soha boʻyicha bakalavr, magistratura va doktorantura bosqichida oʻqish uchun qabul qilingan xorijiy talabalarni qoʻllab-quvvatlash, ularga moddiy jihatdan yordam berish maqsadida DAAD tashkiloti Friedrich Ebert Foundation dasturini eʼlon qiladi. Dasturda ijtimoiy va siyosiy bilimga ega boʻlgan, oʻz sohasi boʻyicha yuqori akademik koʻrsatkichlar koʻrsatgan talabalar ishtirok etishi mumkin.
Friedrich Ebert Foundation jamgʻarmasi ijtimoiy jihatdan faol talabalarni ushbu dasturda ishtirok etishga chorlaydi. Dasturga qabul qilingan talabalar tashkilot uchun taʼlim muassasa vakili, talabalar kengashi, davlat va nodavlat tashkilotlarda ishlash majburiyatini olishi lozim. Talabalar dasturda ishtirok etish uchun yuqori motivatsiya ega boʻlish bilan birga, nemis tilini bilishi lozim.
Har yili oʻrtacha 40 nafar talaba ushbu grant bilan taqdirlanadi va oylik stipendiyaga ega boʻladi
Maqbullik shartlari
Dasturda ishtirok etish uchun nomzodlar quyidagi talablarga javob berishi lozim:
- Nomzod Germaniya universitetlaridan biriga hujjat topshirgan va qabul qilingan boʻlishi kerak;
- Nemis tilini bilish talab etiladi (garchi taʼlim tili ingliz tili boʻlsa ham). Nemis tilidan kamida DSH level 2, Test Deutsch als Fremdsprache 4 yoki ekvivalent darajaga ega boʻlishi kerak;
- Yuqori akademik koʻrsatkichga va Ijtimoiy va siyosiy bilimga ega boʻlishi lozim.
Dastur talablari haqida batafsil ushbu havola orqali maʼlumot olish mumkin.
Foydali tomonlari
Dasturga qabul qilinganlar quyidagi imtiyozlarga ega boʻladi:
- Bakalavr talabalari uchun — oyiga 830 yevro;
- Magistratura talabalari uchun — oyiga 850 yevro;
- Tibbiy sugʻurta xarajatlari toʻliq moliyalashtiriladi;
- Yaqin oila aʼzosi uchun 276 yevro yoki farzandi uchun 192 yevro moddiy yordam puli beriladi.
Dastur manfaatli jihatlari haqida batafsil ushbu havola orqali maʼlumot olish mumkin.
Qoʻshimcha maʻlumotlar
- Dastur haqida eng koʻp berilgan savol va ularning javobi bilan ushbu havola orqali tanishish mumkin;
- Dastur haqida batafsil rasmiy havola orqali maʼlumot olish mumkin;
- Dastur bilan bogʻliq muhim sanalar haqida ushbu havola orqali maʼlumot olish mumkin.
Qoʻshimcha murojaatlar ushbu havola orqali qabul qilinadi.