IT bo‘yicha Oʻzbekiston Respublikasi Prezidentining startap tanlovi — President Tech Award. Bosh sovrin $100 000!

Oʻzbekiston Respublikasi Vazirlar Mahkamasining 2023-yil 15-fevral 66-sonli qaroriga muvofiq, har yili Oʻzbekiston Respublikasi Prezidentining “President Tech Award” sovrini uchun tanlov oʻtkazilib, uning doirasida umumiy mukofot jamgʻarmasi 1 000 000 AQSh dollarini tashkil qiluvchi raqamli texnologiyalar sohasidagi eng yaxshi startap-loyihalar aniqlanadi. Dasturda 30 yoshgacha boʻlgan Oʻzbekiston fuqarolari hamda IT Park xodimlari boʻlgan chet el fuqarolari ishtirok etishlari mumkin. 

Musobaqa asosiy va maxsus yoʻnalishlarga boʻlinadi. Dasturda 5 ta asosiy yoʻnalish mavjud. 72 soat ichida raqamli yechim yaratishni nazarda tutuvchi Xakaton Gran-prisi esa maxsus yoʻnalishga aylanadi. Tanlov 5 bosqichda oʻtkaziladi. Arizalarni qabul qilish jarayoni 30-iyungacha davom etadi. Gʻoliblarni aniqlash va taqdirlash jarayoni esa 20-noyabr va 10-dekabr oraligʻida boʻlib oʻtadi. Tanlovning asosiy yoʻnalishlari gʻoliblari ommaviy ovoz berish yoʻli bilan aniqlanadi. Xakaton natijalari esa (maxsus yoʻnalish) esa mustaqil tashkilot tomonidan baholanadi.

Dastur haqida ushbu havola orqali batafsil maʼlumot olish mumkin. 

Dasturda ishtirok etish uchun quyidagi talablar mavjud:

• Tanlovning asosiy yoʻnalishida faqat Oʻzbekiston Respublikasi fuqarolari, maxsus yoʻnalishda esa chet el fuqarolari ishtirok etishlari mumkin;
• Barcha yoʻnalishlar boʻyicha ishtirokchilar 30 yoshgacha boʻlishi, jamoa aʼzolari soni 3-8 kishi (asosiy yoʻnalish uchun) va 3-5 kishi (maxsus yoʻnalish uchun)dan iborat boʻlishi lozim;
• Asosiy va maxsus yoʻnalishning 1 ta tanlangan toifasida ishtirok etishga ruxsat beriladi;
• Dasturda qatnashish bepul.

Dastur talablari bilan ushbu havola orqali batafsil tanishish mumkin. 

Dasturning quyidagi foydali jihatlari mavjud:

• 1-oʻrin uchun 100 000 AQSh dollari miqdorida pul ajratiladi;
• 2-oʻrin uchun 50 000 AQSh dollari miqdorida pul ajratiladi;;
• 3-oʻrin uchun 30 000 AQSh dollari miqdorida pul ajratiladi;
• Xakaton Gran-prisida (maxsus bellashuv) bitta gʻolib aniqlanadi va unga $100 000 miqdoridagi pul mablagʻi ajratiladi.

Tanlovda qatnashish uchun O‘zbekiston Respublikasi fuqaroligiga ega bo‘lgan barcha jamoa a’zolari portalda “Elektron hukumat” (OneID) tizimi foydalanuvchilarini identifikatsiyalashning yagona axborot tizimi orqali ro‘yxatdan oʻtkaziladi.

Dasturni oʻtkazish hamda saralash jarayoni quyidagicha:

• Tanlov 5 bosqichda amalga oshiriladi:

- Arizalarni qabul qilish bosqichi- 1-maydan 30-iyungacha;

- Dastlabki saralash bosqichi- 5-iyuldan 25-iyulgacha;

-Tanlangan loyihalarni onlayn baholash bosqichi- 5-sentyabr 25-sentyabrgacha;

-Oflayn baholash bosqichi (Demo kuni) — 5-noyabrdan 25-noyabrgacha;

-Gʻoliblarni aniqlash va taqdirlash bosqichi- 20-noyabr — 10-dekabr;

• Tanlovda hakamlik startaplarni rivojlantirish boʻyicha katta xalqaro tajribaga ega mustaqil tashkilot tomonidan amalga oshiriladi;
• Tanlovning asosiy yoʻnalishlari gʻoliblari ommaviy ovoz berish yoʻli bilan aniqlanadi. Xakaton natijalari esa (maxsus yoʻnalish) esa mustaqil tashkilot tomonidan baholanadi;
• Shaffoflik va oshkoralikni taʼminlash maqsadida mazkur tanlovning barcha bosqichlari maxsus portalda oʻtkaziladi.

Musobaqa asosiy va maxsus yoʻnalishlarga boʻlinadi. Asosiy yoʻnalishlar quyidagi toifalarni oʻz ichiga oladi:

 1. Sunʼiy intellektga asoslangan texnologiyalar;

 2. Ijtimoiy sohada raqamli texnologiyalar;

3.Micro-SaaS va AdTech sohasidagi texnologik yechimlar;

 4. Tadbirkorlik va moliyaviy texnologiyalar;

 5. Kompyuter va mobil oʻyinlar.

72 soat ichida raqamli yechim yaratishni nazarda tutuvchi Xakaton Gran-prisi esa maxsus yoʻnalishga aylanadi.

Dastur saralash jarayoni hamda roʻyxatdan oʻtish shartlari haqida ushbu havola orqali batafsil maʼlumot olish mumkin. 

Maʼlumot uchun:

Tel: +998 71 209 11 99;

E-mail: info@awards.gov.uz

Manzil: Tepamasjid str., Tashkent, Uzbekistan, 100164.

Dastur haqida quyidagi ijtimoiy tarmoqlar orqali ham maʼlumot olish mumkin:

-facebook;

-twitter;

-linkedIn;

-instagram;

-YouTube.