IT mutaxassisi boʻlishni istovchilarga motivatsion hikoya yozish orqali IT markazlarida bepul oʻqish uchun 10 ta grant oʻrni

O‘zbekiston Respublikasi Axborot texnologiyalari va kommunikatsiyalarini rivojlantirish vaziri Sherzod Shermatov O‘zbekiston Respublikasi bo‘ylab IT-Markazlarda o‘qish uchun 10 ta grant taqdim etishini e'lon qildi.

Nega aynan IT sohasini tanlaganligi yoki shu soha mutaxassisiga aylanmoqchi ekanligini bayon etolgan 10 ta eng kuchli insho/hikoya egalari IT-markazlarida bepul o'qitiladilar va noutbuk bilan taqdirlanadilar. Bundan tashqari, ularga IT-kompaniyasiga ishga joylashishda yordam beriladi.

Tanlov haqida batafsil rasmiy telegram sahifasida o'qish mumkin.

• Tanlovda oʻz kelajagini IT mutaxassisi sifatida koʻra oluvchi barcha ishtirok etishi mumkin.

• Eng kuchli deb topilgan 10 nafar g'olib IT markazlarida bepul o'qitiladi va noutbuk sovg'a qilinadi;
• IT kompaniyalarida ishga joylashishda yordam beriladi.

Arizalar ushbu havola orqali yuboriladi. Bunda ishtirokchilardan:

• Toʻliq ism-sharif;
• Telefon raqami;
• Tugʻilgan yili va joyi;
• Nega aynan IT sohasini tanlagani va uni muhim deb hisoblashi haqida hikoya yozish soʻraladi.

Qoʻshimcha savollarni rasmiy telegram sahifasida berilgan eʼlon ostidagi izohlarda qoldirish mumkin.